Rampi Le Chinmi Khamh Awk Ah JOSEPH Bantuk in Pahian Nih VP HENRY VAN THIO A Vun Hman

Chin News

Ram Pumpi le Chin Unau khamh awk ah JOSEPH bantuk in Pathian nih VP HENRY VAN THIO a van hman. Joseph cu a U Nau caah le Egypt ram pumpi khamh awk ah Pharaoh nih a mah changtu ah a chiah.A U nau dihlak harnak le temtuarnak in a khamh hna pin ah, Egypt ram pumpi mangtam zong in a khamh hna. Joseph nih kum 30 in Prime Minister a tuan i, kum 110 a thih tiang Uktu Bawi a tuan. Uktu bawi a tuan chung a miphun mit hmai an hmu, Joseph a thih hnu cun Egypt miphun nih an nih sawh hna i, sal ah an tuah hna.

Image may contain: 7 people, people standing

Chin mi cu kawl mi nih an kan nehsawh i, an kan hrem. temtuarnak fakpi kan tong. Kan temtuarnak in Mitthli he thla kan camnak kha, Bawipa nih a kan theihpiak i, Pharaoh nih Joseph amah changtu ah a chiah bantuk in Daw Aung San Suh Kyi nih VP Henry Van Thio cu amah changtu ah a chiah i nawlngeihnak zong tampi a pek, VP Henry thawng in, Kawlram chung um Chin mi le Khrihfa biaknak vialte freedom taktak in kan tlawngleng kho ve cang.

Government Office le kan kalnak hmun kip ah Siangpahrang Family bantuk in mit hmai tha kan hmu i, riantuan tha zong a nuamtuk cang. Chin mi kan U nau mah le inn le lo umkal bantuk in, Ram thum nak in kan duh poh in za long tein kan ram ah kan um kal kho cang. Kum 4 chung te hmanh ah hin Lairam cu tlonlen le khualtlawn a nuam tuk cang. Mi sa kel kan lo ve cang i, kan duhduh in chimrel khawhnak zong kan hung ngei kho ve cang.

A mui mi Lairam cu a hung ceu ve cang i, Chin kan Unau hna he ngeih niam te le kutsih lungrual tein kan tlongleng kho ve cang. Kan Miphun luatnak caah Bawipa nih Joseph bantuk in a kan thlah piak mi VP Henry Van Thio thawngin a nuam kan ti lio le tlonlen kan cim hlan ah, Zei ruang ah hme VP Henry doh dalnak le tlak nak thawngpang lawng te mei khu bang a hung zam? Hnu lei kir i, hraam ai than cu kan duh hrimhrim ti lo ee.

Joseph nih Egypt Ram ah Kum 80 a dirpi hna caan chung vial te, A miphun nih mithmai an hmuh i miphun dang nih an tih zah hna bantuk in, VP Henry nih Kum 4 a kan dirpi caan chung ah zeitluk in dah Kawl miphun hmai ah mithmai kan hmuh i kan za a lon ve. Miphun dang nih an kan upat i zei tluk in dah kan ni nuamh ve. Joseph Kum 80 chung Uktu a tuan chung ah a miphun nih doh nemman cu chim hlah, A miphun mit hmai a hngal ter tu asi kha an philh loh i, an dirpi peng.

Kan miphun Chin mi nih teh VP HENRY Uktu hung si rih ko. saupi kan dirpi rih ko. Kan miphun kan temtuarnak caan a sautuk cang Kan Lai mi ca hrimhrim ah caan saupi Uktu hung si rih ko tiah JOSEPH an ti bantuk in, kan ti kho ve hnga maw? Kan miphun nih miphun dang hna hmai ah, kan nii a tlaan zungzal ve nak lai, Lungrual tein thla kan cam i. VP Henry dirpi kan herh ko ti hi, mipi nan sin ah teidornak thinlung he ka langhter duh mi asi. Dr. Peter Ngun Za Cung

Leave a Reply