‘Tu hnu kum 5 ahcun India ram ah Mizo nih football cu ro kan rel cang lai’ Jeje Lalpekhlua.

World News

‘Tu hnu kum 5 ahcun India ram ah Mizo nih football cu ro kan rel cang lai’ Jeje Lalpekhlua.

Mah bia hi ahman lai tiah ka zumh bak ve. Zeica’h tiah atu lio India Football club lian deuh poah ah Mizo footballer an um lo nak club a um ti lo. India Team Senior he Junior he Mizo tampi an itel fawn cang. Mizoram chungah Mizapi nih an uar tuk i tha an pek tuk pinah Cozah nih faak tukin tha a pek. Khua tampi ah Stadium ttha le Grass court tampi a tuah thluah mah. Football thiam mi mino tampi an chuak i an hlawh zong a tthat tuk tikah (Mino tete mini millionaire zong an um cang) mino tampi nih hi lam hi zawh cio an itim. Atu lio ah England, Germany le Europe Club hna zong ah Mizo mino pawl training a tuah lio mi tampi an um.

Aluancia kum 30 lio ahcun, Laimi nih football chuih hi kan rak chimh mi hna an si. Kan u le pawl, Tial thawng, Ni Peng, El Di an min kan chim cawk lai lo, hna nih India football ah Mizoram min an rak tthatter. Sihmanhsehlaw, chikhatte ah caan aa thleng i atu ahcun Mizo mino pawl a thiammi an tam tuk manh. Mizoram level lawng si ti loin India club tampi ah professional footballer an tam cang i an thiamnak, an izuamnak, discipline, teimaknak, mipi thapeknak etc… an santuk caah an tthangcho tuk.

India Football tiang Mizo nih ro kan rel lai tiah an chim ngam mi ruah tikah, kan lai mino hna mitthlam ah an cuang. Laimi hi bawlung cu kan uar taktak ve, nu he pa he. Asinain, ‘kan ta’ ti awk tlakin kan sinak nih a phan tthan hoi ti rua lo. Hlan lio kan pa le, Victor te pawl chan lio ah Kawlram ah rorel kho an rak si ve bal deng mang. Lai mino a thiam mi pakhat hnih cu an chuak pah theu nain ‘Professional’ le min ngei ngai ngai an tlawm rih. Kan rak chimhmi hna nih atu ahcun an kan lonh lawng si loin fawi bai in kan phan kho ti hna lai lo dah, zeica’h tiah, chanthar mizo mino pawl cu, ‘Teimak, zuamnak, lungthin tak duhnak, cawn peng duhnak, discipline, nawlngeih’ tiang an iharh ti lo. Sport lei a uar mi kan mino hna nih kan ruah deuh a hau ve cang. Credit: Ngun T Lian

Leave a Reply