Donald Trump Thah A Timtu Canada Nu An Tlaih

World News

Hawile hna. Kan innthar cawkmi ah kan I thial. Inn hlun, inn hmete asinain 400k kan pek. Rockville, Maryland ah a si. Buhmu Thawng Za Lian+Pi Mang Kai le ka fanu, Pi Par Dim [ Pu Roland Maung nupi] te inn pawngte ah a si. lungfim loin ti awk in kan rian a tam. Bawipa nih a kan hlanhmi ti in ka tuak. Thawngpang rel a ngaimi caah a tawifiannak in ka van tenh ta.

Image may contain: ‎7 people, ‎text that says "‎wmakngaGrpe News FIRING BACK Trump hits out at 'CRAZY' Pelosi for her new bid to impeach him over Supreme Court pick as president vows News US News NANCY CHECKED Trump slams Pelosi over delay to $1,200stimulus checks and says Dems only want to bail BREAKING News TRUMP HATER CAUGHT 'Deranged' woman Pascale مniاad மiம TetUNITED HARWATCHEVIDEO BID News WorldNews World COVIDIOT Gaffe machine Joe Biden claims 200MILLION Americans died of Covid instead 200,000 in‎"‎‎

Supreme Court Kongah President le Democrats Buainak: Supreme Court i biaceihtu rian a lawngmi ah President Trump nih a rannak in khrihfa zumhnak, US constitution le conservative ruahnak a pommi biaciehtu ka chiah colh lai tiah a chimmi cu Liberal democrats pawl nih faak ngaingai in an i buaipi i an tah-ha lawng mang. Democrats House speaker Nancy Pelosi nih President Trump nih November 8 thimnak hlan ah Supreme court i biaceihtu rian a pek ahcun a rian in kan phuah lai” impeachment kan tuah lai” tiah a van hro len.

Asinain President Donald Trump nih Nancy Pelosi bantuk mihrut an um hnga maw? phunghrampi nih rian a ka pek bantuk in ka tuah ko lai” tiah a leh. Nancy Pelosi nih Supreme Court biaceihtu rian pek khawh lonak dingah kan si khawhning poah in kan kham lai tiah a chim. Supreme Court biaceihtu cu President nih thaizing Friday ah a duhmi a thim cang lai. Mah hnu ah Senate i Judiciary committee nih hearing an tuah lai I, an pom hnu ah Senator minung 100 nih thimfung an thlak lai I, vote 50 nak tam deuh in an fehter te lai.

Democrats Nih Stimulus Pay Check An Kham: President Donald Trump nih Democrats pawl nih harnak a tongmi mipi le small business pawl zei ah rel loin democrats pawl nih thathi in an uk khawh lomi le sualnak in a khatmi blue state pawl bailout bawmhnak pek lawng an duh caah atu tiang Stimulus paycheck kan pek khawh lonak a si tiah a chim. Democrats party nih state cozah bawmhnak a telmi 3.4 trillions bawmhnak pek an duh. Asinain President le Republican pawl nih 2.2 trillion lawng bawmhnak pek an duh, Coronavirus he a pehtlai lomi bawmhnak cawh chih an duh lo caah atu tiang kap hnih lungtlinnak an ngei kho rih lo. Democrats pawl nih $ 3 trillion tal a si lo ahcun Republican party he I ceihti hmanh an duh ti lo.

Donald Trump Thah A Timtu Canada Nu An Tlaih: Pascale Ferrier timi nih President Donald Trump cu ricin poison cabawm in a kuat caah FBI nih an tlaih manh caah President Donald Trump sin a phan manh lo. White house le Texas state hmun 4 ah a kuat ti a si. Kum 53 a simi Canada nu cu New York le US ramri Fort Erie, Ontario le Buffalo, New York.kar ah an tlaih cang. An tlaih lio ah meithal zong a ken chih ti a si. Mah nu hi driving license hleng zong a hman caah an rak tlaih balmi a si. A hnulei ah mi zei an um hnga maw tiah FBI nih an hlat cuahmah lio a si.

Joe Biden A Lungooh Ruangah A Chuah Sual Hoi: Democrats Presidential Candidate Joe Biden cu cacawn nikhat ni ah khan Pennsylvania i election campaign a tuahnak ah a biachim a chuahsual caah democrats pawl an lungrawk ngaingai. US ah covid 19 ruangah minung 200 thousand an thi cang” ti dingmi ah US ah covid 19 ruangah 200 million an thi cang tiah a chim. A chimning in cun US minung cheukhat ah cheu hnih tluk a kan thihter vial cang. A lungloh tuk cang caah a um kalnak ding schedule zong a philh lelek caah atu le atu an nolh than lengmang ti a si. Cattialtu: Salai Lairamthang

Leave a Reply