American Ram Pumpi Ah A Um Bal Lomi Republican Party Nih Conference Tuah An Timh

World News

American Ram Pumpi Ah A Um Bal Lomi Republican Party Nih Conference Tuah An Timh
======================

A ralaimi November thla chung tuah dingmi American President Thimnak cu Republican party aiawhtu President caah President Donald Trump cu nominate tuah than ding in Conference cu tu thla dongh lei ah Media tel loin tuah a si lai, tiah Republican national committee biachimhnak nawlngeitu nih a chim. Coronavirus ruangah August 24, 2020 ni ah North Carolina ramkulh, Charlotte khuapi ah conference cu Media tel loin a dang tein tuah a si lai, tiah a chim.

Atu lawlawse President nominate tuahnak ding mi program conference ah hin party pawl nih President thim dingmi cu hnatlaknak ngeih khawh hnu lawngah si loin mee thlaktu mipi sinah phahter dih khawhnak hi Media riantuannak thawngin a si tiah cheukhat nih an chim. Hi Conferecen puai pi ah Media tel loin tuah a si lai caah President thimmi palai tarlanghmi hi avoi khatnak bik Conference le tuanbia ah a um peng cang lai, tiin theih a si. Republican party palai chung zongah Charlotte khuapi ah tuah dingmi Conference ah hin biaruahnak an rak ngeih cang tiah theih a si.

Vawleicung zawtnak thalo Coronavirus ruangah Ameriacan ramchung zongah hin ramkulh lawnh in khualtlawnnak kong he pehtlai in tuah awk tha lomi le hrial hrimhrim dingmi thil zong tampi a um rih. Phungning tein thimfung thlak khotu palai pawl hi minung 2,500 leng an si lai. Cun, Republican palai aiawhtu hi North Carolina ramkulh, Charlotte khuapi tuah dingmi conference ah hin an kai cio lai i, mee an thlak te lai tiah theih a si. Republican party phu nih Media tel loin conference tuah an itimhmi ruangah media phu le cheukhat party lei zong nih an mawhchiat ngaingai hna, tiah thawngpang zong theih a si. American ram pumpi Media a zalong tuknak ram pakhat nih atu bantukin media tel loin party conference tuah timh zong hi sullam tampi a ngeihte kho men. Ref: VOA

Leave a Reply