Vawlei Fak Taktak In A Cimh Ruangah Minung Tam Ngaite An Nunnak A Liam

World News

Vawlei Fak Taktak In A Cimh Ruangah Minung Tam Ngaite An Nunnak A Liam
============================

India ram thlanglei Kerala ramkulh, Lahphah cinnak hmun pakhat cu vawlei fak taktak in a cimh ruangah minung 43 an thi i, ramchung humhimnak lei tuanvo ngeitu pawl nih a tang rihmi ruak cu nizan nikhat chung an kawl len hna, tiah thawng theih a si. Vawlei a cimhnak hmunhma zong ahhin pehzulh in a cim rih khomi a si tiin khuami pakhat nih a chim. Vawlei a cim bak in zeizong vialte a tlau dih, tih a nung tuk hringhran. Pawngkam ah siizung a um fawn lo caah nunnak le himnak zong a um lo ti tluk in ka ruah. Hi hnu ah a cim than sual lai ruah ah ka tihtuk, tiah khuami pakhat nu nih a chim.

Kerala Ramkulh, Idukki district chung cawn nili ah khan ruah fakpi in a sur le ti a lian caah vawlei a rak cim cang i, minung 50 hrawng a rak kham manh cang hna. Cucaah, a khammi minung pawl le mithi ruak pawl cu humhimnak lei nih an kawl cuahmah hna, tiah theih a si. India ramchung khua caan lei zohthiam pawl nih Idukki district le a dangdang district tampi zongah pehzulh in ruahsur a fak khomi a si, tiah ralrinnak zong an pek hna. Ruati a tam caah India ramchung cinthlaknak lei zong a hnorsuan ngaingai tiah theih asi.

India ram hi minung 1.3 Billion an si i, cheuthum cheuhnih hi lothlo in a pawcawmmi le Lei rian a tuanmi an si hna. Tam deuh minung hi lothlo in a pawcawmmi an si cio hna. Asinain, ruati a tam tuk caah Ti a ngan, vawlei a cim ti bantuk a tam tuk ruangah harsatnak an tong ngaingai hna, tiah theih a si.

Leave a Reply