Hi Vialte Hi Obama Nih A Tuahmi Si Caah Amah Nih Tuanvo A Lak Hau Tiah President Trump Nih A Chim Cang

World News

Obama Administration Spied: 2015 lio US President thimnak ah Russia cozah nih US thimnak ah an i sawhkalh timi kongah hlathlainak an tuahmi vialte le Lt.General Michael Flynn a sualnak an kawl hranhram i, a duh na loin, “sual an phawtter” mi vialte hi Obama nih a hnulei in a tuahmi lawngte an si caah amah nih tuanvo laak a herh” tiah tuchun ah President Trump nih a chim. Michael Fylnn sual kawlnak file vialte zong an thup duh lo ti a si.

Trump is likely to inherit Obama's war legacy | USA | Al Jazeera

Obama President a si lio ah Hillay Clinton he president a cuhmi Donald Trump cu Obama nih a kutang minung hna le FBI hmang in Donald Trump election campaign tuahtu hna cu an zulh dawi hna i, an sualnak an kawl hna i, an hlathlai peng hna. Mah hlathlainak caah a dihmi phaisa vialte cu Hillary Clinton election campaign le Democrats party nih an liam piak hna ti a si. Mah lawng hmanh a si rih lo, Senate tiang in hlathlainak an rak tuah tiah Donald Trump nih a chim.

Tuchun ah Donald Trump nih Twitter a tialmi cu,”OBAMAGATE MAKES WATERGATE LOOK LIKE SMALL POTATOES!” tiah a tial. A chim duhmi Nixson sualnak cu Obama sualnak sin cun chim thlak hmanh a si lo ti khi a si. President hlun Nixon nih President a tuan lio 1973 ah democratic party headquarter ah FBI pawl hmang i document pawl a firter hna caah impeachment tuah an timh i President sinak in a rak chuak. Mah cu Watergate” tiah min an rak pek.

US President hna nih President an tuan lio ah an nawlngeihnak kha ningcang loin an hman i, anmah a dotu hna kha FBI siseh midang fial in siseh an sualnak an kawl hna ahcun criminal an tuah a si. Criminal a tuahmi poah cu mizei an si zongah tazacuai i an sualnak an hmuh ahcun thongtlak khawh a si. Credit: Salai Lairamthang

Leave a Reply