Turkey President “Erdogan” Nih Khirhfa Mi Cung A Cawlcangh Ning Cu Ngaihchia Takak Si

World News

Turkey ram Khrihfa biakinn cu an President Erdogan nih Muslim biakinn ah a ser: Turkey ram a um mi Khrihfa biakinn cu kum 1500 a hlun cang mi Khrihfa biakinn a si mi Hagia Sophia cu an President Erdogan nih July 26 ah Muslim biakinn (Mosque) Bak ah a serpiak hna. Hi Khrihfa biakinn minthng a si mi cu Roman Emperor Justinian nih A.D. 537 ah rak sak mi Khirhfa biakinn a si i Turkey ah a um mi minthang taktak a si.

Tukey ram ah a um mi minthang Khrihfa biakinn cu an president nih amah caah hlawknak um ding in a ram mi Muslim pawl lungtonnak ah Mosque ti mi Muslim biakinn ah a thlenpiak hna hi a si tiah theih a si. Hagia Sophia Khrihfa biakinn cu Kum 900 chung Khirhfa biakinn minthang bik a rak si.

Vawleicung ah minthang Biakinn lawng siloin Khrihfa nih ngeih mi Biakinn ah a dawh mi le Biaknak dang hna le mi nih theih mi Biakinn tha pakhat a si. Turkey president Erdogan nih rfamkhel a tuahnak ah atu bantuk in biaknak hi biapi ah Khrifa biakinn a hman mi a si tiah an ram media le nitlak lei nih an mawhchiat tiah BBC nih aa ttial.

Relchih>>>>>>USA thimnak ni 100 lawng aa duh mi chung ah President Trump nakin Democratic in aa cuh ding Joe Biden nih teinak a hmuh deuh thluahmah cang: USA president thimnak ni 100 lawng aa duh mi chung ah American mipi mee petu pawl ruahnak an hal mi hna chung ah Democratic in aa cuh ding Joe Biden nih President Donald Trump cu a tei tuk cang tiah US Media Lian a si mi hna le Real Clear Politics timi Website nih an langhter. Real Clear Politics ti mi Website nih mipi le phu a hal mi hna fehternak nganngan chirhchanh in Joe Biden: 49,6% le Donald Trump: 40,9% an si tiah a langhter.

Cu pin ah president ca ah a biapi mi ramtthen paruk ah Trump cu an duh lonak ai theih caah thinphan ngai in a um tiah theih a si. Hi a duh lotu hn cu Minak he a Pehtlai mi le Ramleng mi an umnk deuh hmunhma a si caah Trump caah thinphan awk a si, tiah an ttial chih. Asinain USA thimnak hlan ah Trump nih chawlehthalnak lei ah rian a ttuan khawh ca ah le COVID-19 zawtnak hrik runvennak ca ah rian a ttuan khawh ahcun President a peh than lai tiah aa zumi tampi an um ve.

Asinain atu COVID-19 Runvennak ah a Thazaang a der Peng rih a si ahcun President ttuan khawhnak lam a har deuh cang Lai tiah a zummi US ram ah an Tam deuh tiah theih an si. a upa fanu Mary Trump nih nih a chuah mi cauk ah “Donald Trump hi president ttuan ding ah ttih a nung,” tiah a Rak ttial Bal mi zong mizapi nih an rel I Trump cu a duhlo tu an Tam chin lengmangnak zong a si.

Leave a Reply