USA FBI:Nih vote kong hlathlai nak tha tein an tuah than i’A dik lo mi ceilak an hmuh than cang hi.

Theihtlei

2020 US thimnak cu FBI nih a dothlat cang. Georgia ah rel lomi mee 2600 an hmuh.Fox Business host Lou Dobbs nih 2020 thimnak cu US ram i cozah dothlatnak zung (FBI timi Federal Bureau of Investigation) nih a dothlat cang tiah a ti.

Cun Nihnihni ah khan Trump campaign nih Floyd County, Georgia ah rel rih lomi mee 2600 kan hmuh tiah a ti. Cu chungah cun Trump ca ah mee 800 a um an ti. Georgia mee relnak nih hi mee tom hi rel bak loin a si lo ning in thawng an rak thanh i Biden kha teinak an rak pek i Trump kha fahnak an rak pek. Hihi dantaknak nih a zulh te hna lai tiah Loeffler nih Fox news ah a chim.Trump lei upadi mibu nih atu ah konglam (case) 18 in taza an cuai cang hna. Cun biaceihnak zung zong ah teinak an hmuh cuahmah tiah Fox news ah thawng an ra thanh.

Cun Georgia, Townhall.com ah Republican monitor pakhat a simi Hale Soucie nih amah hmuhhngan bak ah mee reltu nu pakhat nih minute 3 chung ah Trump ca a simi mee bak kha Biden ca ti in voi (3) bak a chim kha a hmuh tikah a vun caaknak kong kha website thar an tuahmi ah a chim.

Rev. Biak Lian Vel

Cherhchanmi: Khrihfa thawngthannak CBN news, 11/17/2020 04:34:18 PM Steve Warren and Benjamin Gill
Relchap ko:Evengelical Khrihfa tampi nih Trump ca thla an campiak len lio ah hin Laimi cheukhat nih cun atu tiang Trump soisel an ngol kho rih lo pinah Trump a tanhmi hna cu a hrinthan lomi le mihrut an si ti tiang in ca an thlahmi hi ngaihchia a si ko.

Trump kan tanhnak a ruang hi amah pumpak in thil tha lo a tuahsermi kha kan tanhmi a si lo. Khrihfa cawnpiaknak a kalpimi te hi a si ko. A hrin than cangmi nih cun mah duhnak nak in Pathian duhnak tuah kha kan i thim deuh fam cu ta!

John 3:21 ah “Thil hmaan a tuahmi cu ceunak ah khan a ra i a tuahmi kha Pathian duhnak zulh in a si ti cu ceunak nih cun a langhter,” tiah Jesuh nih a ti.

1 Peter 4:2 ah Peter nih, “Cucaah atu thawk in, hi vawlei cung i nan nun chung cu, minung duhnak kha si ti loin Pathian duhnak tu kha i ukter cang u,” tiah a ti ve.

1 John 2:17 ah Apostle John nih, “Vawlei le a chung i a ummi thil minung nih an duhmi hna hi an lo cuahmah cang; sihmanhsehlaw Pathian duhnak a tuahmi cu zungzal in an nung,” tiah a ti ve.

Cucaah Pathian duhnak tuah thimtanh hi a hrin than cangmi hna i an nungning a si. Pathian duhnak nak in mah duhnak a tuah thim tanhmi hna cu titsami an si.

Cun atu tan thimnak ah hin Trump vote a petu hna hi 72 million va si hna kaw, hi hna vialte zong hi mihrut maw an si dih ve kun hnga?

Mat.5:22 ah “ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai, tiah Jesuh nih a ti.Cucaah, “Mihrut cu kan si taktak ko maw? Kan si ahcun Pathian ruangah a si ko lai. Kan fim a si ahcun nanmah ca dingah a si,” (2 Kor. 5:13).

Rev. Biak Lian Vel

Leave a Reply