Breaking:USA ah i thah nawn nak faktuk in a chuak hoi e’laimi rak i ralring hrimhrim uh.

World News

Tutan kan thawngpang theih mi cu lungthin a nuam hrimhrim lo biakiin chung bakah mah bantuk in i thah nawnnaka van um than hi cu lungthin a kekuai ko e.Tu naite kha California ramtthen San Jose khua palik pawl cu Grace Baptist Church an phan. Minung tam ngai nam chunh an tong i pahnih thum cu an nunnak thinphan awk tiang hliam hma fak an tong tiah cu khua Palik nih Twitter ah an ttial.

Mah kong he pehtlai in palik nih hlathlai nak an tuah cuahmah lio asi caah thawngpang fiang zong theituk asi rilo’ Hodah mi sual a si timi hi an tlaih khawh rih hna lo caah a lang rih lo. Hi biakinn pawngkam ah hohmanh i helhum rih hlah u tiah ralrin peknak an tuah.Cu caah ho poah nih i ralring cio ko hna u sih a hlei in USA um laimi zong i ralring cio hna u sih tu lio kan diarhmun hi tih a nung taktak lio asi bantuk in ho poah i ralring tein um ko hna u sih.

Relchap ko:Trump nih fak taktak in Biden cu a phomh than cang. Tutan Trump nih a phomh ning hi a fak tak tak. Tu nai te khan hi ti hin a langhter. “Zeiruang ah dah vote dik lo kong dothlat rian ka fialmi pawl nih vote dik lo a thong tampi an hmuh lio ah Joe Biden nih hin a rannak in cozah cabinet a ser hi hnawh-hnawh hnam hnam in an hmanhmawh? State 4 fawi tein a phi thlen khawhnak dirhmun a si. Hi nih Election fawi tein teinak ah a za diammi a si. Zumhnak nganpi he, Court le phungphai nih raltha tein US ithimnak i diknak an kilven khawhnak rian an tuan ka zumh.

Vawleipi nih a kan zoh liotiah a langhter. Tutan US election cu a buai ngai ngai. Zeidek a lawh te hnga. January 20 khi US ram pi le vawleicung mipi hmai ah thim tharmi President nih biakhamnak a tuah ding khi a si. Zei ko dah chuak lai. Zei dah cang lai ti ruah chung awk a har ngai ngai. Vawleicung midea tam deuh nih hin Trump nih an huat. A kong thatlonak lei lengmang ah an merh piak. Tlawm tak tak te lawng nih dik tein a tialmi an si. Tutan US ithimnak cu a buai ngai. Trump nih fawi tein lungdonh aa tim ti lo.

Relchap ko:Kan laipa nih fianglak in a rak phuan cang ko hi minung tampi nih President a tling lailo a si kho lailo an timi cu kan laipa nih fiangphut in a van chim dih cang ko hi a peh hi a mah tial mi an si’Trump nih atu ah taza a cuainak hna ah hin teinak hmu hmanh sehlaw President a tling kho ti lai lo nan ti maw? A tling kho tuk diam. A hlei in electoral vote (24) hmanh a hmuh chap lai.

Pennsylvania 20-Wisconsin 10-Georgia 16-Michigan 16-Trump nih a hmuh cangmi 232-Total 294 President sinak ca a herhmi 270- A hleimi 24. Georgia hi ka telh chih. Zeicahtiah hi state ah hin Biden nih 0.5% nak tlawm deuh lawng in a tei caah Trump nih relter than khawhnak nawl a ngei. A voi thumnak cu minthut tiang in an check cang lai. A tanglei ka tarmi ca kha rel ko. Rev. Biak Lian Vel

Relchap ko:Kum 2020 thimnak ah President Trump a sunghnak ruang cu Rev. Zammang Mualcin nih comment ah hi tihin fainter nak a vun tuah. 2016 thimnak ah teinak a hmuhnak ding ca i thihngamh in a dirpitu tamdeuh cu a ral ah a canter dih ngawt hna, an lung a fahter. 2020 ah mah hna mui kha hmuh ding an um tilo. Cun mifimthiam pawl chimmi a la lo, amah nih tthudir a tuahter khawhmi lawng a kiangah a umter hna. A lungput ah White Supremacist lungput a ngei. Mah nihcun mirang tampi le mirang asilomi hna nun ah hmunhma a ngei lo.

