Donald Trump:Dai a tim tilo’USA rampi caah tih nung a chuak kho cang hi.

World News

President Donald Trump nih ruahnak a petu hna cu a auh hna i martial law chuah khawh a si le si lo, martial law chuah ah zeidah a cang kho? martial law chuah in zeidah an tuah khawh timi le US phunghram ah martial law chuah khawh a si le si lo ceihmainak tuchun ah an ngei.

Martial Law chuah ding ruahnak hi General Michael Flynn nih a chuahpi mi a si. President nih martial law a chuah hnu ah ralkap nih a herhning in tuanvo an laak lai, White House ah Joe Biden lut lo dingah an kham lai.

Swing state 5 ah vote firnak le hrokhrawlnak a ummi vialte kherhhlai dingah special counsel caah Sidney Powell tuanvo pek an timh. Tuanvo an pek taktak ahcun voting machine pawl le vote firnak le hrokhrawlnak vialte an kherhhlai dih lai i, report an pek lai.

Martial law an chuah taktak ahcun vote thlakning le vote relning a buai tuknak, Battle ground state 5 ah thimnak a thar in tuah a si kho men. Asinain US constitution nih a onh taktak le onh taktak lo fiang tein an chim kho rih lo. President Trump nih biachahnak taktak a tuahmi um rih lo.

Zahan zantim ah Congress nih cozah budget ni hnih ca an thlak hnu ah President Donald Trump nih min a thut i government shutdown timi federal cozah zung kharnak in luat a si. Zarhpi ni sunday ca tiang lawng budget an pek chung caah tuchun le thaizing ah ngol loin meting an ngei rih lai.

An meting ah coronavirus bawmhnak $900 billion le cozah budget aa tel chih. Coronavirus relief bill an chuahpi mi hi $ 900 billion a si. Mah chungah Stimulus check $600 bawmh dingmi le rian ngei lomi unemployment benefit caah zarkhat $300 pek dingmi a tel chih. Zarhpi i lungtlinnak an tuah khawh ahcun Stimulus Check $600 pek dingmi zong a tel chih lai ti a si.catialtu salai lairamthang

Relchap koThawngpang thar US ram mipi hmai ah Joe Biden te pafa an mualpho taktak ko cang, zei tin US ram an zam ahau ko lai hi teh. Trump te pafa le Joe Biden te pafa hna an i dangnak nan theithiam ko lai. Joe Biden te pafa an mualpho bak ko hi teh. Joe Biden fapa Hunter Biden cu Ukrain le Chiana ram i business a tuahmi in a ngahmi phaisa cu tax pe loin a thlithup in US ah a luhpi tiah an zumh caah FBI nih an kherh hlai lio a si.

Delaware State an umnak pawng i commuter remhnak dawr ah a computer a remh i a hlam ti lomi cu FBI nih an laak i zohfelnak an tuah hnu ah atu bantuk in investigate an tuahnak a si Mah computer chungah phungning loin a thlithup thil tampi a tuahmi he a pehtlaimi information tampi a um lai tiah an zumh.

Liberals Media pawl nih Trump pawl nih FBI a fial hna tiah an ruah. Asinain President Trump nih mah kongah zei ka tuahmi le tuah khawhmi a um lo” tiah a chim. Huntet Biden a pu pa zong tax kongah an tlaih i investigate an tuah lio a si.

US Food and Drug Administration’s Vaccines and Related Biological Products Advisory Committee nih tuchun ah Moderna’s company nih an serchuahmi coronavirus vaccine sii thar cu emergency caah hman ding in vote an thlak i an fehter cang. Cucaah US ahcun Covid-19 khamhnak sii Pfizer le Moderna tiah phun hnih kan ngei cang tinak a si. Mah si cu kum 18 in a cunglei caah hman a si lai.

Moderna nih minung 30000 ah hneksaknak an tuahmi ah a ziak lomi an um lo ti a si. Asinain Pfizer virus sii ahcun allergy a ngeimi pakhat chungah reaction a um tiah an chim. Asinain mah zong cu a dam colh than ti a si. A rauh hlan an US company thiamthiam Johnson Johnson nih an serchuah than lai. A donghnak bik hneksaknak an tuah lio si.

Leave a Reply