USA le Canada:Um laimi caah a biapi tuk mi’Thawngthanh nak le zawnruah nak.

Theihtlei

Tuzan cu motor thar cawk a duhmi caah santlai a si hnga maw tiah News pakhat ka von ttial’US le Canada ah a ummi hna nih Motors thar cawk a duhmi nan um ahcun atu lio te hi a “season” a si. Covid 19- pandemic ruang ah Motor Model thar tampi hna cu an zuar kho lo. Cucaah, Ford Company nih 2020 models pawl a man an thumh/promotions an chiah liote a si i, November 30 hi deadline a si. Company dang cu Ka thei lo.

2020 Model thar na cawk ahcun 72 months hi “Zero Interest” a miak loin” in na lak khawh lai.
#2020 Model paoh a man an thumh dih i, a cheu cu $ 5000 tiang an thumh. Mawtawka chia te, trade ding Na ngei ahcun, zeibantuk mawtawka Na Trade paoh ah $ 2500 credit an in pek lai i, Cun, Na mawtawka man /value kha an in chap piak lai.

Example ah keimah ka mawtaw a chia takmi, zuar khawh tilomi, hlawnh hmanh ah hlawnh man liam a haumi hi trade ning law, mawtaw man ah $ 200 or 500 in an ka lak piak lai i, credit hi $ 2500 an ka pek chap lai. Cu tikah, ka mawtaw cu $ 3000 in an ka cawk bantuk ah a cang hnga:) Cucaah, mawtawka chia a ngeimi hna caah a hlawk ngai fawn Mawtawka a man an tthumh, na theih ahcun kan thanh ve te law tiah a ka timi an um caah, siaherh in zapi caah kan von ttial.Za Sang Cinzah

Relchap ko:President Donald Trump nih Attorney General William Bill Barr cu Christmas hlan ah a rian in a chuak lai tiah Twitter ah a vun ttial. Mah hi Electoral College nih Joe Biden teinak an fehter ni ah a cangmi a si. US Justice Department lutlai Bill Barr hi president Trump he aa naihniam taktakmi le Trump ṭanpitu ṭhabik lakah aa tel. Asinain 2020 US Election ah a sungmi Trump nih Joe Biden le Democratic nih hrokhrawl in teinak an hmuh tiah sungh duh loin tazacuai le thimnak a phichuak amah lei hoih ding in mersan aa zuammi kong ah Barr nih bia tihin a rak chim; “Tutan thimnak a phichuak a thleng kho ding tiang in lih le hrokhrawlnak kan hmu lo.

Cuti a chim cu Trump caah a rak fak tuk. White House ah a auh colh i suimilam tam ngai bia an rak i ruah. Cu zarh lila ah Barr nih a rian chuahtak a duh kong bia a rak leng.Trump cozah thla khat hrawng te lawng a taang cang nain kum dongh hlan ah a rian a chuah tak a si ahcun amah changtu ding hi rian a ttuan manh lai lo.

Relchap ko:USA President thimnak cu thaizing, December 14, 2020 ah Electoral Collage pawl nih State kip result zoh chih in fehternak an tuah cang lai, phundang in chim ahcun thaizing ah a chia a tha a fiang cang lai i January 20 ahcun President thar lawmhnak tuah khawh ding in timhtuahnak karhlan pi a si cang lai.

Tukum US President thimnak hi a dik lo, Vote fir in Democrats nih teinak an hruai mi a si, a dik hrimhrim lo tiah Donald Trump legal team nih biatak tein dohnak an tuah, felfai taktak in Tehte (Evidence) pawl an khomh dih hnu ah Supereme Court ah an chuah pi.

Thawngpang chia ngai a si mi cu Supreme Court nih Donald Trump Legal Team pawl tehte zong zeihmanh zoh duh loin an hnon piak hna. A fawinak cun US Supreme Court pi zong nih Donald Trump an dirkamh duh lo, an hlonh ti khawh a si. Tehte an chuah pi mi zong zoh lo bak in hnon piak cu Presidnet pakhat a si ve mi Donald Trump caah a fak ngai ngai.

Hi kong he pehtlai in Donald Trump nih “Tukum US President thimnak hi a dik lo, lih in teinak hmuh an i zuam timi Tehte felfai kan ngei, felfai taktak in Tehte (Evidence) langhter a si dih. A si nain Supreme Court nih an zoh duh lo, an hnon. Zeibantuk Biaceuh bawi hmanh a dik fel mi an um lo, Supreme Court telh chih in a dikfel mi an um lo, an cung ah ka lung a fak ngai ngai” tiah Fox News sin ah a chim.

Tutan thimnak result le Supreme Court cawlcangh ning kong ah Donald Trump a lung a fak ngai ngai. USA mipi dihlak an kan hlan, an kan deuh cikcek, Nikhat te hmanh biaceih zung ah caan an kan pe duh lo tiah a lungfahnak zong a langhter chih hi asi. ‘This is a great and disgraceful miscarriage of justice. The people of the United States were cheated, and our Country disgraced. Never even given our day in Court!’

Leave a Reply