USA:President asi ding cu’A fiangbak cang hi’Mipi kan buai hau tilo.

World News

Tukum American ram president thimnak ah ttuanvo pekmi Electoral College nih teinak hmu tu cu Joe Biden a si ko tiah nizan December ni 14, kum 2020 ah khan phungning te bak in fehternak le thanhnak an tuah cang caah American ram i 45 nak president cu duh zong duh lo zongah Democratic lei in aa cuhmi le teinak hmu tu Joe Biden hi a si te ko lai.

American ram State hna lak ah milu an tam biknak California in Electoral College Votes 55 bak Joe Biden nih a hmuh than chap tik ah Electoral College Votes 306 hmu in president tlin khawhnak ding caah a herhmi vote 270 cu a tlinh tuk. Cu lio ah Republican lei in aa zuam vemi Donald Trump nih cun Electoral College Votes 232 lawng a hmuh, a luan ciami kumli lio ah Donald Trump nih Landslide in teinak a rak hmuhmi he aa lo deng ngai.

California State Hludaw chairman simi Kevin Mullin nih cun an state chung electoral college vote cu Biden la Kamala Harris hna an pek hnanak kong bak fiang tak tak in a rel. Hi bantuk in Biden nih teinak a hmuh timi thawngpang an thanh le caang ka Biden nih cun American ram democracy hi Donald Trump nih ningcang loin nawl neihnak a hmanmi a in tuar khawh ko tiah a chim colh ve.

Donald Trump le a mah lei ttangmi hna nih American ram mipi duhnak cohlaang duh loin an dohmi hi kan ram upadi le phunghram zei an rel lonak a langhter tiah Biden nih cun a chim. Electoral College vote dang dang hna zong Washington ah kuat a si lai i a ra laimi January ni 6, kum 2020 ah tuah dingmi Congress Meeting ah fehter a si te lai.

Cu meeting tuahnak cu tulio American ram Vice President simi Mike Pence nih a hruai lai i Obama president tuan lio ah Vice President rian a rak ttuan tu Joe Biden nih January ni 20 ah 46 nak American ram president sinak bia kamnak tuahter a si te lai

Relchap ko:Minung lung donhnak a pinleiah Bawipa ai phuang, Isrealmi hna nih zalawngte in canaan ram kan phan lai tiah an i ruah lioah anhnu hmai harnak nih a den hna, an hnulei ralkap an hmailei rilisenpi an khang. Moses sinah an zai, an lung a dong i bia phunza an chim.

Sihmanhsehlaw Pathian nih a umpinak hna kha le lam ahruainak hna kha lanhter a duh hna caah a si. An cungah a sunpar thawnnak hmuhter le tawnter a duh hna caah a si. Pharaoh sinagpahrang lung hahtertu kha Pathian a si.
Nihin kantawn an tawn harnak pinah Pathian ai phuangte lai. Cucu na zum kho ve maw?. Pathian nih ka hmufiang hnaseh, ti a duh. Kabochan hna seh ti a duh caah a si.

Zumtu kan lungdonhnak apinah khin Pathian cu iphuan aduh. Kan niruahchanmi cu Vanram longlong a si. Vulei hi sualmuinak lakah kan vak, atlingmi a hohmanh kan um lo.

Irealmipi lam ahruaitu meiceu le menmei kha, rilisen i an i tap lioah an hnu ralkap vengtu Pathian thawnnak kha a si. Anhmai thlitu le thlifakpi a hrangmi kha, isreal tlangtangah rak ka tawng ua titu Pathian thawnnak kha a si.
Kan thihtiang hmanh kan lung donghlah seh.

Kan thlarau anung lai ti kan ni ruahchan bantuk in Pathian ai phuang lai ti zumhko usih . Raltha tein dir law Pathian kha zoh ko. Pathian longlong a vulei cung lianngan bik le a dawtnak afekbik mi cu a si. AMEN.

Leave a Reply