“Laimi (Chin) nih Thanchonak” mit in vote pek ding a si

Chin News

“Laimi (Chin) nih Thanchonak” mit in vote pek ding a si. By-Salai Robert

==============

Kawl ram ah a sifak bik le thangcho a nuar bik a si mi Lairam hi zei tin dah kan thanchoter khawh lai timi strategy tampi lak ah zei tin dah kan paw cawmnak tha deuh in kan tunmer lai ti mi kong hi Hluttaw a cuh ding mi nih an chim ka thei tuk lo. Party dirhmun in Ram an kalpi ning ka hmuhning in ka van tial mi duh mi a si.Thanchonak , luatnak, nun paw cawmnak ,zalonak a herh deuh rih mi Chin mi kan si. Party in kalpi ti loin, miphun in kalpi cu tih a nung. CNLD tanh lo mi poah cu miphun le ram dawt lo , mah hnglh lo mi bantuk in ruah a si I cu cu Racial Card play phun a si caah tih a nung. MP ka si ahcun Siangcachim tling tein kan pek hna lai. Siibawi a thiammi te khua kip ah kan chiah piak hna lai.Lam kan remh piak hna lai.NLD cozah an kai hnu inCozah budget 80% hi infrastructure ah kan hman an ti. Chin ram ah khuate inn dawng (30) a tling lo mi khua kan tam tuk, Sianghngakchia pakul hman kai ding an um lo mi khua kan tam. Sit-ku-zin tuk ding a si lo.Khuate kip ah siibawi chiah hna u si law minung 1200 hrawng an va si hnga.Cozah rian tuan pakkhat khan tikah kum 30 a tuan ding in tuah chih a si. Ruah phungai a si. NLD zong nih an rian tuan khawh lonak le an nih palh nak a um sicun mipi sin ah thate in an chim ding an si ve. Kum 10 chung Democracy in kan nih hruai cang.

Chin ram cozah nih Development an tuah mi nakin kan nun phung kan caholh le pupa vawlei covo le phunghram le phungphai kan herh deuh a ti mi nih ruatchih u law ka duh ngai. The Ethnic Protection law 2015 February ah Hluttaw nih an feh ter cang. Chapter III (a) have the right to profess freely their language, literature, fine art, culture, custom and religion, (c) have the right to independently hold ceremonies and special days carries out by their culture and custom, (d) have the right of innovation to develop their literature and find art, and right to freely do research on culture ti in law a um. Chin peni chungah mah le miphun caholh cozah sinah register a ngei mi 23 bu a um I 22 bu caholh Primary School ah an cawn I caholh chim tu dingah Teaching Asistance saya/mah 960 khan an si cang.Thlakhat i an lahkhah cu tingkhat a tlin deuh lo. Common language kongah Laizo le Hakha holh kan ti lengmang zong hi upadi a um cang caah Mipi ruahnak lak hmasa a hau.Upadi ning na tuah lo si cun thongthlak kho a si. Ram ram khat ah Official in hman mi caholh an ngei dih. Chin state cu common language ah English kan hman lai ti cu Unoin chung in kan chuak lai ti he a lo pah. (Biana bia ah Mai le Salai tbt) Miphun hmelchunnak zong hmatpungtin or inntawngsuh cazin zong tel khawh a si.

India ram le Kawlram cu politice ah unau bantuk kan rak si. Indian cu an I hmuitinh ning in ram an i hruainak in kum 60 leng a si cang. Kawlram cu ralkap uknak tangah kan um. Mizoram cu kum saupi democracy ram an si lengah ILP a hmang mi federal State an si. Holh pakhat te long a hmang mi an si. Chin miphun he cun tahchun ding kan si lo. Mizo ram ah MNF party nak in BJP nih cozah tam deuh an tlai ko. Thailand he zong tahchun ding a si lo. Thailand zong ralkap nih ana an ting a tam tuk ve. A caan a za an ti ah cun thimnak an tuah than peng.PM U Nu chan lio ah ralkap nih anaa an lak I thlaruk lawng an ti I kum 2 an ti than I kum 2 bia cu chim hlah kum 50 chung anaa an lak. Kawl rawn party , cozah an si ah Kawl ralkap an si ah democracy federal ram hruaining in kan ihruai lai an ti. Federal phung in aihruai mi ram hi vawlei cung ah ram 25 an um I a minung zatuak in chim ah cun vawlei minung vialte I, 40% hrawng hi federal uknak phung tang ah aum mi an si. American le Indian ram i tel hna hlah she law milu in chim tlak hmanh kan si lai lo.

