Joe Biden caah:White house inn ah’Umnak ding lam pakhat hman a um lo tibak sicang.

World News

US thawngpaang kong he pehtlai in thawngthar kan vun langhter than cang. Kan Rak Chimchung Cang. Nikhathmanh president a tuan manh lailo Joe Biden timi tlangtar in. Kei hi laiholh te bak catial khawh kai zuam. Kei hi ka chimchungmi a tling ka ti zungzal. Zahan cu Democratic nih Joe Biden president tuan hramthawknak caah thutnak ding le thutdan peknak cu ceihmai dingin meeting cu an tuah. Democratic lei minung pa 3 Republican le minung 3 an si ve. Democratic lei nih thutnak pek zawkzawk an duh.

Hrawhhnam ngai in an chim. Cu lioah Republican party nih an duh ve lo. Bia an I el fak fawn in, Democratic lei nih vote la usih a vun ti. Vote an lak I an itluk. Meeting cu an dih ter. Zeitik ceihthan lai ai theilo. Democratic pawl cu thih an duh cang. An Lawi bak in Democratic party cu a ran khawhchung in meeting cu an tuah cawlh than . Republican party nih Trump president siterthan an timh. Joe Biden cu mipi thimmi vote a tling lo an ti an chim. Tiah meeting cu an haling ngai in an chim nain zeihmanh an tuah khawhmi a um lo. Media pawl nih an theih ko hna na in an chimphuan duh lo. Zahan ka tar cang kha. NTD news nih a chim.

Tutan thimnak ah lih le hrawkhrawl a tamtuk mi a fiang tuk cang caah Democratic party hi fak pi in ai palh kho. Hmailei an lam thluan a rawk te kho. Texas state nih a chuahpi mi tazacuainak hi a bik in , state nih USA phung a buar mi a si caah teinak a hmuh lai. Tutan tazacuainak cu president ithimnak phunghrampi an thlengmi ruangbik an si. Anmah te in phunghrampi remhnak nawl an ngei lo. USA president ithimnak phung state dang cio remhkhawh sisehlaw a hodah ithim ni le caan ah ai thim khawh lai.

Trump le sihni pawl biatak an cawlve cuahmah lioah an caah Supreme court justice luh a har tuk lioah. Texas nih a vun bawmh hna cu lawmh a um tuk. Kabia donhnak: Joe Biden cu nikhathmanh president a tuan manh lailo tihi ka rak tial zungzal. Ka zumhmi hi ka hngalh. Pathian a nung hrimhrim ti hi. Mipi aunak aw cu Pathian nih a theih. Kan zumhnak cu kan tanpimi cungah lanh seh. Caan nih teinak a vun ratpi lio kan hmaika ah a phan deng. Ref: Joseph Thawng Zting

Relchap ko:USA thawngpang cu ngaihchia tuk a si ko, ni khat ah minung 3309 Coronavirus in an thi. A luan cia suimilam 24 chung ah mah zat hi an thi tiah Record thar cu Johns Hopkins-university Data nih a langhter’March ah khan president Trump nih Coronavirus cu a tlau colh lai a rak ti nain USA lawng ah Coronavirus in minung 300 000 an thi cang.

Pathian pekmi fimthiamnak thawng in Corona Raikhamsii phun hnih-thum hman khawh ding dirhmun ah a vun si cang. FDA nih Pfizer-BioNTech sermi cu Emergency* hman ding in an vun cohlan lawng si loin Moderna sermi zong million a zaa in an cah ti a si.Christmas caan chung ah hopaoh i ralring le thiamthih tein kan um cio hau ko hna lai, khaeika kan um paoh ah. A herh bak mi lawng ah ralring tein hawi sin chuak hna u sih.Pathian nih in umpi cio ko hna seh.

Relchap ko:USA nih Pfizer/BioNTech sermi raikhamsii tambik a tin hmasa awk a si, tiah ramdang kuat lo ding in Trump nih president Order a chuah.Pfizer nih Trump cozah cu raikhamsii tampi in cah ding ah bia an rak ruah hmasa nain Trump nih a rak duh lo tiah New York Times nih a ttial. Atu lei sang i UK nih hman a van thaek i EU le ramdang nih tamdeuh an vun cah hnu in American kan i chunh hmasa hnu ah kuat hna ding an si tiah President Order a chuah hi a si.

NYT ning ah president Order a chuah ko nain fawite cun ai thleng ti lai lo tiah cozah lei minung pakhat nih a chim. Pfizer nih raikhamsii million 100 cah ding in White House a rak chimh i an duh lomi kong cu American media nih an ttial cio. Pfizer bih mah hi raikhamsii kan sernak ahhin Cozah lei in bawmhnak le dirkamhnak kan rak dong lo, an ti ve. Cozah nih an duhning paoh in chim ko hna seh ti a si.

Raikhamsii cu an hmuh cang nain hman khawh ding in sernak dingah thilri an i phazo lo. Cucaah million tampi sernak ding ah caan tam ngai cu lak a hau lai an ti.Cu atu tiang Pfizer sermi raikhamsii hi US nih a cohlang lo, nain Forbes nih a ttialning ah tu zarh in cohlannak a tuah lai.

