A Mak Ko! NLD Nih Teinak An Hmuhnak Dingah Kalay Um Kan Nu Le Minung (9) Nih Zaan (40) Riak Bakin Thlacamnak An Ngei

Chin News

NLD Party ṭanhtu hna caah cun thawngpang ṭha taktak a si. Tukum a ralaimi November thla ah myanmar rampi thimnak ah NLD nih teinak an hmuh i ram le miphun caah dingfel te le dawtnak tein rian an ṭuannak khawhnak lai kan nu le minung (9) nih zaan (40) riak in Kalay Harmon Tlang Thlacamnak ah thla an cam tiah kan theih.

Image may contain: 6 people, people sitting and indoor

Hi kong he pehtlai in Rev. Thang Hre nih hitihin a tarlangh. “Sanmyo, kalay Harmon tlang thlacam nak ah kan nu le (9) nih ,tukum thim nak ah NLD nih tei nak an hmuh i,ram le miphun caah dingfel te le dawtnak tein rian an ttuan khawh nak lai zan (40) riak bak in thla an cam,Bawipa nih thluachuah pe seh law kan ram dam hraam seh,” tiah a tarlangh.

Relchih>>>>> Zeitindah CNLD chairman Pu No Than Kap a sining le a luancia tuahsernak kong na tial ngam? Na tih lo ma? An thah sual lai dakaw’ tiah mi tampi nih ralrin an ka pek, Hakha le Thantlang ka vahnak ah ralrin pek a tam khun. Zawnruahnak lungthin he ralrin aka pemi zong an um i thihphaih duh ah warning aka pemi zong an um ve.

“Mino te a simi keimah zong thah a ngamh ko lai, thah a duh ko lai tiah nan ruah i nan tihmi pa cu maw kan Chinram hruaitu ding ah thim nan duh i nan timh? A hruaimi party CNLD dirhkamh le vote pek cu indirect in amah vote pek bantuk a si i amah CM si khawhnak lam sial piak bantuk a si timi nan thei lo maw?” tiah ka leh theu hna.

Party pakhat mee kan pek tikah kan duh zong duh lo zong ah indirect in party hruaitu mee kan pek a si, NLD vote na pek ahcun an hruaitu Suu Kyi or Lian Luai vote pek bantuk a si i CNLD vote pek ahcun an chairman Pu No Than Kap, Pu Ngaisak le Pu Zozam vote pek bantuk a si ve. Mipi kan lungfim i kan i fian ngai a hau. Credit: Salai Lungthli Tum

Leave a Reply