Vice president Pu Henry Van Thio Nih A Kan Chimhmi Bia

Chin News

Myanmar Vice President Henry Van Thio cu Surbung vanlawng tumnak a zohfel hnu ah Hakha lei a lan. Thantlang in Lungler le Dawn tiang a tlawng lai tiah kan theih. Hakha NLD tonpumhnak ah a tlanglei bantuk in Party nih an langter: NLD Nih Teinak Kan Hmuh Hrimhrim: Kan ram ah tuanbia thar tialtu cu NLD a si. Vice president Pu Henry Van Thio nih a kan chimhmi bia chung in a biapi (3) hna cu a tawi nak in –

Image may contain: 3 people, people standing and indoor

1. Kum 2017-18 chungah ramchung chuak facang ramleng zuar khawhmi hi 3.58 matrix tons a si. Kan ram tuanbia a um bal lomi a si. 2. 2018-19 ah Vawlei cungah khualtlawng tlungkal a tam bik cu Myanmar 40.2 percent, USA 39.2 percent a si. Mah bantuk dirhmun cu kan phak bal lomi a si. 3. Ti chung chuak in hmuhmi 1136.8 Billions man Ramdang ah kan zuar khawh. NLD chan lawng lawng ah tuah khawhmi a si.

NLD nih Tihnak Chungin Zalonnak a Ser: A hlan ah duh paoh in bia kan rak chim ngam lo nain a tu ahcun duh paoh in bia kan chim ngam cang. President zong kan soi ngam i lih kan puh ngam. A hlan ah hodah zalong te in bia chim ngam. NLD cozah si hnu in kan ram ah zalonnak a um. Eihmurnak zong kan doh i Union minister 2 le Chief Minister 4 zapi fonh 6 rian in kan phuah hna. Kan ram ah eihmurnak a ummi cu tazacuai hna uh a dik takmi si ahcun dantat an si ko lai.

Image may contain: 1 person, standing and indoor

Myanmar Leiba: Vawlei cung ah a thangcho bik ah kan ruahmi USA hi 2000 Trillions leiba a ngei. Kan nih Myanmar cu 10 Billions lawng a si. Cu hmanh ah USDP chan lio leiba 13 Billions kan cham i 7.4 Billions hi kan cawimi a si. USDP chan ah 5 Billions lawng a cham 11 Billions hi leiba an kan ruah ta mi a si. 2013 UNDP ca chuah ning Chin ram misifak 74% a si nain atu ahcun 58% a si caah Chinram sifahnak 16% a tum deuh.

Federal Pennak: The 3rd Union Peace Conference 21st Panglung ah ASSK nih federal principles (5) a chimmi cu Tlangcungmi siseh ram chungmi vialte nih kan duhmi a tling dih. The 4th Union Peace Conference 21st Panglung ah biachah nak tuakmi cu Union Acord ah fehter a si cang. A tangmi cu a tak in tuan lawng a tang. Miphun Covo Tlukrualnak: Miphun covo tlukrual Committee ser a si cang. Chin miphun aiawh in U Tin Min zong a tel. 2020 Election-Vote NLD

2020 election cu Chin miphun dihlak nih NLD ah vote ko hna u sih. Kan ram uknak phung (System) thlennak caah NLD vote hna u sih! Kan ram ah daihnak Remnak Mahte khuakhan lairelnak Zalonnak Thanchonak Miphun covo tluk rualnak caah NLD ah vote hna usih! Vice President Pu Henry Van Thio cu Pathian nih thlachuahnak pe ko selaw Chin miphun Thanchonak caah hmang chin ko seh! source: NLD Hakha

Leave a Reply