Donald Trump nih:Teinak kan hmuh bak lai’Tiah a party pawl sin ah biakam nak a tuah cang.

World News

Wisconsin Le Georgia state 2 ah vote an rel than! Trump le a hawile pawl nih cazacuaimi cu Court in an cohlang caah Pennsylvania, Michigan, Arizona, Nevada an tangrih! November 23 tiang i, buainak ruangah an relciami cu Trump nih 232 electoral vote a ngah i, Biden nih 227 a ngah ve! 270 a ngahtu nih teinak an co te lai!

Thawnpang thar a ummi cu, California zongah ballots fraud pa 2 an hmuh ruangah Trump le a hawi le pawl nih court ah tazacuaithan dingin timhtuahnak an ngei. Trump nih cun “we will win” kan tei lai tiah a chim. Trump legal team pawl zong nih thil diklo tette tamtuk kan ngei an ti i, teinak hmuh ding an i zum tuk.

Relchap ko:Biaceihtu nih Pennsylvania state nih, “Kan phunghram he aa kalh in Pennsylvania state nih amah tein phung aa ser kho lo. Mui lakah thuhmi pawl ceunak nih a kah cang. Trump hi sianginn pakhat men i president a si lo, American mi vialte i kan President a si. A dih cang. Game is over” tiah a ti. Trump lei nih teinak an hmuh. Aa ningcang lomi mee million tampi cu an hlawnh cang.

Kha hlan ah Trump nih electoral vote (232) a hmuh i Pennsylvania ah a hmuh laimi electoral vote (20) kan fonh chih ah cun Trump nih vote (252) a hmuh cang lai. President sinak ding ah vote (18) te lawng aa duh cang.

Trump sihne Giuliani nih, “Hi bantuk mee firnak hi Nevada, Wisconsin, Pennsylvania, Georgia, Michigan tbk Democrat lei nih an tlaihmi state ah a um ve. Nizan tiang ah cozah lei mee relnak cazin ah mee diklomi million tampi nan khumhmi a um rih. Nizan ah cu cazin cu nan hloh than,” tiah a ti. A chim duhmi cu: nizan ah nan cazin chung a ummi mee million tampi kha nan cazin in a thlithup in nan hloh ti a si.

Cathiang ah, “Khuhmi thil paoh kha hun dih an si ko lai i biathli vialte kha hngalh dih an si ko lai,” a ti (Mat. 10:26).Pathian nih Trump cu teinak a pek cuahmah cang. Amen! Hallelujah!Rev. Biak Lian Vel

Relchap ko:President Trump nih sunghkhan a duh rih lo. A nun chungah Biden nih a ka tei ti hi chim aa tim lo ti a fiang. President an i cuh tikah November 3 zan khin cun result a fiang cang.A sungmi nih a teitu kha phone an chonh i ka sung. Na ka tei caah kan lawmh pi. Kan hruai tiah a ti tawn. Asinain Trump le Biden zawn ahcun aa phun dang. Result zong November 3 zan ah a chuak kho lo; vote thlakning a hmaan lo tuk caah Trump zong sungh a khaang kho lo. Na ka tei ti zong a chim duh lo; conglawmh bia zong a chim duh lo. Sau ngai a rauh hnu state zeimawzat nih Biden tei in fehternak an vun tuah thluahmah cang ca le hruaitu thlennak le Inn Raang chuah le luhnak caan a naih chin lengmang cang caah mipi le ram zawnruah ah Trump nih a kianh.

Hitihin a tial: “Official tein nawlngaihnak thlennak tuah ding in ka riantuantu pawl cu Biden team sinah theihter ding in nawl ka pek cang hna” tiah Trump nih a tial.Sungh a khan a si hrim lo. Sungh cu a cohlang kho lo nain vote ning in kal a hauh cang caah caan karlak cu a lung a thumh bia tu khi a si. Asinain Trump a pehmi cu “thil hmaan taktak kan theih hlan cu kan doh lai i kan tei hrim lai” tiah a tial chih.

January 20 tiang ah Trump team leiin zeihmanh tuah khawhmi a um lo ahcun Biden cu US president a si cang lai. Inn Raang a chuah hnu zong in a legal team le a support tu hna bawm in an fight peng lai tiah ka zumh.Cun Congress i House le Senate zong hi Democrats nih majority tlaih dawh an si. Tuan deuh zong ah khan House cu Democrats majority an si i, atu zong an si than. Senate hi tu lio an dirhmun ahcun 50-48 an si.

Republican majority a si, nain Januar 5 ah Georgia ah senate thutnak pahnih cuhnak a um lai. Republican nih a pahnih in an tlaih i Democrats pahnih nih an cuh hna. D nih a pahnih in an lak ahcun 50-50 veve an si lai.An vote aa tluk poah ah VP Kamala Haris nih a hruai hna lai caah 50-51 in D hoih in vote a tlu lengmang lai. Cucaah atu hi Republican upa lungre a thei. Fak taktak in an i cuh lio si.

D lei nih tangka a tomtom in an vorh chin lengmang ti si. D hi inn pathum ning in hruaitu an si ahcun conservative pawl cu hngawng lengmang an si ko lai.Cun Biden zong hi ruahnak leng in a tha deuh kho men. Obama he in kan zoh ti lengmang tikah a thatnak hmuh khawh a rak si lo. Asinain riantuantu upa pawl a vun thimmi hna hi ruah ding tete an um.

Secretary of state a thimmi kha Jew mipa Antony Blinken a si. Tuan deuh ah khan Obama nih minak nu Susan Rice kha secretary of state caah a halpiak. A cohlanpiak lo. Cun khatlei in Congress nungak pawl a hleiin Palestinian nu Rashida Tlaib hna kha cu a zai tuk. Jew miphun a thimmi kha a lungtling lo tuk. Ruah awk a ummi cu Biden hi Obama a si lo ti hi a vun lang pah tiah ka ruah.

A fanu pasal hi Jew miphun a si fawn. Asinain Ivanka Trump khi cu a pasal zumhnak aa hrawm i, Biden fanu tu cu a pasal zumhnak aa hrawm lo. Israel ram caah cun a tha lai ka zumh.Biden a si ve caah Biden cozah a si cang lai i zoh awk cu a um len ve te kho men. Amah tu cu Trump he cun ram chung a siah ram leng a siah an policy an i lo lai lo. A hleiin ramleng kong

Leave a Reply