Chin ram cu 100 ah 70 hi kan si a fak, khuate ah kan um. Hlawh a tha mi rian pipa kan tuan lo caah kan si a fak. Zei caah dah kan si a fah i kan thancho lo ti hi a ruang kan theih i kan i thlen a hau cang. , FDI kong cu chim rih duh hlah u si. Chin mi cu Pengtlang a tanhtuk mi miphun kan si tikah mah issue hi a sensitive ngai mi a si. Nain, Social – economy system in kan thlen hrim hrim a hau cang. Cun kan tuah lai ah“Motivation” timi lungthawhnak timi kan herh tuk. Lungthawnnak hi kan thanchonak ding i thazaang a kan petu le hmai ah a kan nortertu thazaang a kan petu pakhat a si. Rian kan tuan lawng ah kan ram le kan miphun kan thangcho lai. Miphun dang kan dawi khawhnak ding ahcun an mah bantuk in sipuazi kan tuah thaim ve a hau. Phaisa an rak serning hrimhrim ah hin sipuazi tuah lo ahcun minung le ram hi thancho khawh a si lo. Chin state cozah a ser ding mi nih fakpi in an kan tuah piak a hau. Economic cu politik player a si peng. Economic a tha lo cu politik zong a tha khawh lo.

Wolrd Bank le ADB nih an tuak ning ah cun U Thein Sein cozah lio ah sipuaizi GDP growth rate hi phungmang te in a kai peng i 2014 ah 8% le 2015 ah 7.5 % a si. NLD cozah an kai hnu I sipuazi an nih ruahchan bang tuk a rak si ti lo. 2020 kum cu chim tlak a si ti lo. A ruang pathum in ka hmun. Rakhain ram buainak, Ram dang economic section le covid- 19, ruang ah a si in ka ruah . NLD cozah nih Social- economic, Ciin thlak lei foreign expert an hlanh mi minung 90 hrawng an si nain zeipi pa an tuah khawh ve lo.

Chin cozah zong nih ramleng kampani pawl a sawm ve hna nain kan Chin ram ah electric mei, ti le sehzung tuahnak ding le raw materials pawl a um ko nain a miak an hmun than ding ah caan sau pi a rau ding a si caah a si kho men. Cu pinah infrastructure a that rih lo tikah ram dang kampani pakhat hmanh nih rian an tuan rih lo. Chin state cozah nih Investment le trade policy, development upadi a thei mi expert an hlan I ramchung ramleng investment pawl (incentives) ser a hau. Vawlei ciinthlaknak le satil zuatkhalnak ah vawlei free in kum zeizat kan in pek/hlanh hna lai ti bantuk pawl le strategy framework tha te in kan i ser piak hna lai tbt in lem deuh hna seh law kan thanchon a rang deuh lai in ka raut. Chin cozah nih A,B,C plan tbt in khuate ciinthlaknak a tha mi satil zuathhalnak survey tha te in tuah hna she law paw cawm nak tiang a si ko lai. Vawlei le achung um thil(resources) hman ning tawlrelnak upadi thar zong 2020 an feh ter cang. Chin state cozah nih study tuah i lai tlang ah hman khawh mi hmuhma tam pi a um.

Chin State cozah cu Chin mipi le Chin ram caah a dir awk a si. Central cozah (bahu) nih zeitin dah kan nor khawh nak ding kan mah te in Chin state sustainable Development Strategy Plan (CSGDSP) kan ngei lawng ah ram dang investment siseh Grant , Loan siseh kan mah tein kan nih tawlrel khawh nak lam a um deuh lai. CSDSP tha tein kan ngeih ah cun Central cozah I bochan tuk a hau ding a si ti lo. Hmailei ah Federal an kan pek hmanh ah nawlngeihnak covo hi kan kut cung ah a um zongah planning ngei lo ahcun khatlei kap in a rak kan temtawn/hren than lai.

Biatlang kawmnak; Chin ram chungah tukum MP a cuh ding minung 200 leng le Party 12 an si ti a si. Mifim Mithiam, Mitha, Ruahnak kau angei mi, Experience a ngei mi, mipi an kan hruai kho tu, Pine le bohu ah ral tha te in a chim relngam I a chim thiam mi kan ram nih a herh deuh. Election ( Thimnak) a um can ah Sining le dirh hmun a lawh lo mi, Income tlawm te a hmu mi ram ah cun MP a cuh ding nih ram zong an hrawh ton I terrorism a chuah ter pinah Eihmur zong a tam khun ti a si. Chin ram adaw I mipi hmaizoh mi, Bu hruainak ah tluang te in um mi Bu ah buainak a chuah pi lo mi hruaitu kan ram nih a herh cang. Credit: Robert Ling

Leave a Reply