Covid kong hi November 2019 lio in Intelligence Service nih a sinah report an pek cang. December 2019, January le February 2020 ah Virus lei thiamsang nih timhlamhnak biatakin lak kan hau hih tiah a sinah an chim ko nain an bia zeiah a rel piak hna lo. March 2020 ah Covid mizaw an um pah cang. April 2020 ah amah dih in a dih te lai a ti. Khuathal ah a dih te lai a ti. Theihmi ngaingai ngeih lo in amah ruahnak sawhsawh in bia a chim. Scientists pawl chimmi zong a ngai duh lo.

Atu ah vawlei cung ram rumbik, mifim tamnakbik, Doctor thiamsang tamnakbik ram a si nain Covid mizaw le mithi tambiknak a ruang cu Vompi nih a thu hluahmah in ai hngilhtakmi ram le mipi a si ruangah a si. Cucaahcun Democrats, Independents le amah party a simi Republican minung tampi nih atutan thimnak ah votes an pe duh ti lo. Mah pin zongah a dang thil tete tampi a um rih nain abiapibik cu a rian biapibik a simi American mipi Covid Pandemic in runvennak ah milaka bak a si ruangah mipi tamdeuh nih an hlonh daih khi a si.

Relchap: Lai lei ummi cu mihrut an si tiah a ruatmi hna nih cun rel lo ding 2000 kum thimnak ah cun thimnak ni hnu ah ni (36) tiang a rau. Kum 1876 thimnak ah cun November in March tiang a rau. Kum 1824 ah cun tanglei aiawhtu (House of Representatives) nih president cu an thim. Atu i kan aupi i kan cuanh cuahmahmi electoral vote in an rak thim lo. Cucaah atu tan thimnak hi zei can dah a rauh lai ti chim khawh zong a si lo, cu pin ah hi electoral vote vialte a fian in president cu a fiang cawlh lai ti khawh zong a si lo.

Cucaah atu ah kan cuanh ciomi electoral college hna i an cunglei ah hin nawlngeitu an um rih ti cu a fiang. Mee relnak hmun (electoral college) cio nih mee an pekmi cio mi zoh in a tlangpi in president cu thim a si tawn. Sihmanhsehlaw thil aa ningcang lomi a um ahcun hitihin a dotdot in a si kho rih. (1) Electoral vote nih teinak a pekmi cu mee firnak tbk aa ningcang lomi a um ahcun state phungtlaitu (legislature) nih a thlen khawh rih.

(2) Cu state legislature nih teinak a pekmi cu ramukbawi (state governor) nih veto nawlngeihnak in a thlen than khawh ve. Sihmanhsehlaw hmailei thimnak ah mee kan hmu sual lai lo ti phan ah hihi cu ramukbawi hna nih cun an tuah ngam lai lo.

(3) Cu ramukbawi nih teinak a pekmi cu minung (400) renglo ummi tanglei aiawhtu hna (House of Representatives) nih an thlen khawh than ve hoi. Atu tiang ahcun tanglei aiawhtu (house) ah hin Republican lei tam deuh dawh an si caah Trump nih tei dawh deuh a si. Biden nih a tei sual hmanh ah a cungah senate aa um rih.

(4) House of Representatives nih teinak a pekmi cu minung (100) umnak cunglei aiawhtu (senate) nih a thlen than khawh rih. Atu tan ah hin senate zong ah Republican lei tam deuh dawh a si caah Trump nih teinak hmuh dawh a si.

(5) Senate nih teinak a pekmi kong ah a buaibai rih ahcun state cio mee thlaknak in president cu thim a si te lai. State pakhat nih mee pakhat lawng thlaknak nawl a ngei.

Cuticun state cio mee thlaknak tiang dirhmun an phak ahcun Trump nih a tei ko lai. Zeicahtiah Democrat state nakin
state an tam deuh. Cucaah Trump lei a tangmi pawl nan lung dong hlah u! Rev. Biak Lian Vel

Leave a Reply