Tuzan hakha thawngpang kan thei mi cu lungthin nih a celh hrimhrim lo e

Theihtlei

Hakha ah Minung 9 an Check hna i 4 sin in COVID-19 Zawtnak an Hmuh Nihin (July 22) Hakha Sizungpi ah minung 9 zawtnak an check hna i minung 4 (44.4%) sin in COVID-19 zawtnak an hmuh.Nihin mizaw thar pawl hi Dawrthar sang ah a ummi an si. Nizaan ah minung 26 an check hna i minung 12 (46.15%) sin in COVID-19 zawtnak hmuh a si The Chin Journal.

Thawngdang Volunteer Pakhat Si Mi Ma Shwe Kya Cu Covid In A Zaw Midang bawmhchanhnak rian a tuan zungzal i mi nih theih ngai mi volunteer Ma Shwe Kya cu Covid zawtnak a chawnh ve caah oxygen a dawp dirhmun in a um tiah a mah he naihniam mi chungkhar sin in theih a si.

Midang bawmhchanhnak cu a si khawh chung in ai zuam mi a si ,Ma Shwe Kya caah kan bawm hram ko uh oxygen kan herh ngai, oxygen hi cat lo in a dawp zungzal, 5l seh pakhat chiah piak a si ko na in mei rat hi a a ningcang lo ngai caah,Oxygen dur kan herh ko,phungki pa pakhat a rat chung hmanh ah mei voi li a mit.10l pakhat kawl khawh a si ahcun,a um ahcun Ma Shwe Kya zong dam ten mipi hna sin ah a dir kho colh ding a si ko” tiah an mah biaknak lei in phungki pakhat simi nih a Facebook ah bawmhhal nak ca a tial the chin post.

Thawngdang COVID-19 Kham Sii Ting Tampi Myanmar ah a Phan Lai tiah Dr. Sasa nih Chim A ruah hlan ah Myanmar ramchung ah COVID-19 runvennak sii ting tampi Myanmar ram ah a phan lai, tiah Dr. Sasa nih nihin zaanlei ah a Facebook ah a tar.Myanmar ram ca ah COVID-19 kham sii hmu kho ding in ram kip mibawmtu hna le zatlang bu hne he chunzaan in pehtlaihnak kan tuah,” tiah a langhter.

A rauh hlan ah Myanmar ram ah COVID-19 runvennak sii million in a rak phan cang lai,” tiah a langhter chap.
“OVID-19 runvennak sii tlamtling in a phak khawh nakhnga le zapi nih an i chunh khawh nakhnga rammi le rammi i bawmh timi lungput in kan ttuan tti hna lai. Rammi an biapi bik timi lungput he ning le cang ngei tein kan tawlrel lai,” tiah Dr. Sasa nih pehzul in a langhter.

Cun, Myanmar rammi hna nih bawmchantu tthatthi ngei loin COVID-19 zawtnak fak tuk in kan tuar lio ah Oxygen chuhnak le nunthap nih mizaw a zohtu sibawite tlaihkhihnak a tuahtu SAC ralhrang cung ah Dr. Sasa nih mawhchiatnak fak ngaiin an tuah chap.Atu bantuk in SAC ralhrang nih ruru hranghrang in thil an tuahmi hi nuhrin covo direct in buar a si,” tiah a chim.Dr. Sasa (NUG) nih an tawlrelmi COVID-19 runvennak sii pawl hi aruah hlan ah a phan lai tiah ti a si nain zeitik ah dah a phak lai, zeitindah ramchung an luhpi a si lai, zeitindah sichunhnak tuah a si lai tibantuk pawl fiang in zapi sin ah langhter a si lo The Chin Journal.

Thawngdang Minkin (မင္းကင္းၿမိဳ့) Khuami Pathum Cu Rallokap Nih An Thah Hna, An Thah Mi Hna Cu Tangkua Sianghngakchia, Khua U Pa Le USDP Party Tenhmi An Si Tiah Khuami Nih An Chim Sagaing ramthen,Minkin peng, Chindwin tiva in nitlaklei khua ah ralhrang rallokap nih luhhnawh hna in a luancia zarhkhat ah hnahnawhnak an pek hna tangkua kai mi sianghngakchia tel in mipi lei minung 3 an thah hna.

July 11 in 16 tiang ah khuathum in khuami pathum cu ralhrang rallokap nih an thah hna.Minkin peng, Inpinhlah khua ah ralhrang phu le pyusawthi(ပ်ဴေစာထီး) phu hna nih July 16 ah an khua ah an luhhnawh hna, tangkua cawnglio sianghngakchia Mawng Zuai Ko Ko (kum-19) cu rallokap kahnak in a nunnak a liam.

“Rallokap cu khuachung ah ra in ,aa thupmi pawl zong an tli, hngakchia zong, a tli mi poh cu an kah hna ,cu an kah hna nak ahcun an khen i a thih hi a si, an kah mi hna cu an hmuh mi poh an kah hna” tiah Sagaing ramthen mipi vengtu phu in ralkap Thu Rih Yah nih a chim.Inn pakhat zong an khangh,cheukhat inn hna cu an hrawh i thilmansung pawl zong an i kal pi tiah khua mi hna nih an chim.

July 13 ah Tanpoak khua in khua upa pakhat U Myint Swe (kum-60) zong ralhrang rallokap nih an kah nak in a nunnak aliam.USDP party tanh tu U San Win zong ralhrang rallokap hna cu a hrial hna nak ah a umnak inn Zinkalay khua ah eiding thir in a kal lio ah rallokap nih an kah caah a nunnak a liam.

”Amah cu USDP tha pe tu pakhat a si,ramlak zam in facang an ngeih ti lo caah facang a va lak nak ah an kah hi a si,a lu ah an kah , Ralhrang rallokap phu hna nih hin miphun thim lo, biaknak thim lo, party thim lo in an thah hna” tiah khuami pakhat nih a chim.

Ralhrang phu hna nih khuami an thah hna, inn an khangh piak hna, innchung ah lut in thilri an lak ,a phunphun an tuah ko nain ,lehrulh than ding ah i zuam zong ah rallokap lei biachimnak nawl ngeitu hna cu kan pehtlai kho hna lo.

Sagaing ramthen chung Yinmapin,Kani, Minkin,Kalay,Kanhbalu, Tanhsee le Palae peng chung ah April thla in July thla tiang ah voi 58 kahdohnak a chuak. Mipi vengtu phu in minung 67 an nunnak a liam i, ralhrang phu in minung 360 an thi cang tiah Sagaing ramthen mipi vengtu phu nih an lak mi cazin ning ah theih khawh a si.

Leave a Reply