President Trump Nih US Thawnnak A Langhternak Hna Le Thimnak Boruak Tawi

World News

President Trump Nih US Thawnnak A Langhternak Hna Le Thimnak Boruak Tawi
============================================

Kan rak theih tawnmi cu ‘vawlei pi chaak tlaitu cu US a si’ ti a si. Ralkap thazaang zong in a thawng i economic thazaang zong in a thawng bak. Ka hna nih a theihmi tiang lawng a rak si i a taktak in ka mit nih a hmuh cu Pre. TRUMP chan ah a si.

Zeitluk in dah US a thawn i vawlei pi a tlaihhip khawh timi cu Trump nih fiang tein a langhter. Pre. thing Barack Obama nih Trump a roh takmi pawl hi a tam ngai. Cu hna cu:

1) North Korea a si. Kim Jongun nih a innpa he US he atu le tu missile in a hrocer lengmang hna. An thingphang kho tuk. Thuh le zaam ah risen an hnuk. Trump nih daidep a tuah.

2) Syria. 2011 ah Syria ah ram chung buainak a chuak ciammam i minung ting 4 leng nunnak a liam. Khat thup in ralzaam an ser hna. Obama cozah nih zeihmanh a tuah kho lo. Obama nih Red Line a serpiak, asinain zeihmanh an relpiak lo. Sivai hriamnam tiang in mipi cungah an hman. A hrom zong fak viar in a au ve ko nain san a tlai lo.

Trump cu Obama bantuk ah an ruahsual i a Red Line an buarpiak, asinain fak nawn in voihnih missile in a phomh colh hna i, Russia he Syria he daidep an kim colh. Nihin tiang an dai thai.

3) Kurds Miphun. Turkey le Syria ramri hrawngah a ummi an si i zalonnak Tlangcung Miphun bantuk in a kawlmi an si. Turkey nih a phomh lengmang hna i Syria zong a phomh lengmang hna. US le Israel nih hawikom an ruah hna i an dawt ngai hna.

Obama foreign policy nih Syria, IS le Turkey huatnak chung ah a taapter hna i runven hau taktak dirhmun ah an phan. US ralkap nih an um pi hna. Asinain Trump nih cun a ralkap pawl ral ram ah umter lengmang hna a duh lo caah ka lak hna lai a ti.

US ralkap upa an siah, Congress leiin Demo he Repu he Trump khuakhan an duh lo. Kan ralkap kan lak hna ahcun Turkey le Syria nih an ci an hmih dih hna lai. Kan hawi tha bik an si. Kan herh lio hna lawng ah hman hna i atu leisang ah hnulei chit cu an hnulei in nam chunh bantuk a si an ti. Trump tanpi ngaitu Repu Senator Lindsey Graham zong a zai seklen. Ralkap lu bik Defence Secretary James Mattis hna cu a rian tiang in aa phuak.

Trump nih zeidah a tuah? Kurkish miphun nan kah hna ahcun Economic kan in phih khar hna lai tiah a hrocer hna i, nihin tiang an thawngpang a dai. Syria president Bashar Al Assad hna nih Trump lungput thatnak a chim len.

4) IS le Iran. US le Europe ah IS minung an rak tam ning le thah le nawn a tam ning kha kan theih dih. Obama le a unau pa Secretary of State John Kerry nih “hell kutkhar tiang kan dawi hna lai” an ti nain IS tu nih an rak pon hnawh hna. Khuacimui an tuah lehlam hna.

Trump a vun kai i ramchung in a dawi hna i Hell Kutkhar tiang a va dawi hna. An lutlaih tiang in an thah. IS thawng hrimhrim kan thei ti lo. Mah tluk in tihnung thatnawnnak an tuahmi kha an rak tuah le tuah lo hmanh kan thei ti lo.

Obama nih Iran nuclear hnatlaknak a tuahmi cu Trump nih a hrawh than tikah Iran a buai te lai i missile dong loin a thlah te lai tiah zumh a si. Fak chin lengmang tu in a rengh lehlam.

Huawei siangpahrang nu an timi Taluk company lian taktak mi Huawei lutlai nu Meng Wanzhou zong Iran he thlithup in chawlehthalnak ah pehtlaihnak a ngei tiah an theih i US nawlpeknak in Canada ah an tlaih i tazaa an cuai lio si. Court ah a kal lengmang. House arrest in an tuah. A sungh ahcun US ah an kuat lai.

