Thantlang CNLD Party EC Members Minung 55 Chung Ah CNP Party Ah 52 An Lut. CNLD Party Ah Minung 3 Lawng An Tang.

Chin News

Thantlang CNLD Party EC Members Minung 55 chung ah CNP Party ah 52 an i tel. CNLD Party ah Minung 3 lawng an tang. Thantlang peng CNLD Party ah lug hmuhthia lonak ruang ah Phu Party 2 ah an i tthen hnu ah EC minung 55 chung CNP Party ah minung 52 an lut i CNLD Party ah miug 3 lawng an um tiah theih a si. Cucu CNP Party Chairman a si mi Pu Lal Maung Cung ah Lunglawmhnak tiah a facebook ah a ttial mi ah a langhter. Cucu a tanglei ah a cattialning tein kan langhter chih.

Chin Party (CNLD) Hmatpungṭin Ngah Zo - Free Chinland

Lunglawmhnak: Tutan Thantlangpeng Chin miphun party nih kan ton mi ngaihchiat nak le lungretheih nak kongah chun he zan he in khat tein a kan hnemtu dawtu miphun hawidawt ramchung ramleng miphun party dawtu vialte le Thantlangpeng miphun party chungtel vialte nan dihlak cungah kan i lawm tuk Bawipa tu nih nan kan dawt nak le nan kan hnemh nak cungah a letza in Thluachuah thar he lam in hruai ko hna seh. Kan i lawm tuk hringhran.

Tutan kan ton mihi hmailei kan miphun hruainak caah cawnpiak tu sisehlaw daihter i zuam cang hna u sih. Thantlangpeng Chin Miphun Party zong lungrual tein Chin National Party (CNP) in kan dir cang i (23.7.2020 ) ni ah zung zong kan on cang lai, zungon nak nawl zong pek kan si cang. Thantlang kan party EC (55) chungah minung pa (3) lawng party dangah a lut mi an si, chungtel zong party dang ah ai thial mi an um lo.

Cu caah khuate lei miphun party chungtel vialte zong lungkhat tein Chin Miphun Party (CNP) ah kutsik in dirti usih law miphun caah lungrual tein miphun rian tuan rih ko hna u sih tiah miphun min in upat nak he kan sawm kan nawl ko hna. Nan dihlak cungah kan i lawm tuk hringhran. Lal Maung Cung Chairman Chin National Party (CNP) Thantlangpeng

Leave a Reply