Atu Swing State ah, heh tiah buainak a umnnak State hna hi Republican pawl nawlngeihnak asi caah Joe Biden caah lungrethei ngai asi. Vote hlennak tampi a um ti an theih cang cah Fawi tein Joe Biden lei ah Eletoral Vote an pek lai lo ti a fiang cang ko. Trump nih a chim ning ahcun a rauh hlan ah Bible cungah kut chia in Biakam nak a tuah tthan te lai tiah mi tampi nih zumh asi cang. Mah bantuk buainak karlakah President Trump nih sungh aa tim hrimhrim lo. Midang cu sisehlaw thil dik langhter nak in cun ka sungh tiah an cohlan cang lai.

Trump nih a rak chim cia bantuk in Election hi hlennak le Lih le Hrokhol um lo i, Joe Biden nih a ka tei ahcun ka sungh ka cohlan lai tiah a rak chim cang. Mah lawng si loin, Election hlan ah mah bantuk hlennak hi tampi a um lai tiah a zumh ning a rak chim cia cang. Nain Nancy Pelosi pawl nih heh tiah Trump kha an doh i Trump kha mihrut bantuk in an rak ti kha. Nain a tu cu Trump chim ning bantuk in a tlung cang caah zeihmanh chim ding an ngei ti lo. Ref:MJn

Relchap ko:Biden nih Thimnak Tahfung Vialte Lonh in Teinak a Hmuhmi hi a Si Kho Lomi a Si!
Atu lio ah J. B. Shurk nih a tialmi 5 More Ways Joe Biden Magically Outperformed Election Norms timi capar hi a laar ngaingai i media tampi nih an chim cio mi a si.Cucu a tang ah ka taarmi video le cu capar zoh chih in a tawinak in ka tial.Joe Biden nih teinak a hmuhmi hi zumh a har ngaingai. 2012 ah Barack Obama nih a hmuhmi nak in mee 15 million renglo tam deuh a hmuhmi ah si seh, 2016 ah Hillary Clinton nih khua pi kip ah mee a hmuhmi mee nakin tlawm deuh a hmuh ko nain Georgia, Michigan, Wisconsin, le Pennsylvania ah a teimi ah si seh, Democrat lei nih house le state legislature ah thutdan tampi an sungh lio ah amah vial nih teinak a hmuhmi ah si seh khuaruat khomi ca ah cun zumh a har hringhran ko. Cucaah 2020 thimnak ah Biden nih teinak a hmuh timi hi a si khomi a si maw? Kan zohti hna lai.

1. Mee 80 Million a Hmuhmi Hi Zumh a Har ko. Media hna nih Biden nih mee 80 million a hmuh tiah thawng an thanh. Sihmanhsehlaw Obama nih 2008 ah mee 69.5 million, 2012 ah mee 65.9 million lawng a hmuh. Hilliary Clinton nih 2016 ah mee 65 million a hmuh. Biden hi Obama le Clinton nakin maw a laar deuh’Cun atu tiang ah Trump nih mee 74 million hrawng a hmuh cang i 2016 thimnak i a hmuhmi nakin mee 10 million renglo a hlei in a hmuh chap. Cucu US ram ah president a tuan liomi hna nih a term hnihnak thimnak ah an hmuhmi lakah a tambikmi a si.

Cucaah Trump nih hi tluk mee tampi a hmuh ko na bu ah Biden nih a tei rih mi hi milung a hrin lo awk hrim a tha lo.
2. Teinak a Chuahtertu (bellwether) County Tam Deuh ah a Sung Ko nain Teinak a Hmuh Thiamthiammi Hi Zumh a Har Ko.
Ohio state le Florida state ah teinak a hmumi nih president a tuan lai tiah a luan ciami kum (60) chung cu ruahdamh khawh a si tawn ko nain cu state pahnih ah–Ohio ah 8 point, Florida ah 3 point nak tam in–a sung ko nain zeitindah Biden nih teinak a hmuh khawh hnga’Hi bantuk hi 1960 ah Mafia nih fimzer ngai in an rak bawmh ruang ah John F. Kennedy nih Richard Nixon a rak tei tan lawng ah a rak um bal.

