Trump hi:USA president asi than lai ka ti ngamnak’A hlan kum4 lio he van zoh tti ve hman.

World News

A hmasa bikah zeitin dah nan ruah ning le nan hmuh ning asi timi rak chim cioding in kan sawh duh hna’Donald Trump dirhmun attha lotuk maw? Nizan ti awk ah Pennsylvania Appeal Court nih Trump legal Team chuahpimi cu thimnak thiang asimi kha athiang lomi bantukin an tuahmi hi abiapi ngaingai mi asi, Hinih hin Democracy adirhmun athatter lo tiah a reject piak hna. Asinain Trump legal team nih an timi cu hibantuk ah an ruahmi hi khuaruahhar ngaingai a si.

Finfiahnak tehte siseh thil atheimi, mit in a hmumi tampi tiangin kan langhter ko bu ah hibantukin an tuahmi hi cu khuaruahhar khi asi tiah OAN TV ah ah a chim. Minung tthenkhat cu finfiahnak dottletnak tuah dingin an thaathuu tuk. Supreme Court ah kan kalpi colh lai tiah a chim chih. Hi konghe pehtlaiin aliamcia kum 2000 thimnak kha zohcio ulaw.

George W. Bush kha District Court le Appeal Court nih sunghnak nganpi an rak pek lengmang ko nain Supreme Court ah teinak a hmuh caah President a rak tling. Kha lio ah Media pawl nih cun Al Gore arak tling tiah an rak ti ve. An kal umtu ning hi aikhat tuk lo nain Court ah an buaining le media lei thanhnak tuahmi zohtikah aikhat ngaingai. Trump zong nih Electoral voter hna nih Biden an thim ahcun White House ka chuahtak lai.

Asinain vote ningcanglo tampi a um i, January ni 20 le atukarlak ah thil tampi aithleng kho tiah a chim. Trump nih hin ningcang loin siseh hramhram in thiltuah atim hrimhrim lo. Media pawl nih zeitlukindah a chiatnak kan langhter lai tiah an ti caah asi. Media ngan hna nih Trump cu a sung akhan tiah an langhter dih. Asinain asungkhan asi lo thilsining tein a chimmi tu asi i, Biden nih vote 80 million hi lih asi lo timi tehte alanghter ahau tiah a chim.

Hi konghe pehtlaiin Conservative Radio Talkshow minthang bik Rush Limbaugh nih Trump team hna cu sual aphawt hna, Evidence langhter dingin an ka chimh ko nain tutiang an ka pe kho lo tiah a chim. An thilti ning hi ningcang atlai lo tinak asi mu tiah biahalnak atuah. Kan mit hmuh ah vote ningcang loin a um timi cu kan theih ko bu ah ahohmanh nih zeihmanh an chim lomi hi zeidah asullam asi tiah America i, TV Talkshow viewtu tambik angeitu Tuckson Carlson nih a ti ve.

Thil dik lo cu a um hrimhrim ko, aliamcia kum 1824 hnu ah vote firnak nganbik asi tiah US House speaker tthing asimi Newt Gingrich nih a ti ve. Tahchunhnak tuah duhmi cu minung pakhat damlo cu republican hna nih Malaria asi ko tiah an ti lio ah Democrat le Media nih cun tehte a um lo tiah an ti. Vun check dingah le airem fawn lo. Asinain thil cu a um hrimhrim ko, vun i check sehlaw thilsining cu alang ko lai tihi asi.

Pennsylvania ah zeihmanh sualpuhnak aum lo timi nak in mithi vote a um maw, vote fir asi maw, phungning lo vote a um maw timi kha Biacaihtu pawl nih nawl chuah hna sehlaw, a um lo cun thilttha asi i, a um ahcun rian an pehzulh ko lai, asinain fianternak or dottletnak tuah an sian lomi hi apoimi asi. State dang zongah cubantuk thiamthiam, media nih le biadik chuah an ttih, atu ka ttialmi zonghi mirang in siseh law ka id an ka phih ko lai ti ka theih.

Pennsylvania ah hin Trump nih teinak ahmuh lai tihi ka zumh peng ko tiah Havard University professor tthing Alan Derhowitz nih a chim. Supreme court nih biachahnak biapi atuah lai ti zumh a um, Supreme Court ah hin republican appoitee 6 le Democrat appointee pathum an um. Bush nih 2005 ah Chief Justice ah a rak thimmi John Roberts hi biapi asimi thil ah Conservative hnu a chit tawnmi asi. Bush chungkhar hi Trump ahua ngaimi an si tihi theih peng ding.

Asinain atupa William P. Bush, Texas Agriculture secretary lawnghi Trump adirpi mi asi.Justice minung panga hi Conservative taktak media le activist hna nih an ti khawh hna lomi an si caah Trump caah ruahchannak aum zumh asi, Tutan zong hi tuan deuh i biaknak kong biachahnak an tuahmi 5-4 in biachahnak an tuah zumh a um. Voter fraud hi a um lai tiah Government Cyber Security Director Mr Krebs zong nih a chim ve.

Vote data le thil umtuning dottletnak ka tuahmi thildik lo cu a um in ka theih ko, thatein check hna sehlaw Trump nih teinak ahmuh tihi ka zumh tiah Data Expert Matt Braynard nih a chim rih. Asinain zumh le ruahchannak sawhsawh hi biadik an si thlu lo. Wisconsin Milvaukee county ah vote an reltthan mi cu an dih, Cu ahcun Biden nih vote 200 renglo a hmuhchap tthan hoi. Dane County tu hi an dih rih lo, State dang tucu thawngpang a um rih lo i, court kalpi lio asi. Supreme Court nih zeitindah thil an tuah lai timi hi zohlawng ahau cang. Nihnih thum ah cun thawngpang theih asi ko cang lai.

Leave a Reply