US Immigration Kong (Chungkhar Laaknak le Thil Dangdang Kong) Theih Herh Taktak Mi

Theihtlei

By. Salai Van D Ceu: US Immigration Kong (Chungkhar Laaknak le Thil Dangdang Kong): Atu ka vun ttialmi hi kum riat chung accredited immigration consultant& representative dirhmun in ka rianttuannak hmuhtonmi chungin professional opinion hoih deuh in ka vun ttialmi asi. (Mah hi ka Fb friends ca lawngah ka ttialmi asi. Public caah postmi asi lo.)

Extension of non-immigrant visa holders in US on case-by-case ...

Zapi nih kan theihcia bang khan, Kawlram lei chungkhar laaknak immigrant visa poahpoah cu President Trump nih a phih dih. US nih Kawlram immigrant visa a phihnak a ruang bik cu: (i) Malaysia lei in a rami ralzaam cheukhat pawl (min, chuah nithla, nu le pa min, khua..) ai thuat/ai khatmi a tam tuk ruangah le (ii) Kawlram lei documents pawl, abikin birth certificate a dik lomi tam tuk a um tiah an ruah caah asi, tiah ka ruah. Kawlram le Nigeria ram visa an phihnak a ruang bik cu, lih tam tuk a um ti-ah an ruah/hmuh caah asi, ti cu za ah za bakin ka ruah.

Kawlram Passport kha, security check nak a tlinh lo caah visa phihnak an tuahmi asi lo. Kawlram passport bantuk level tluk hrawng asimi ramdang tampi an um ko. US nih immigrant visa phihkhamnak a tuah lomi ram tampi an um ko. Mah visa an phihmi hi, tukum November US election ah President Trump nih teinak a hmuh rih ahcun kum zeimawzat a phih rih ko lai. Chungkhar tampi cu US an ra kho lai lo. Cucaah, abikin kan Laimi ca-ah cun kan MP pawl nih Kawlram Ministry of Foreign Affairs ah biatak tein an chimrel a hau te dingmi asi.

Amahbelte November election ah Joe Biden nih teinak a co ahcun Kawlram visa phihnak tu cu, a dongh ter colh ko lai. Atulio ah Kawlram lei ah chungkhar laaknak a duhmi poahpaoh cu, ttha tein auhnak kha USCIS ah tuah chung ding asi. Chungkhar auhnak ahhin Green Card le Citizen a simi dirhmun in auh ning lam ai dannak tete a um:

Green Card a ngeimi nih chungkhar laak khawhmi: (i) Nupi/pasal (ii) Fale nupi/pasal ngei rih lo- kum 21 tang le kum 21 cung). Hika zawn ahhin 21 cung asimi fale laaknak tu cu, kum sau nawn a rau.

Citizenship a ngeimi nih chungkhar laak khawhmi: (i) Nupi/pasal (ii) Fale nupi/pasal a ngeimi le ngei rih lomi (iii) Hringtu nu le pa (iv) Chuahpi u-nau. Hika zawn ahhin kum 21 cung fale pawl le nupi/pasal ngei ciami fale laaknak cu kum sau nawn a rau. U le nau laaknak chinchin cu kum hra renglo a rau. Cun pakhat te vun tanh ta ka duhmi um. Cucu immigration caah abiapi bikmi le a herh pengmi document pakhat cu, Birth Certificate (BC) hi asi. Atulio ahkhin Rangoon, US tanzung nih Kawlram BC an pom lomi tampi a um cang.

Cucaah ramchung (Laitlang/Kawlram) ummi pawl nih-fale a chuak kaami poahpoah cu an chuah caangka in birth certificate laak piak colh hna u. Cun an chuahnak he pehtlai in siizung lei nih pekmi document tete zong ttha tein fim piak cia hna u. BC cu chungkhar laaknak ah a herhmi asi pin ah hmailei hmailei ah student visa soknak tiangah a herh peng dingmi asi.

Leave a Reply