Philip Thang Lung Mang te chungkhar nih Pu Ling Neig caah RM – 350 bawmhnak an pek
________________________________________________

Malaysia ah a kal ( kidney ) operation tuah hau in a um mi Pu Ling Neig caah Pennsylvania, USA ah a ummi Philip Thang Lung Mang te chungkhar nih RM – 350 bawmhnak an rak pek caah kan lunglawmhnak kan rak langhter. Malaysia ah a ummi kan Chin miphun pumpak / fellowship tete hna zong nih bawmhnak a pemi nan um pah ngai hna caah kan i lawm tuk. A hnu ah tlamtling tein bawmhnak a pemi cazin hi kan langhter than te lai.

Malaysia Ampang ah a ummi Pu Ling Neig ( Kanpetlet, Longdong khuami ) cu a kal ( kidney ) pahnih ning in lung 7 a um ruang ah a rannak in operation tuah a hau. Operation tuahnak tangka a ngeih lo ruang ah sizung in an lawi ter. Operation tuahnak ding caah a tlawm bik RM – 10,000 a dih ding a si. Vawlei cung ram kip ah a ummi kan Chin miphun hna nih nan sian tawk cio bawmhnak nan rak peknak lai zanhfah kan in nawl hna. Bawmhnak a pe ciami nan cung ah kan i lawm tuk.

Malaysia ah bawmhnak pek na duh ahcun CYO upa a simi a tang lei sinah pehtleihnak tuah khawh a si. President: Salai Tial Thang (0169838147), Secretary: Salai Sang Ceu Lian (01124272191), Ngunkeng: Hanah Sui (01161811950), Media le Info: Andrew Tum Tling (0105697881), Pu Thawng Hlau (0179371884) Puchong. Ramthumnak a ummi caah a tang lei link ahhin bawmhnak pek khawh a si.

Pu Ling Naing hi 2010 ah Malaysia Kuala Lumpur a phan i a luan cia 2018 hrawng in dam lo in a rak um i siikhan ah a rak piah i sii dinding an rak pek caan ah a dam deuh i rian a tuan chih tawn i a donghnak bik thla hram thawk ah siizung nih tha tein an zoh tik ah ah akal (kidney) lung pa 7 an hmuh.

doctor te nih an chimnak ah cun akal pa 2 keh le orh in Oparation tuah hauh caah a tlawmbik ah hi Oparation tuahnak ah RM 10,000 na dih lai an ti. A hnu bik Aug thla ni 6 hlan ah nai tuah lo ah cun kan in tuah kho ti lai lo e an ti. Oparation tuah lo ah cun a dam kho ding a si ti lo. Cu phaisa RM10,000 cu Malaysia dir hmun in lak nak ding a um ti lo. A mah hi ramdang ah chungkhat a ngei lo i Malaysia zong ah chungkhat bawmkho tu an um lo caah a tu bantuk in a lungre theih a van santuk le dam a duh ve caah CRO sinah bawmh hal nak ca a rak tial hnu ah CRO nih Mipi nan sinah bawmh halnak kan rak tuah piak hi a si. Dawtmi miphun hawi hna kan hawidawt Pu Ling Neig a damkhawh thannak caah voikhat na lak phak ti dinnak te i sum in na kut na samh piak ve nak lai Bawikhrih min in kan in sawm.