Fak chin lengmang in a chung he a leng he Trump nih Iran cu a hrom in a hreh. Iraq airport i Iran ralbawi pa Qassen Saleimani a phomhpiak hnu hrimhrim khan cun an tih tuk cang.

A tam cang caah, a tawinak in chim ahcun cu hlan i a linsa ngaimi pawl vialte kha Trump nih a daihter dih cang hna. Rev. Franklin Graham nih a rak chimmi cu “Trump hi daihnak sertu a si lai” a rak ti.

Uar a um cemmi cu Israel le United Arab Emirates (EAU) nih an hringsortu pa bik Abraham min bunh in Abraham Accord remnak min an thut pi than hna. A rauh hlan ni tlawmpal ah Israel le Bahrain zong remnak min an thut pi than rih hna.

Remnak an sermi hi i tlawnkai, i pehtlaih tiang lawng si loin Israel ram recognize (Cohlan) an tuah zong a si. Atu tiang ah Israel he remnak a sermi Arab ram (Middle East) hna cu: Egypt, Jordan, UAE, le Bahrain ram hna an si.

Zeitluk in dah ramchung he ramleng hmual ngei taktak in rian a tuan khawh timi hmuh khawh a si. Israel khualipi Jerusalem ah a thialmi hrimhrim cu a ropui kho tuk. US pre. kip zong an tih i vawlei pi zong nih a tih. Muslim pawl thinhunter an rak tih tuk hna.

Trump nih Jerusalem cu Israel khualipi a vun cohlan taktak i, aho zong a holh ngam lo. Tuan tha bik President tu ah a cang.

Nai hrawng cu Noble Peace Prize pek ding in Trump kong an ceih pah i, thin a phangpah ziar. Obama hna kha cu Pre. a tuan cangka in an rak pek i a petu lila a hnu ah aa chiarmi an um an ti. Sullam a rak ngei lo tuk. A term dih tiang zong sullam a ngei lo.

Vawleicung ram a daihter hna lawng si loin Khrihfami hna authawng a thanter than fawn. Nizan i March Prayer 2020 hna kha an tam kho tuk. Fekthup in Trump a dirkamhtu Rev. Franklin nih a hruai hna i fak piin mipi thangphawhnak a um timi a lang. Vice Pre. Mike Pence nih a telpi hna i, Bible caang a charmi zong an tha kho tuk. Pathian kawlnak lawng te an si.

Lung a hmui tuk rihmi cu Trump nih Supreme Court biaceihtu a thimmi Amy Coney Barrett kong hi a si than. Khrihfa zumtu tha taktak a si. Oct 12 in fehternak an tuah lai i election hlanah an lim lai. Repu pawl nih an uar dih. Senate thawnnak hmun a si caah thin a phaang lo. Asinain a Khrihfa zumhnak kongah an doh len te lai.

Fa pasarih ngei a si i, pahnih cu aa cawmmi hna an si. Pakhat cu pum tlamtlin lonak zawtnak a ngei.

President Trump nih “winning” lengmang si lai i teinak hmuh lengmang nih an kan simh tuk cang nan ka ti te lai” tiah mipi sinah a rak chimmi kha a hman ngai.

Joe Biden he debate a tuah caan a nai cang. A lunglo tuk i, Demo pawl cu an thinphang ngai. An moderator hi Chris Wallace si i, Trump a khoih pah lengmangtu si i, a zer ngai te lai.

Asinain Joe Biden a mualpho te theo lai. Trump nih zei ah a rel lo tuk i, debate lai i debate thawn deuh naak caah drug hna a hman te ko lai. Drug test tuah ta hmasa a hau tiah a capo i Joe Biden cu a thinhung kho tuk. “Mihrut” tiah fak ngai in a vun leh colh ve.

Tutan US thimnak cu a biapi kho tuk. Khrihfa poah nih Trump an vote ding hi a herh ngaingai. Khrihfami zumhnak a dirpitu ding president tha a herh chin lengmang. Khatlei in Obama zong a rak au lengmang. A twiter tiang ah a phone No. a tar cang. Vote kongah ruah hal khawh ka si, kan rushnak zong kan cheuh hna lai, khua kan khaang ti hna lai tiah sawmnak tiang a tuah cang. Credit: Luther Tin Hre

 

Leave a Reply