Beth Isreal (Sabath) Le Mara Baptist Church Hakha Nih UCCF Cabawm An Thawhmi Cu A Sunglawi Tuk Hringhran

Chin News

Beth Isreal (Sabath) Le Mara Baptist Church Hakha Nih UCCF Cabawm An Thawhmi Cu A Sunglawi Tuk Hringhran

“UCCF Cabawm” Kan miphun Dothlennak lohma ah Khrihfabu hna nih UCCF he pehtlai in kan sikhawh-tawk țuanți dingin Hakha le Thantlang peng Khrihfabu hna sin ah UCCF min in “Cabawm” phawtnak kan ngei. Nihin ah Mara Baptist Church Hakha le Beth Israel (Sabbath) hna sin in UCCF Cabawm thawhmi ka cohlan, kan i lawm tuk hringhran, Bawipa Pathian nih thluachuahnak pe ko hna seh.

Beth Israel (Sabath) hi chungkhar 9 lawng an si, mahhmanh ahcun nuhmui an um rih, nihin ah Cabawm in a chuakmi MMK. 125,000 le thilpuan Bag (2) bak te UCCF caah tiin an thawhmi cohlannak ka ngeih. June thla i an sin kan rak kal lio ah Petrol rawnnak ah tiah Singkhat an rak kan serh cang,  miphun dothlennak lohma ah hmual-fak taktak in țan an lakmi hmuh tikah lung a hmui tuk hringhran ko, kan biak Zingu Pathian nih thluachuah vanluh țhumhthlak ko hna seh. Nihin ka tonmi cungah kaa lawmhnak Fb ka hawile ka hun in hrawmh hna. Credit: Tluang Hre

Relchap ding news dang;  Citizen University Theihternak: Citizen University hi Chin mino nih kai cio dingah a tlak ngai ka ti! Aruang cu Lewisville khua kongah khuakhang lairal buu ah kan I tel khawh ve nak dingah lam pakhat a si rua tiah ka ruah. A raung cu Major pawl le committee tete ah a telmi vialte khi a tam deuh cu Citizen University in chuakmi an tam. Khua kong a tlunkal ning le committee tete an riantuan ning I fain hnu ah I tel khawh ve nak hmun zong I theih a si caah a tha khun. Zanghlei cawi lawngte a si nain kan umnak khua caah Chinmi zong zanghlei cawi ko ve ding kan si ko.

Ka zang an fak: Thla 9 chung Citizen University kan kai nak ah ka zangfak bik mi department cu 911 operator an si. An rian kong an kan chimh ah ka lungtha lo. Nan lahkhah zeizah dah a si tiah ka hal hna I a tam hui lo. Mi kan hire hna ah hin hla 3 hrawnglawng an khan an ti. Kan nih cu thlichia a hrang lai, cun snow a tla lai an ti zongah riantuan I thawh kan hau an ti. Ni sunglawi pawl zongah rian tuan kan hau an ti. Zuam phun rian pei si lo hi tiah ka zang an hawi fak ngai.

Ka khuaruah a harmi: Major te an si ah city staffs pawl an si ah , cun a dangdang volunteers committee tete an si ah an rian an hawi upat ning le an I biatak ning cu ka khua ruah an har. Cun USA khua pawl zonghi kanmah kawlram btk in anmah le thazang in pei an khua an rak ser ko hi ti ka hmuhtik ah hitluk khua tha an ser khawh mi hna kha khuaruah a har. State le Federal nih a thei ngai in a tuahpiak mi hna hi Lam le park zohkhenh nak lawngbak a si. Adang zeizong vialte cu anmah tein an I tuahmi ka hmuhtik ah ziah kan nih Chinram khi kan I tuah khawh ve hnga lo tiah khua a ka ruahter ngai. Democracy hna hi lungchuah lo phun in ka um cang. Hi class hi Laitlang kan khuabawi pawl tal khi hawi kai ko hna she law zeitluk in dah a va that hnga? Lewisville Khuasa mino kai a duhmi kan um sual ahcun 2020-2021 caah application form phit khawh a si cang. A tanglei link ah hin fiangdeuh in zoh khawh a si. Credit: Sui Ceu Ling

Leave a Reply