USA laipa nih:Facebook ngei tu’Zuckerburg sin ah lawmnak bia a chim cang hi.

Theihtlei

Bawipa Pathian a ttha. Laimi (Chinmi) zong hehtiah lubo na tintte na in Facebook cu hmang cio a si. Mark Zuckerburg cungah kan i lawm. A poi tukmi cu, Laimi a tamdeuh 100 ah 75 tluk hrawnghi cu cathiam lo kan si lai, Facebook a hmangmi lak ah. Mah tikah Facebook chungah ttial awk lo ttial, khawmenh (comment) pek lo awk pek, le mi hmanthlak i lak riangmang in silo ning in cattial.

Messenger in holh dawh lo cakuat ti bantuk a hmangmi kan tamtuk. Silo ning in mipuh ti bantuk te hna kan hmang. Mah bantuk kan tuahmi pawl khi phunglam le upadi he a tlak lomi a tampi ti kan thei lo, zapi zaran cu. Palik sinah kalpi uh sih law Kawlram ah an in kuat dih hna lai silole dantatnak pakhat khat cu nan tuar hrimhrim lai. Nai i Capitol innpi a luhhnawh mi lak zongah Democratic party minung an si tiah Laimi tam nawn nih lih le hrokhrawl in nan chimmi le nan ttialmi pawl khi FBI zohter hna uh sih law Kawlram ah an in kuat dih hna lai.

Laimi kan poinak cu Democracy ram ah kan um i kan duhmi poah kan chim kho kan ttial kho, zalong tein chimrel nak ram a si nan ti i nan chimmi pawl le nan ttialmi pawl le nan thiltuah mi pawl cu Upadi ning a si le silo zong nan tuak ti lo/nan thei ti lo. A bik in, Laimi tampi nih Facebook chungah bia kan chimmi le kan ttialmi, khawmenh kan pekmi pawl khi Khrihfa ziaza le nun he zong a kalhmi/a tlak lomi a tamtuk. Facebook hmang thiam lo ruangah kan Khrihfa nun a rawk tuk ve. Khawmenh ttha lomi pek, messenger in holh chiakha kuat, le mi hmanthlak i lak in ca ttha lo ttial te hna khi dirhmun a niamtukmi le sal bantuk lungput a nei deuhmi lawngnih an tuah ko lai.

Mah bantuk pawl khi mi zei ruaram lo deuh an si ko lai. Anmah bantuk pawl khi zeitik hmanh ah Khrihfa ttha le a piangthar mi zong an si kho lai lo. A tthangcho lo ding le thluachuah a hmu lo ding pawl deuh an si ko lai. Santlai lo, mi nih zei i rel lomi deuh an si ko hna lai. Khi bantuk minung pawl khi mifim an si bel lo. An minung hawi hmanh nih zei i rel lo deuhmi lawngte an si ko lai. Pastor le Khrihfa bu nih piangthar ter khawh ti lomi an si ko lai. An chungkhar zong zoh hna uh law dirhmun sining a niamtuk mi an si ko lai. Biaknak lei zongah a fel lomi an si ko lai. Sualnak le santlai lo thil tuah lawngah a khulrangmi an si ko lai.

Sining le dirhmun a phunphun he Facebook cu kan hmang cio hna. Cangai khorh pah le lothlo pah in le ABC cawng pah in a hmang na, PhD kai pah le sianginn dang kai pah in a hmang na, pastor le evangelist rianttuan pah in a hmang na, sathahnak ah le warehouse ah rianttuan pah in a hmang na, sushi ttuan pah in a hmang na, zurit pah in a hmang na, thinhar bu in a hmang na, ralzam dirhmun in a hmang na, zung riantuan pah in a hmang na, rian nei lo buin a hmang na, nau umh pah le inn umsawh pah in a hmang na, carel pah in a hmang na, zei huaha thei lo buin a hmang na, ninghngal ngai lungput he a hmang na, fim ngai le toidor ngai in a hmang na, fel ngai le dik ngai in a hmang na, lih le hrokhrawl buin a hmang na, dawr hngakpah in a hmang na, Pathian bia ngaih le rel pah in a hmang na, ramdang sianginn kai dirhmun in a hmang na, Laica ttial le rel cawng pah in a hmang na, ti bantuk lawngte kan si ko hna.

Facebook cattial dan le ttial awk dan zong thei huaha loin kan hmang lulh cio ko hna. Facebook hmandan zia na thiam lo ahcun na Khrihfa nun tamtuk a rawk pinah na caah thluachuah hmuh lonak tiang le rawhralnak tiang a chuahpi khawh ve. Democracy ram ah kan um i duh poah in zalong tein biachim le cattial khawh a si tiphun in na kal peng ahcun na palh tuk lai i na rawhralnak men a siko lai. Tang 4/5 awng lo na si ahcun Facebook chungah cattial le biachim pawl hi i sum deuh law cucun na fim deuh lai i na tthangcho deuh fawn lai.

Leave a Reply