Wow, Big Congratulations To Tu Kha Maung Nih US Dollar Sing 5 (500,000) Bak Laksawng A Hmuh

World News

Wow, Big Congratulations, Zotung Paw Nih US Dollar Sing 5 (500,000) Bak Laksawng A Hmuh
============================

Vawleicung rumnak kan timi hi thil har in a hmumi an um lio ah minute caan chungah a hmu khomi zong an rak um hoi. Zotung kan unau pa nih Che in US Dollar sing 5 (500,000) bak a von poh ko cu a mak taktak ko. Lawmhpi phu bak si. US dollar sing 5 cu a tulio Kawlram phaisa (Online rate) thlen in tuak ahcun Ks. 677, 923,500.00 mah zat bak hi a si ko hnga.

American, Iowa state i Waterloo peng ah khuasa Chin miphun chung in kan unau Zotung mi Tu Kha Mung nih July 10, 2020 ah American dollar sing 5 ($ 500,000) bak awngbali (Lotery) a poh ko. Mah Awngbali a pohtu pa hi Zotung Rezua khuami asi i, a kum hi 29 asi. Fa pahnih an ngei cangmi a si. Atu che a pohnak hmun hi Iowa Lottery Power Ball dawr nih an chuahmi si tiah thawng theih a si.

Hi Che a pohnak kong he pehtlaih in Che a pohnak number taktak hin $50000 man a hmuhnak ding si ko nain Power Play nih an von chuah taktak tikah $ 500,000 a von ngahnak asi. Mah $ 500,000 a pohmi hna hi minung pathum an si i, adang minung pahnih cu New Jersey ah a ummi an si, anmah he Puerto Rico ah an um hna tiah theih asi.

Pu Tu Kha Mung che a chuahpiaktu hna store dawr min cu Guddi Mart timi si i, 309 Byron, Waterloo peng ah a ummi an si. Lowa Lottery Company zong nih anmah dawr cun Cheque in $ 500,000 an chuahpiak i anmah dawr ngeitu hna zong cu che zuar man bonus ah dollar 500 an pek hna. Credit: Zodailynews

Leave a Reply