CNF In Hruaitu Pu Zing Cung, Pu Thang Ning Kee Le CNLD In Hruaitu Pu Ngai Sak, Pu Zo Zam Cu Nay Pyi Taw Ah Tonbiaruahnak An Ngei.

Chin News

CNF In Hruaitu Pu Zing Cung, Pu Thang Ning Kee Le CNLD In Hruaitu Pu Ngai Sak, Pu Zo Zam Cu Nay Pyi Taw Ah Tonbiaruahnak An Ngei.

Chin National League for Democracy, Kan party chairman Pu Ngai Sak, Pu Zo Zam (Puu-Twe Chairman) le CNF in chairman Pu Zing Cung, Vice Chairman Pu Thang Ning Kee cu 2020 August, Nay Pyi Taw ah tonbiaruahnak an ngei. Tutan thimnak le thimnak a dih hnu ah ‘kan Miphun ser nakding lamthluan le Myanmar rampi remdaihnak lamthluan ah zeitin rian kan tuantining a si lai’ timi biapi in caihhmaitinak an ngei. 21 Panglong Conference ah Chin Miphun min chal in Kawl Vai pawl a dir-onhtu ding kan pale.

Editor Hmurka (Editorial), Pathian nih Chin Miphun cu vawleicung ah Miphun Puitling sinak in a kan ser ve. Miphun puitling pakhat nih a ngeih dingmi, “Miphun, Ram, Nunphung, Caholh” tlamtlingte in a kan pek. Vawleicung ram ah miphun sinak a ngeimi he aa ruang in zei zongvialte tlamtlingte in a kan pek dih. Asinain miphun puitling kan sinak hrampi a simi “kan miphun, kan caholh, kan nunphung, kan ram le kan vawlei’ hna cu miphun dang nih an kan hrawhpiak, dawpdolh cuahmah. Pathian nih kan miphun sinak in a kan pekmi covo hna cu chuh le hrawnhpiak cuahmah kan si. A lam kip in alanghngan mi pawlisi le aa thupmi pawlisi he kan miphun sinak a tlau nakhnga an i zuam cuahmah.

Cu bantuk in kan ton cuahmah mi chung in chanhchuah ding le kan miphun sinak dirkamh in kan miphun covo lak than ding ah Chin National League for Democracy (CNLD) Party Party kan dirh i tutan thimnak ah luh hi a si. Kawl miphun nih Kawl Party thimfung an pek cu an miphun an dawt caah a si. Rakhine, Shan, Karen le a dangdang tlangcungmi cio nih an miphun Party thimfung an pekmi cu an miphun an dawt caah a si. Kawl kan huat caah a si lo. Kawl nih an kan huat caah tlangcung mi Party thimfung an kan pek lo a si lo. Miphun a ngeimi nih an miphun dirkamh ding tuanvo kan ngei tiah an theih caah a si.

Kan Chin ram le miphun tungmer ding ah Pathian nih kanmah lila tuanvo a kan pek. Kan Chin Party a thazang a der i chambaunak a ngei zong ah mizapi nih thazaang a cahnak ding ah kan Chin mizapi lila nih kan dirkamh a herh. Kan miphun kong ah thachia lo in le kan miphun i funtim in thazaang a cahnak ding ah Chin National League for Democracy kan dirpi cio naklai upatnak he kan in sawm hna. 2020 August 8 chuahmi avoi 1nk Chin Miphun Authawng chung in.

Leave a Reply