(1) Georgia
Nikhatni ah khan Georgia ah Biden nih teinak a hmuh tiah thawng an thanh. Sihmanhsehlaw Sidney Powell nih pine biaceihnak zung sangbik ah biaceihpiak tthan ing in ka nawl (appeal) than lai a ti. Micheu nih cun US ram biaceihnak zung sang bik (Supreme Court) ah a phak zokzok hi a tha deuh lai an ti

(2) Pennsylvania
Tu zarh Nihnihni ah US ram biaceihnak zung sang bik (Supreme Court) nih bia a ceih lai. Cucaah Zarpini thawk in Dominion seh cu Trump legal team nih an chek cang. Kan liim manh ko lai an ti.Cun Supreme Court ah Trump lei in Ted Cruz nih bia a chim te lai. Amah hi Rafael Edward Cruz ti a si i 2013 in nihin tiang Texas aiawhtu US senate a si. 1992 ah Princeton University in upadi ah a thiambik (cum laude) timi minhatnak he degree a lami a si. Cu kum thiamthiam ah bia-al zuamnak pahnih ah aa zuam ve i a pahnih te ah pakhatnak a hmuh. Cu kum thiamthiam ah U.S. National Speaker of the Year timi laksawng a hmuh. Princeton in a dih hnu ah Harvard University ah upadi a cawn tthan i a thiambik (magna cum laude) timi min tthanak he Juris Doctor degree a hmuh. Juris Doctor timi hi doctor dawhsawh nakin a sang deuhmi a si.

TED Cruz hi 2016 thimnak zong ah president candidate tiang in an rak chuahpimi balmi a si. President George W. Bush zong nih updadi lei ruahnakpetu ah a hmanmi a si. 2000 kum thimnak ah Bush le Al Gore taza an i cawinak ah Bush ca ah Florida Supreme Court le US Supreme Court ah ahmuh a rak tuahpiaktu a si. Cu lio ah Tez Cruz nih cun a ttanpimi Bush cu teinak a hmuhpiak.Cu lio ah teinak an hmuhnak cu “US ram pumpi nih aa ruangmi mee rel phung an ngei lai” timi le Florida nih Article II, § 1, cl. 2 zulh lo in phung thar an i sernak ah hin a si.

2000 kum i Florida sining le atu 2020 i Pennsylvania sining hi aa khat. Atu ah cun cu aa khat bakmi thil kong kha Ted Cruz nih US Supreme Court ah a kalpi tthan lai. 2000 kum lio Bush ca ah teinak a hmuhpiak bantuk in Trump ca ah hin tah teinak a hmuhpiak than kho ti hnga maw? Supreme Court ah biaceihtu (6) cu Republican an si caah nang zeitin dah na ruah? Ted Cruz nih teinak a hmuh ahcun cakuatnak zung in November 3 hnu a phanmi mee paoh cu an rel ti hna lai lo caah Trump nih teinak a hmuh lai.(3) Arizona
Dominion seh audit an tuah lio a si.
Rev. Biak Lian Vel

Relchap ko:America tuanbia ah hin min a rak thang ngai i, mipem tam tak nih America an rak fuhnak a ruang, America um cia mi hna zong nih California westcost lei ah a pemnak a ruang hna a rak um. Gold! Gold! Gold!, Sui, Sui, Sui! a chuak tiah mi kip hmur ah Sui lawngte… Minung sing 3 (300,000) leng nih Sui cu a fuh ne ai. Cu cu 1848 kum hramthawk lei ah khan a rak si. James W. Marshall timi pa nih hin a dum chung ah suitlang pi cu a rak i hmuh in ai thawk.

Suah lek in vulei an thai luklak in suitlang a cuai cuai in an rak hmuh tung. Sui ruang ah cun damiah le mitha lo zong cu an rak karh ve.Mi nih an chim cio i Sui cu a kenkip in fuh cio asi. Nichuah lei Main le New York, Biston lei a rami hna cu Indiana hrawng i Red Indian ral ttih le phan bu in nitlak lei ah cawleng le, rangtum he an rak kal. Canada lei in hawhra tlang hna pal in an rak fuh. Zalam zong ah mi cheu cu an rak thi, an rak pul.

Sui fuh ah cun an rak i thawh cio. Nain, cu lak ah cun Sui a la thiam taktakmi cu mi tlawm te an si. Suah lek le pawhpia hman cu ho poh nih an thiam dih. Vulei le ti he ai cawhmi sui lak belte ~ can zei maw zat an cawn hmaset a herh. Cu ah cun minung phun (2) an rak um ti asi. Phun khat cu bunban atha, hriamnam zong an nei, vulei cheih an thawng bak. Vulei cu veitia an cawh i, suitlang pipi hmuh ding cun an cheih. Ni le khua, kum le caan nih a lanh taak hna. A donghnak ah lawng karang in an kir. “Eh, kan van a chia” an ti mei.

Adang phun khat an um. An nih cu Europe ah leithuan le satil zuat lawng an rak thiam. Sui cu brile a braw an thei loh. California an phak in Sui kong a theimi, Sui cawhning a thei mi sin ah an ngun sawmza pek in, an rang le an neihchiah an pek i an cawng. Kum 1 ah phaisa an hmu rih lo. An theih deuh deuh, a tha deuh deuh, vulei a nak mi chung in Sui a engmi tete an i sem kha an hmuh thiam cang. Vulei dip tete a biapit ning an theih. Dar kho le talawn in an vamh i leidip men khan Sui tlangpi pi an i sem ai!

Um…. 1856 kum hrawng ah cun, Sui khur in a rum mi nih California cu an khua ah an ser. 1990s ah cun Charlie Chaplin tiang a phan . Nihin ah cun, Sui cuai khat nak in California khuapi ah vulei pe 10 a man fak deuh cang rua. Chanthar ah an Gold Rush cu… Silicon Valley le New York i Timesquare le Wall Street hrawng ah asi cang ne ai.

Leave a Reply