Kawl nih Chinram Ah An tuh Mi Thlaici Le Nihin A Theipar An Zun Cang Mi

Chin News

Kawl nih Chinram Ah An tuh Mi Thlaici Le Nihin A Theipar An Zun Cang Mi. Note: Capar si lo. Lungchuak biatawi. Kawl nih kum (70) leng an kan uk cang. Cu an kan uk chung ahcun Chin ramkulh chung ah Kawl thlaici cu hmuitinh puitling ngai he Chin ram chung ah an tuh. An tuh mi Thlaici cu nihin tiang Chin ram ah a theipar a ttha ngai rih.

Image may contain: text

Zei thlaici cu dah an tuh mi a si? “Chin miphun sinak (Identity) Biaknak, nunphung le cahloh hrawh, hlohthlau dih in Kawl thluak, Kawl nunphung Biaknak thancho ter. Kawl minung ah ser i timhnak thlaici an tuh”. An Cin mi Thlaici a that khawhnak, a nun i a theipar a chuah khawhnak ding ah “Non (fertilizer manure)” a si lo ah hriamnam bantuk in an hman mi hna cu. 1. “Kan Covo vialte an kan chuh. Covo a ngei lomi minung ah an kan rel ter i Nuhrin Covo (Human Rights) timi biafang hrimhrim kha vawlei ah a um ti zong an kan theih ter lo.

2. Sifak dih cikcek in an kan tuah i Savo an kan cuh ter: Ralkap he vai komh le theihhngalh hna kha thil ti kho taktak ah an kan ruah ter. Ralkap Sen pakhat zong a ngei lomi, cawnnak a ngei lomi le an rawlchuang sawhsawh zong kha Khuabawi nih Saya a ti i a biak in an kan biak ter dirhmun tiang an kan phak ter.

3. Chin miphun kan nunphung, Caholh le Biaknak hloh khawh nak ding ah Buddhist missionary: Kawl ralkap nih hramhram in thil an kan phorh ter, lam an kan cawh ter i din ei awk ngei lo le fale sianginn kai ter kho lo dirhmun ah an kan chiah. Cu ahcun Chin ram khuapi kip, khuate tampi ah an missionary ttuan ding in Phungki an thlah hna. Na-Ta-La sianginn tiah an auh. Dawtnak a ngei taktak bantuk in “khah nan harsa tuk hih, nan fale cu kan sin ah ca cawn ter hna uh, free a si an ti. Ei phungphung na ttha tuk e an ti hna i an fale sianginn ah an chiah hna. Cu sianginn ahcun Kawl biaknak Kawl thisen an rawnh hna.

4. Chin miphun, Pengtlang le Khrihfabu karlak ah huatnak an karh ter: Sifah cang ahcun Laihri tlai karlak tiang ah dawtnak, zaangfah nak a tlau. Miphun (Chin) ttanhnak (Nationalism a tlau. Pengtlang, khua karlak Biaknak le mibu karlak rem lonak a karh. An tlaici tuh mi a theipar an zun cuahmah ve cang: 1). Nihin ah Chin timi phun ttanhnak a tlau. Miphun thisa, miphun kilkamh le dirkamhnak thinlung puitling a ngei mi Chin mi phun chung in an tlawm. Pengtlang, Khua le Khrihfabu kha Biapi ah an chiah cio i Chin timi cu vawlei ah a um bal maw ti hmanh a ruat lomi tam dawh aa si cang.

2. Chin mi tampi nih Chin pa nak in Kawlpa kha zumh deuh in bia an chim cang. Chin miphun zalennak, luatnak le mah tein khuakhan lairel nak kong ah Chin pa nak in Kawlnu hna Chin mi nih an i bochan deuh fawn. Kum 70 chung a kan hleng cang mi hi Kawl an si timi ruah timh a si ti lo.

3. Chin miphun, Chin party, Chin dothlennak a tuah tu hriamtlai bu hna hi zeitin dah kan dirkamh hna lai ti nak in, an policy a ttha lo, an minung zumhtlak mi an um lo, Chin an huap lo ti bantuk in soisel nak lawng te kawl a si. Chim ahcun a tampi. Remh, tunmer le dirkamh timh loin zeitin dah Chin ka hlawt lai i, Kawl ka dirkamh khawh lai timi ruahnak a tam chinchin. 2020 rampi election lai ah tampi hmuh a si tthan lai. Facebook timeline cabia comment tampi rak ngia cio te uh law Kawl theihpar ttha tampi Chin mi chung in nan hmuh te lai. Salai Cung Dawt-New Delhi

Leave a Reply