Biaknak lei siseh ramkhel rian ttuannak lei zongah siseh ram kip nih zohthla mi le bohchanmi Billy Graham fapa nih tutan thimnak kongah sawmnak a tuahmi cu asunglawi kho taktak ko. Fiangfai deuh in atanglei ah vun rel chih hna. Vawleicung Evan minthang, Laimi zong nih kan theih ngaimi Billy Graham fapa a simi Franklin Graham zong nih tutan US ithimnak kong ah hi bia hi a van langhter ve than cang. Franklin Graham hi Billy Graham fapa asi.

Apa a thih hnu zong ah US ram mipi caah le khrihfa hna caah biatak tein rian a tuantu minthang pakhat a si. Tutan US ithimnak kong he pehtlaiin hi ti hin a langhter. Khrihfami hna sawnak a tuah cang. Tukum i thimnak Election a phi tak tak kan hngah lio ah hin thla kan cam a hau. Diklonak a um ahcun Pathian nih langhter ko seh. Cun cu diklonak i tuanvo neitu vialte theih in um ko seh.

Cun khat lei ah Diklonak le lih le hrokhrawlnak a um lo ahcun mah zong ah Pathian nih langhter rih ko seh. American mipi nih biadik an theih a herh. Tuzarh dongh thlacamnak ah hi kong hi biatak tein thlacam dingin ka telpi uh. Biatak theih a si khawh nak hnga Bawipa bawmh hal hna usih tiah a langhter. A nih hi Pathian nih khuaruah har in a hmanmi pasal ttha pakhat asi Bawipa nih damnak he lamhruai chin koseh.

Relchap:Trump a uar ngaimi laimi pawl USA nan phak kum ah khan Trump hi US President rak si seh law cu atu bantuk in USA ah nan um lai lo i Trump zong hi a hngalh hmanh nan hngalh hnga lo.Hmaan tein chim ko ahcun, Trump khi mirum asi ko nain midang mirum pawl sin ahcun a rumnak khi chim tlak ngai ngai a si lo. Cun Trump a rumnak a ruang bik khi Facebook ngeitu Mark Zuckerberg, Microsoft Corporation ngeitu Bill Gate le Amazon Founder Jeff Bezos pawl bantuk in amah thluak tthat ruang le amah thiamnak tein a rummi a si ve lo.Trump a rumnak a hrampi le a ruang bik cu hringtu a pa asi. A pa ruangah a rummi ko ko nih USA um laimi pawl bantuk in sining i philh riangmang in aa phorhlawtmi, mi zawn a ruat lomi a si ti cu chim hau lo tein vawlei pi nih hngalhmi a si ko.

Laimi tam deuh USA le ram 3nak nan phaknak a ruang bik cu Laimi kan pa bik pakhat a si ve mi, Vawlei cung University Tha bik bakmi Master degree a la ve mi Pu Zo Tum Hmung ruang ah a si. Ram 3nak ummi tam deuh hi khaw zei maw thil a hngalh bantuk tein nan um ve nain nan min hmanh a tial thiam lo mi lawng te nan si caah zeitin dah Pu Zo Tum Hmung ruangah ram 3nak kan phak ning a si timi zong nan hngalh lai lo i nan thei fawn hoi lai lo, Zo Tum Hmung hi nanmah bantuk in a tuahmi zei poah le a hngalhmi zei poah hi chim rel dih seh law, nan hngalh tuk ko lai i nan tihzah tuk ding a si ko nain atu cu phaisa fangkhat hnih te nan van ngeih i nan sining cu nan i philh riangmang i khaw zei maw a piangthar ngaimi bantuk in, mi phorhlawt pa Trump cu nan hei uar i vote nan hei pek. Farasi lawng te nan sinak hi Trump nan uarnak ah a lang ngai ngai.

