Breaking News: India Ramchung Ah Zu Din Sual Ruangah Minung 90 Dengmang An Thi, Minung 2 An Tlaih Hna

World News

Breaking News: India Ramchung Ah Zu Din Sual Ruangah Minung 90 Dengmang An Thi, Minung 2 An Tlaih Hna
=========================

India ram chungah zu tihnung minung sawksawh nih din awk a tha lomi dawr ngeitu hna nih an zuar caah minung 2 cu Palek nih an tlai hna i Police le nawlngeitu cheukhat hna zong an rian in an dinhter hna tiah theih a si. Hi zu dinnak ruangah Minung 80 leng an thi cang, tiah thawngpang theih a si. India ram nitlak lei ah a ummi Panjab ramkulh chungah phungninglo zu an din ruangah minung 86 an thi cang, ka hnu zarh chungah chekhlainak zong an tuah ko cang, nihin ni tiang ah phungning lo zu chuannak hmun 30 an hmuhnak kong cu India nawlngeitu sinin thawng theih a si.

Cun, Police minung 6 le rank sang minung 7 hna cu hi zu zuarnak kong ah zeihmanh khamnak an tuah hna lo caah an rian in dinhter an si, tiah theih a si. Tayayin lei in chekhlainak zong district pathum 3 ah an tuah rih tiah an chim. India ram chungah hin sifakmi pawl caah phungning tein licence in tuahmi cozah zu dawr pawl ah a man a faktuk caah thahnem kawl ah phungning loin tuahmi zu an dinnak ruangah minung hi zat an thihnak hi a si, tiah an chim.

Atu bantukin nitlaklei thil a cang hlan nili ni ah khan India ramchung thlanglei Andhra Pradesh ramkulh chung zongah Coronavirus kong he pehtlai in Lockdownd an tuahnak ruangah minung 5 cu zu din awk an ngeih lo caah Hand Gel kut tawlnak an din sual caah minung 5 an rak thi cang. Nikum lio zongah India ram chung nitlak chaklei Uttanmanchel ramkulh chungah tihnung zu voi hnih an rak din sual cang i, minung 133 an thi cang, tiah thawng theih a si. India ramchung Lockdownd lio zongah chitkhat te cozah nih zu dawr an on bak zu cawk ding a line mi an tam tuk caah zu dawr zong chihkhat cu an rak khar than cang.

Leave a Reply