US Ram Caah Thawngpang Thatuk Thei Si Cang Lawm Pi Cio Hna U Sih

Theihtlei

United States ah cun kum 30 chung ah Cancer zawtnak in athi mi zat cu hmun 3 then i hmun 1 in a niam tiah langhter asi. Diagnosis tuan teah an lak ruang le zohkhenh nak tha tein an lak ruang le kuak zu an tlawm thluahmah caah asi tiah hlathlainak nih alanghter.

Cancer ruangah athi mi hi kum 1991-1999 chung khan 32% bak in aniam tiah American Cancer Society annual report nih alanghter. Mah ruangah cancer zawtnak in athi mi cu million 3.5 in a niam. Kuak zu an tlawm caah cuap lei zawtnak le kuak zuk ruangah achuak mi zawtnak dang dang hna cu atlawm phah ngai tiin cuap cancer cu zawtnak dang nak in thihnak tlun ter tu asi tiah langhter asi.

Kum 1990 thawk in khan kum chiar 1% in aniam tiah langhter asi. Kum 2015 le 2019 karlak ah khan mah nak let in aniam i, kum chiar 2% in a niam. Cancer ruangah thihnak a tlawm nak aruang cu diagnosis tuan teah lak ruang le tuan teah checkup siseh treatment lak caah asi tiah ACS nih a langhter.

Thawngdang Mipi caah ruahchannak a um maw tulio Mipi ralkap PDF le SAC ralkap an dirhmun Tulio Kawl ralhrang pawl nih an tih bakmi le tlaih ding in an kawl zungzal i an tlaih kho lo mi pa cu Pale PDF an hruai tu Bo Naga timi pa a si. Nai interview an tuahnak i Bo Naga nih a chim mi cu.

Tutan dothlennak kan tuahmi hi dothlennak Movie aa thlak mi kan si lo a takin dothlannak chungah a pilmi kan si caah teinak kan hmuh hrimhrim lai. Sagaing ramthen ah Min Aung Hlaing ralkap an thazaang a dertuk cang. Voi 60 reng lo Pale Pengkulh ah kan i kaap i PPDF nih kan thah zungzal hna. Pale PDF pakhat hmanh kan thi rih lo, kan nih cu kan karh chin kan thawng chin an nih tu cu an tla thluahmah tiah a ti.

Hi pa biachim ning ah ralhrang pawl hi an chuah an luh hmanh ah thinphang tuk khin an um. Hmai kal ah thi ding hnu tawn ah le thah ding. Thihnak le thihnak kar ah an um hna ti khawh si.

Cucaah tutan dothlennak ah hin mipi nih kan tei hrimhrim lai. Cu ti ka chim khawh nak cu, nikhat hnu nikhat Mipi ralkap PDF an karh, an thawng chin, an hriamnam a tha chin. Anmah kutchuak hriamnam tiang a um cang. A karh rih lai, an thawng chin thluahmah lai. An phanhnak poh ah dawtu an ngei. Dirpi tu mipi an ngei. Thawng pe tu an ngei zungzal. Khuachung an phanh tik poh ah Mipi nih an don pangpar thihrual an pek hna. An ral tha tuk. Mah le mah zumhnak an ngei tuk hna.

SAC ralhrang belte nikhat hnu nikhat an dih ruahmah. Kawlram chung ah nikhat ah 100 nak tlawm lo an thi zungzal ti khawh a si. Cu nak tam an thih caan zong a um len. SAC an karh ti lo. An hriamnam a zawr, an minung thazaang a tla. An thinlung a der chin. An ral a chia chin thluahmah. An cunglei bawite an lungrualnak vanpang a tlu thluahmah.

Raldohnak ah a biapi taktak mi cu hriamnam that lawng a si lo thinlung a si. SAC an thinlung a der tuk cang. Cung le tanglei an i pehtlaihnak lih lawng te a si. An thih hmanh ah an i chim ngam ti lo. Anmah lei a thimi thawng an zamh bal lo. Tanglei nih thil a hman ning in Min Aung Hlaing an chim ti lo. Lih kha lih in nalh chih an i tim. Caan sau an rau ti lai lo.

Nihin Ralhrang lei thawng an thanhnak zongah an lih lawng te an chim than. Zaw Min Htun nih uknak kan lak hnu ah Yangon ah voi 4000 kahnak a um i Cozah riantuanmi 292 thi mipi 1830 thi hna. PDF 1400 kan tlaih hna a ti. Anmah lei thimi zat an chim bal lo. Chim an i tim bal lo an thuh zungzal.Cucaah mipi kan tha dawr hlah seh, Min Aung Hlaing hi a thih lo hmanh ah a nung na bu in Uknak mipi kut a phan lai a phan hrimhrim lai.

Leave a Reply