Aung Lan Sang:Ruang ah a thih mipa’A ruak an thut pi lio video.

World News

Nizan tining ah laimi le kawlram pum pi nih kan uar m’Aung Lan Sang cu ai thongh tikah a sung hlan ah mipi nih teinak a hmuh hrimhrim lai tiah zumhnak kan ngei cio cun minung tampi cu tangka thap bakin an i lung cio hna.

Cu ve bang in Aung Lan Sang a uar bak mipa sayapa cu Aung Lan Sang a sungbak in khan a lung a tor i mual a liam cawlh hi asi tiah kan thei zeidang zawtnak zong a ngei lem lo tizong in thawngpang theih asi video ka van chiah mi hi a ruak cu asi a tang hi video asi rak zoh ve uh.

Aung Min Thang biachim mihi relchap ko uh.

By Dr. Aung Myint Thang: HALKHA, THE TOWN OF DOOM: Laitlang ah khuasak ka duhnak bik Halkha khua hi zeitluk in dah ngaihchia asi! Von zoh hmanh. 1. THIL MAN: Facang a ttha deuhmi hi ik khat ah ks. 70,000 hrawng asi. Ks. 80,000 asi caan hna a um. Motor a ke, ke khat, thil chem man khi Yangon ah ks. 100 or ks. 200 asi, Halkha ahcun ks. 1000 bak an laak. Ke li ahcun ks. 4000 asi. Tikor hmawmmi caah Khampat ah tikor thawl khat khi ks. 500 asi i Halkha ahcun ks. 5000 asi. Tampi lak ah tlawmte ka von langh ter bia.

Chin State Parliament House and Hakha City View- 4K - YouTube

2. INNSAKNAK KONG: Innhmun a ngei ciami nih thing inn le tlakrawk inn sak ding ahcun ting ks, 1000 i rin a hau. Ks. ting 1000 dih in inn a sami cu nan dih lo tuk tiah ruah an si. Canphio vaam chonmi in dot hnih sak ding ah ks. ting 600 hrawng i rin a hau. Laimi hi innsak thiam a tlawm caah Kawl deuh kha an fial hna. An nihlawh hi niklhat ah ks. 18,000 – 20,000 kar an si dih. Duhsah huansam taktak in an ttuan fawn. Laimi mino tampi nih innsak an i nautat. Kawl um hna hlah selaw innsatu an um hnga lo.

3. INNHMUN KONG: Halkha ram chung ah innhmun a lawngmi a um ti lo. Chuncung ramri tiang hmun ai tlai dih. Loklung tiang hmun ai tlai dh. Thantlang lei ah Tita tiang hmun ai tlai dih. Pipu hna kan ram asi ti lawngte an si dih. Halkha innhmun cheukhat cu atu Yangon North Dagon le Mingalardon nakin innhmun man a faak deuh.

4. MISUAL: Halkha ahcun upa zu dingmi hi ttih an nung lo ti asi. Zaan ahcun hngakchia bak kha ttih an nung tuk ti asi. Abu in an um hna i, chai le tolhtaang he an vaak hna ti asi. Hngakchia ttih an nun taktak nak nu le pa nih an chimhhrin khawh hna lo nak khuapi asi.

5. TI: Halkha cu ti har ah min a thannak khua pakhat kan Laitlang ah a si ve. Fur a von dih cun ti hi cawk chom bak in veng tampi cu nun asi. Pung khat ah ks. 300 hrawng a phan kho. Vawlei cung khua nuam lo bik lak ah hin ti har nak khua hi an i tel ngawt.

6. IHAWIKOMHNAK: Halkha hi Kawlram chung khuapi ah um a har bik nak khua pakhat asi lai tiah acehu nihcun an ti. Zeicatiah Halkha cu a kikmi khua asi caah mipi kha anmah inchung cio ah mei an to dih hna i lengchuakmi an tlawm caah um a har khun nak asi. Cucaah zaapi cu phone lawngte kha deh asi ko. Phonbe hi an hawi ttha bik ah ai cang.

7. RIAN: Halkha ah zaapi ttuan dingmi rian a um lo. Lo tuah nak ding ram a um lo, thingphurhnak ram a um lo. Dum tuah nak ding hmun a um lo. Tisik-anhnah va hrawn nak ding hmun a um lo. Ram va riah nak ding hmun a um lo. Zaapi zeitindah an nun ne? 100 ah 80 cu ram dang kalmi an fale nih an von zohkhenhmi hna an si ti asi. Laimi hi ram rum ah rak kal hna hlah selaw, abikin Halkha khuasa kho cu um dawh kan si lo. Halkha ahhin mi tlawmte lawng an um kho hnga i khuapi zong asi kho hnga lo, khuate ah ai cang hnga.

8. BIAKNAK Greek Bible ah a um lomi, Kawl Baibal zong ah biafang fang khat hmanh ai tel lomi, Dr. Rual Uk lehmi Bible le Rev. Hoi Cung Tum lehmi Bible zong ah biafang, fang khat zong ai tel lo i, i leh palh sualmi Bible lawng ah biafang hmuh asi mi “holhtheih” hlasaak le laam ai te lo nak hmun ahcun crusde tuah khawh asi ti lo. Holhtheihlo hlasak le laam a hmang lomi evangelist nih phungchimnak church an i hmuh kho ti lo.

Biatak thawngtthachim minthang, Evan. Dr. Ngun Mang tehna zong Gospel Baptist Church nih an sawm tawn hna nain pumhpitu hmanh an ngei lo. Bible khup-thal a let i Bible zong a kan leh piak kho tu hna Dr. Rual Uk le Rev. Hoi Cung Tum nih Halkha ah an umpi ko hna nain “holhtheihlo” hla sak le laam pi cu Bible ning asi in an hmuh lo caah an tuahpi hna lo. Cucaah phungchim sawmtu zong an ngei ve ti lo. Halkha cu biatak an duh lo, biatak lo an duh, Bible ning i kal an duh lo, Bibal ning lo i kal kha an duh. Mah ruahnak poh in Pathian a biami Kain bantuk an tam nak khua asi.

Leave a Reply