Laimi asi mi nih cun Trump nakin Biden kan uar deuh nak ding a ruang tampi lak pakhat ka van tial lai. Aruang tamtuk tial ahcun nan rel huam lo ding aa fiang ko caah pakhat tein ka tial lai. FY 2021 ah nan uar ngaimi Trump nih cun Refugees 15,000(thong hleinga) lawng lak aa timh lio ah Biden nih cun 125,000 ( ting khat le thong kul thong nga ) bak lak aa timh. A hlan tein Trump hi USA President rak ttuan seh law atu Trump a uar ngaimi laimi pawl zong hi USA ah nan um lai lo i Trump zong hi a hngalh hmanh nan hngalh hnga lo. USA cu mipem nih dirhmi le hruaimi ram, Pathian nih mipem caah a sermi ram, thlua a chuahmi ram a si ti hi laimi Refugee pawl nih nan philh lo ah a tha tukmi a si. Mah ruang ahcun USA ummi laimi u nau hna, nangmah nan rak tuar bantuk tein ram 3nak phak duh ah Malaysia le India ah kum sau pi harnak a tuar cangmi na u nau laimi zawn ruah bu tein Biden cu rak vote ve, keimah le nangmah cathiam lo, santlai lo pa nih hin Biden vote lawng hi laimi le Lairam caah kan tuah khawhmi thil ngan bik a si timi hngalh bu tein Biden cu rak vote ve hrim. Zo Tum Hmung khi mah vialte laimi ram 3 nak kan phak khawhnak dingah lam a rak kan hmuhsak tu le lam an rak kan hruaitu kan Pa a si bantuk in Laimi kan zawn a kan ruah caah Biden a uar deuhnak aruang pakhat a si ve lai tiah ka zumh. Zo Tum Hmung ruangah ram 3nak a phakmi laimi pawl nan sining nan i philhmi le nan umtu ziaza a chia tukmi hi amah Zo Tum Hmung nih a hngalh ko nain a uah ngaimi ram 3 ummi laimi thawngin kan Lairam tam tuk a thangcho ve timi a hngalh caah i uah lo tein nihin ni tiang laimi thangcho nak ding ah dawtnak lungthin he rian a kan ttuanpiak cuahmah mi laimi Kan pa Zo Tum Hmung hnu zulh in Biden tu vote hna uh sih, Kan unau laimi caah Biden si cang seh.

Laimi nih Donald Trump hi kan ttanh tuk ahpathian bantuk ah kan ruah;Laimi cheukhat catial le comments ka rel tikah Trump hi Pathian bantuk ah a ruatmi hna an um rua ka ti.An hei ttanh khawh tuk ning cu a mak. A cheu cu Trump cataarmi ah Laica tein an comment ve tawn i, uar an um tuk.2016 lio ahhin Trump hi ka tthanh ngai ve. A tei lai tiah ka rak zumh fawn. Nain 2020 ahcun a sung lai tiah ka zumh bak cang. CoronaVirus a von chuah ahhin a dirhmun a hman ti lo.US President tuanbia zoh tikah Presidents a ttuanmi kip nih harnak/ challenging an tong cio. Bush chan in kan zoh ahcun World Trades Centers a tlu. Osma Bin laden a tho. War on Terror an phan. Obama nih a von chan i Bush nih a thah khawh lomi Osma Bin Laden a thah. Asnain Iabma caah Terrorist thar/ ISIS an tho tthan. Obama cu Trump nih a von chang ve tikah, Trump nih ISiS cu a daihter ve hna. Asinain CoronaVirus nih a von phak tthan ve. Joe Biden nih zeibantuk challenger dah a ton ve te hnga?

2016 lio ahkhan Trump nih teinak a rak hmuh ahhin Pathian remruat a si ko lai tiah ka rak zumh ngai. Abik in US Supreme Court ah judge thlen dingmi an tam caah a si. Asinain a term 2nk peh loin 2020 ah a sung ttthan colhmi zong hi Pathian remruat thiam a si ko lai tiah ka zumh fawn.Zeicatiah, Trump term chung ahhin China a tthang tuk. Racism a karh fawn. US bawmhnak ah aa hngatchanhmi mihar tampi harnak an tong. Abik in Foreign policy ah US dirhmun a tla tuk.Trump nih National Security Advisor ah a rak thimmi John Bolton cauk, “The Room Where it Happened” timi cauk ka relmi chung ah Trump cu, “Yes Man” lawng nih an kulh a ti. Trump nih Secretary of State ah a thim hmasami Rex Telson nih Trump cu, a secretaries pawl nih kan chuahpimi “Memo” pawl hi a rel huam lo” a ti. Trump hi Republican Party in President a tlingmi a si ko nain, GOP pawl nih Trump he riantuan an iharh ngai tiah bia a chuak pah lengmang. Cucaah, GOP top leaders 10 renglo nih 2020 election ah anmah party a silomi Joe Biden endorsed an tuahnak hi si dawh a si.Election result ka zoh tikah Georgia ah Biden nih a tei. Georgia hi Khrifa, abik in Protestants an tamnak state a si. Cun, Arizona zong ahhin a tei rih. Arizona hi Red State ah an ruahmi a si ve rih. Ziah Republican ah an vote lo?