US Um Chinmi Nih Inn Cawk Hi A Tha Kho Rua

World News

US ah Inn cawk hi a tha ko rua!

===================

Laimi pathian nih a kan dawt.! Tu lio zawtnak lak ah kan nih DC lei cu inn an caw ngai hna tu hrawng kar cu… Inn hi asi khawh ah cun cawk cio bak ding asi.! Nitlak lei laimi hna kan tthutdirnak kong hi fa zawng kangei rih lo na in ka tuak ngai ve tawn… Inn hlan man a fahnak a tu kan mah kan um nak Howard County chungah kan um tikah 2 bedroom apartment cu $1200.00/month pek a hau. Hmundang ah apartment hi ai deng hlei lo bantuk in an chim cio tawn… Zeitindah khua kan sak lai.? Ca ka thiam lo na in ka thiam tawk in ka van tuah ve ko lai i kapalh sual si le kathei thiam hram te u law…

1) Rianttuan i credit a ngeimi nih cun inn cawk i timh ding nan si. Nuva rianttuanmi nih $200,000 man innbing (single house) nan cawk khawh lai. 2) $200,000 man nan cawk tikah thla khat ah $1600.00 nan pek lai. Kum 30 nan pek tikah nanmah ta a si lai. A cheu nihcun kum 20 ah nan pek khawh lai. 3) Innhlan man thla khat ah $1200.00 cungah $400 lawng chap ding a si ko. $400 chap hi a har lai lo dah. Room pakhat kha nan hlanh hna lai i a rulh ko lai. 4) A tu inn nan hlannak tam nan pe lai lo. 5) DC hi inn man cu a fak ngaingai. A si na in $200,000 man cu a ttha ngai.

Inn cawknak hi a tanglei bantuk in kan tuak lai. Ttha tein ruat hmanh hna u sih! Inn caw lo in inn na hlan peng ahcun: 1) Na inn hlan man thla khat $1200.00 hi kum khat $14,400.00 a si lai. 2) Kum 30 chung inn nan hlan ahcun $432,000.00 a dih lai. 3) Kum 30 a si tikah na hlanmi inn cu na ta a si lo. A ngeitu ta a si ko. 4) Inn kan hlan peng ahcun kum 30 ah $432,000.00 hi kan sung lai. A tu tiang inn kan hlan peng mi ah zeizat dah kan sungh cang.? Principal kan pekmi a um lo. Kanmah caah a taangmi a um lo.

Inn na cawk tikah; 1) $200,000 man hi a karh 6% in thla khat ah loan man cu $1200.00 a si lai. Savage apartment hlan man he ai zat lai. 2) Kum 30 caah na inn man cu inn hlan man he aa tluk. $432,000 a si ve lai. 3) City le county tax cu thla khat ah $400 hei ti ko usih, a tlawm/tam deuhnak in. Na inn man he thla khat ah $1600 cu na pek lai.
4) Tax hi kum khat ah $4800; inn man kan pek dih tikah kum 30 caah $144,000.00 a si lai. 5) Kum 30 ahcun na inn man caah na pekmi dihlak cu $ 576,000.00. 6) Tax na pekmi hi ka sung tiin ruah lo ding. 7) Kum 30 chung inn na hlanmi man $432,000 tu hi na miakmi a si.

Ni le caan cu a kal rang tuk kaw, kei mah san tlai lo hmanh US ah kum 16 tluk ka hawng um manh ko cang hih kum 30 cu chik khat lo te ah a cang ko. Kum 30 maw kum 20 ah na inn man cu na pek dih khawh lai. Kum 65 ah pensen nan lak tikah inn man pek a um ti lai lo. Nan inn cu nanmah inn bak a si cang lai. Ti man le electric man lawng nan pek ko cang lai.

Pensen nan lak hnu ah kum 10/15 cu zalawng tein nan nung lai. Kan nunnak a liam tikah kan fa le kha inn lianpi kan roh fawn hna lai. Inn cawk cu a ttha. Fak deuh in tuak ding kan si. Nunnak kong ah mi ralchia paoh nih vawlei ro hi kan co kho lo hi teh. A ngamh nih cun an tuah i an fim chih. Khua tamdeuh ruah khawhnak kha an tonmi nih a pek ko hna hih… Carel tu nan dih lak siaherhnak he. Credit: Valukcung Ta Can

 

Leave a Reply