Cun US ram pumpi ah hin a luan ciami kum (40) chung ah aho dah president a tuan lai timi a langhter kho tu county ngan bik (19) an um tiah The Wall Street Journal le The Epoch Times nih an ti. Cu hna lakah county (18) ah hin Trump nih buaktlak in 16 points in teinak a hmuh i Clallam county lawng ah a sung. Cu Clallam county pakhat te ah cun Biden nih 3 points hrawng lawng in teinak a hmuh ti a si.Cun a kau deuh in kan lak ahcun county (58) nih hin president a chuak dingmi a thluamthlam hi an langhter tawn ti a si. Cu a biapi tukmi county (58) chung ah county (51) ah hin Trump nih buaktlak in 15 point in teinak a hmuh. Biden nih cun county (7) te lawng ah 4 point in teinak a hmuh. Cucaah Biden nih Trump a tei ti hi khuaruat deuhmi nih cun zumh a har ko.

3 Hilliary Clinton hnu hmanh phan kho lo in Bawh le Ceh in a Dawi ko nain Thimmi Khua Tlawmpal ah Teinak a Hmuhmi hi Zumh a Har Ko.US ram a hriang lei kap ah a ummi khuapi hna, Democrat nih tei tawnmi state hna, ah Clinton tluk hmanh in teinak a hmu kho lo nain Democrat nih ukmi Milwaukee, Detroit, Atlanta le Philadelphia tbk khat lei khat lei ah aa thui tawnmi state vial ah cun teinak tor le cheng in a hmuh khawhmi hi cohlan a har ko. Hi state hna ah hin mee a thla khomi milu nakin mee an thlakmi a tam deuh ti a si. Cucaah Biden nih teinak a hmuhmi hi cohlanpiak a har ko.

4. Hmun dangdang ah Democrat pawl an sungh tuk lio ah Biden nih mangtara in teinak a hmuhmi hi cohlan a har ko.
Amah lei party nih house ah thutnak an hmuh cuahmah lio ah, president a tuan lio ah a sungmi cu Trump lawnglawng hi a si lai.2020 thimnak ni ah The Cook Political Report le The New York Times nih house thutnak (27) cu aho lei nih dah a co te lai ti hngalh a si rih lo an ti. Sihmanhsehlaw atu ah cun cu thutdan (27) a dihlak in Republican lei nih laak dih dawh in a um. Republican lei nih New Hampshire ah house he senate he an ziah put i state kip ah legislature hmunhma an laak cuahmah lio ah Democrat lei nih cun zei state pakhat te taktak hmanh ah house thutdan a za tein an ziah khawhmi a um lo.

Democrat lei campaign hruaitu nu Christina Polizzi hmanh nih, “Trump hi Republican legislature pawl a cawisangtu a si,” a ti. Cucaah Biden nih Republican lei vialte a cawisangtu Trump a teimi hi cohlan a har ko.
5. Primary vote tam deuh a hmutu Trump cu Biden nih a tei ti hi zumh a har ko. Kha hlan ah cun primary vote tam deuh a hmumi nih president an tuan deuh ngawt tiah Political analyst David Chapman nih thimnak hlan ah historical fact pathum a langhtermi a um.

Pakhatnak, primary vote 75% a hmu kho tu president a tuan liomi aho hmanh an sung bal lo. Pahnihnak, Trump nih primary vote 95% a hmuh. Cucu president a tuan liomi nih an rak hmuh khawhmi a tam cemmi pali lak ah aa tel ve. A ngaingai ti ahcun, Dwight Eisenhower, Nixon, Clinton, le Obama nih an rak hmuhmi nak hmanh in Trump nih tam deuh a hmuh. 1912 hnu ah primary vote 90% cung a hmumi (5) hna lakah Trump hi aa tel vemi a si. Trump nih minority vote 27% hmanh a hmuh khawh rih ti a si. Cucu 2016 lio i minority vote a hmuhni nak in a let in a tam deuh.
Pathumnak, 2020 thimnak ni bak ah Trump kha mee pe ding in minung 18 million bak an rak chuakmi hi record pakhat a si. Bill Clinton lio ah minung 9 million lawng an rak chuak. Trump i hnarcheu lawng a si.Cucaah Biden nih Trump a tei timi hi thimnak tahfung pawl a lonh tuk caah a si kho lomi a si. Khua a ruat kho deuhmi nih cun cohlanpiak a har hringhran ko.Rev. Biak Lian Vel