Trump le Kushner i an Pumpaak Bank a Tlaitu an Konglam Beutsche Bank nih Hlathlai ai Tim

World News

Trump le Kushner i an Pumpaak Bank a Tlaitu an Konglam Beutsche Bank nih Hlathlai ai Tim
=================================================================

Trump i a bank a tlaitu Rosemary Vrablic le Jared Kushner nih a tlaihchih ve mi company karlak i 2013 lio phaisa an i kutnak cazin cu Beutsche Bank nih thatein hlathlainak a tuah lai. Trump nih caansaupi chung a bank a tlaitu ah a hmanmi Rosemary le a fanu pasal Jared Kushner hna cu Deutsche Bank nih an kherhlai hna lai. June 2013 lio ah khan Bergel 715 Associates timi company sinin $1.5 million man Park Avenue apartment pakhat Rosemary le Deutsche Bank i a riantuanhawi pahnih nih an cawk bal, tiah NY property record nih a chim.

Nikum tein khan Bergel 715 company sinin a tlawmbik $1 million in 5 million hrawng kan hmuh, tiah Friday ahkhan Kushner le a nupi Ivanka Trump nih an kumkhat phaisa hmuhnak thawng an thanhnak ah an chim. Mr Kushner le Ms Rosemary phaisa an i kuat lio ah hin third party in kai tel ve, tiah Mr Kushner i a phaisa kong a theitu minung pakhat nih a chim.

Manhattan i Upper East Side ah a ummi apartment pakhat Ms. Rosemary le a hawile pahnih nih an cawk lio ah hin, Mr. Trump le Mr. Kushner hi Deutsche Bank a minung an si. Deutsche Bank in $190 million loans an hmu i, dollar million a zaza in hmuh an i tim. A ngaingai tiah cun, Bank riantuantu pawl hi clients pawl he pumpaak in business tuah a onh hna lo, a ruang cu, riantuantu duhnak le bank clients pawl an duhnak karlakah ah buaibainak a um kho mi a si caah a si.

Deutsche Bank a ngeitu ah ai tel ve mi minung he Ms. Rosemary le a hawile pahnih nih business an tuah hi Bank lei nih a ralven awk kan thei bak lo. NT Times nih an kan chimh hnu lawngin kan theih ceu hi a si, tiah Bank nih an chim. Friday i kan theihmi thawngpang le 2013 in a cangmi thilsining hi Bank lei nih thatein kan hlathlai lai, tiah bank aiawhbiachimtu Daniel Hunter nih a chim.

Kushner chungkhar i an real estate company kong zong hlathlai dingin, White House nih a duhnak a langhter. Kushner hi tutan thil cawknak kongah ai tel lo, cucaah apartment pawl zuarnak kongkau zongah ai tel hrimhrim lo, tiin Kushner Companies ah general counsel a si mi Christopher Smith nih a chim. Ms Rosemary nih a hawilei Dominic Scalzi le Matthew Ponteiro he 715 Park Aveneu ah a ummi apartment hi a cawkmi a si. Hi a hawilei pahnih hi Deutsche Bank ah Ms Rosemary caah rian a tuanmi an si. An riantuannak hi private banking a si i mirum pawl he pehtlaihnak a tuahtu an si.

Bergel 715 i Mr Kushner nih ai tonenhmi dirhmun zeitluk a ngan cu theih a si lo. 1980 tein khan Park Avenue condo inn pawl hi an company nih a sawmsawm in a zuar cang hna. Apartment pakhat hi cu Kushner family i an real estate company sinah an zuar cang, ti cu biafiang a si. Bergel 715 i an ngeihchiah kongkau belte Mr Kushner le Ms. Trump nih an langhter bal lo. 2919 i an income an langhtermi cazin ah Ms Rosemary he thil an i zuarthlainak kong a lang lo.

Bergel 715 a ngeitu taktak lakah hin George Gellert ai tel ve i, anih hi Kushner family i an hawi tha ngai a si pinah, Kushner company pawl ah phasa tampi invest a tuantu zong a si. 908-square-foot, one-bedroom, one-bath unit le Park Avenue conhnak innleng ai ngeihmi apartment hi Deutsche Bank riantuantu minung 3 nih an cawk, tiin a tanglei market price ah hin langhter cu a um lem rih lo. 2014 ah khan Unit 12A a si mi apartment cawknak capar cu Ms Rosemany inn address in an hei kuat. A kum vui ah, cu apartment cu $1.85 million in an zuar. Asinain, 2013 lio i an cawknak man nakin 22 percent an kaih, timi belte theih a si lo.

Ms Rosemary Deutsche Bank ah rian a luh hi 2006 tein khan a si cang i, NY chung private bankers viatle lakah minthangbik pakhat ah ai tel ve. An bank caah kum fatinte dollar million a sawmsawm in a miak a chuahpitu a si. Khushner family hi Ms Rosemary nih Beutsche Bank a luh hlan tein khan a minung an si cang. 2011 ah khan, Kushner nih cun a pu, Trump ton dingin Ms Rosemary cu a sawm bal. Cu lio ah cun, bank a tamdeuh u nih cun Trump he riantuanti an rak duh lo, a ruang cu a rian a tlinh lo ruangah le bankrupt a si lengmang bal ruangah a si.

Ka pu (Trump) cu Rosemary he ka tonter hna i, Rosemary hi mirum pawl an pumpak bank a tlaitu hna lakah minthangbik pakhat a si, vawleicung tiang hmanh ah a si lai dah. Khuaruahhar banker, khuaruahhar nu a si. A smart taktak mi banker a si. Kan chungkhar nih banker ah kan i hmannak zong a sau cang, tiin ka pu cu ka chimh, tiah Kushner nih 2017 lio ah khan House Intelligence Committee ah a chim.

A liamcia kum 3 lio ah khan an bank he pehtlaih in Trump nih a tuahhnga lim lo in a tanhta ko nain, Ms Rosemary le a cunglei minung pawl nih cun Mr Trump cu an client si dingin an lung a tling colh ve. 2012 ah khan, Miami lenglei i a Doral golf resort caah le Chicago i a Trump International Hotel & Tower caah, tiin Trump cu $175 million an rak coih bal.

Cunak tamdeuh cu Trump nih a cawichap rih hna. 2014 ah khan, Buffalo Bills football team cawk dingin Ms Rosemary hmangin Trump nih $1 billion cawichap a timh hna. Washington ah a ummi Old Post Office building cu Trump International Hotel tiin thlen dingah Deutsche Bank nih cun Trump cu $170 million coih dingin an lung a tling. Ms Rosemary a riantuannak hmunin Mr Kushner le hringtu a nu nih $15 million a miak an rak hmuh ve. (Puaisa khah).

Deutsche Bank he pehtlaihnak tha ka ngei ko, tiin 016 lio i the Times ah Trump nih uangthlar ngaiin a chim ruangah Ms Rosemary cu zolangh ai huah. Bank i a dirhmun hnursuan a tong ngaingai. “Deutsche Bank i an lubik na auh ko lo. A min cu Rosemary Vrablic, ti a si. Hi nu hi pei boss cu a si ko cu” tiin Trump nih a phuan diam. Credit: Chelsea Bawi

Leave a Reply