Pu Ling Naing Gofundme Tuah Piakmi Cu Dollar 79 Te Lawng Ai Duh Cang, Minung Pakhat Nih Zuanhnawh Ahcun

Chin News

Pu Ling Naing Gofundme Tuah Piakmi Cu Dollar 79 Te Lawng Ai Duh Cang, Minung Pakhat Nih Zuanhnawh Ahcun
=======================

Pu Ling Naing hi 2010 ah Malaysia Kuala Lumpur a phan i a luan cia 2018 hrawng in dam lo in a rak um i siikhan ah a rak piah i sii dinding an rak pek caan ah a dam deuh i rian a tuan chih tawn i a donghnak bik thla hram thawk ah siizung nih tha tein an zoh tik ah ah akal (kidney) lung pa 7 an hmuh.

doctor te nih an chimnak ah cun akal pa 2 keh le orh in Oparation tuah hauh caah a tlawmbik ah hi Oparation tuahnak ah RM 10,000 na dih lai an ti. A hnu bik Aug thla ni 6 hlan ah nai tuah lo ah cun kan in tuah kho ti lai lo e an ti. Oparation tuah lo ah cun a dam kho ding a si ti lo. Cu phaisa RM10,000 cu Malaysia dir hmun in lak nak ding a um ti lo. A mah hi ramdang ah chungkhat a ngei lo i Malaysia zong ah chungkhat bawmkho tu an um lo caah a tu bantuk in a lungre theih a van santuk le dam a duh ve caah CRO sinah bawmh hal nak ca a rak tial hnu ah CRO nih Mipi nan sinah bawmh halnak kan rak tuah piak hi a si. Dawtmi miphun hawi hna kan hawidawt Pu Ling Neig a damkhawh thannak caah voikhat na lak phak ti dinnak te i sum in na kut na samh piak ve nak lai Bawikhrih min in kan in sawm. Atanglei hmanthlak ning ahcun Gofundme an itimh piakmi hi US Dollar 3000 a si nain 2921 bak te hlutu an um cang caah hnangam ngai a si cang.

Malaysia ah Chinpa damlo zualhma rianrang in bawmh a herh; Malaysia ah ralzam dirhmun in a ummi Pu Ling Neig (kum 44) cu a kal (kidney) pahnih ning in lung 7 a um caah a rannak in sizung ah operation tuah hau dirhmun a si. Ampang sizung ah voikhat an kal cang nain operation tuahnak ding tangka an ngeih lo ruang ah sizung in an chuah chung. Sibawi te nih an chimnak ahcun a kal (kidney) pahnih in operation tuah a herh caah a tlawmbik RM10,000 hrawng a dih lai tiah an chim.

Cu kong he pehtlaih in Malaysia ah mizaw zualhma harsatnak a tong mi a bawmtu a simi Chin Youth Organization Malaysia (CYOM) sinah Pu Ling Neig nih bawmhnak a rak kan hal. CYOM nih kut cung ah ngeih mi kan ngeih lo caah Malaysia ah a ummi kan Chin miphun hna le vawlei cung ramkip ah a ummi kan Chin miphun hna sinah bawmh kan rak hal piak.

COVID-19 ruang ah Malaysia cu March 18,2020 khan cozah nih thla thum chung ti awk lockdown an tuah i riantuan lo harsa tuk cio kan si hna. Cu lio ah hi bantuk damlonak zualhma sizung ah operation a van i tuah ding a si caah hin lungrethei taktak in chungkhar an um lio a si. Pu Ling Neig hi operation tuah zau lo ahcun a nunnak caah tih nung dir hmun a si cang. A tu ahhin a zun a zung kho lo. Tangka ngeih lo ruangah inn ah zohkhenh in ihkhun chung ah nganfah a tuar.

Malaysia ah a ummi kan miphun hna le vawlei cung ah a ummi kan miphun hna nih dawtnak le zangfahnak he nan rak bawmh cionak lai zangfah kan in nawl hna. Pu Ling Neig hi kum 2010 ah khan Malaysia a rak phan. Nupi le fa pathum a ngei mi a si i a nupi le fale pathum cu an khua Laitlang ah an um. Kanpetlet Longdong khuami an si. Pu Ling Neig bawmh a duh tu nih a tang lei CYO Malaysia upa sinah pehtlaihnak tuah khawh a si. President: Pu Tial Thang (0169838147), Secretary: Salai Sang Ceu Lian (01124272191), Ngunkeng: Hanah Sui: (01161811950), Media le Info: Andrew Tum Tling (0105697881).

Chin Youth Organization Malaysia Facebook page zong ah cakuat in chawnh khawh kan si. Bank zong in tangka kuat khawk kan si i Westren Union bank zong in tangka kuat khawh kan si. CYOM upa dang sin zong in pehtlaihnak tuah khawh a si. Malaysia ah a ummi kan miphun hna le vawlei cung ramkip ah a ummi kan miphun hna kan unau a simi Pu Ling Neig a nunnak chanchuah nak ding caah na ti khawh tawk tein na kut rak samh ve ding in Bawi Khrih min in zangfah kan in nawl hna. Chin Youth Organization Malaysia.

Leave a Reply