2020 Kawlram Pumpi Thimnak Ah Rawn Party Nih Chinram Ah Teinak Hmunthan Hna Sehlaw Chin Miphun Kan I Lawm Kho Ti Hnga Maw?

Hmuhning

2020 Kawlram Pumpi Thimnak Ah Rawn Party Nih Chinram Ah Teinak Hmunthan Hna Sehlaw Chin Miphun Kan I Lawm Kho Ti Hnga Maw?

2020 Kawl ram pumpi thimnak ah Rawn party nih Chin ram ah teinak hmuthan hna sehlaw Chin miphun kan i lawm kho ti hnga maw ti ka ruat ngai. 2025 thimnak a um than tik cu Chin ram ah NLD le USDP party cu an um awk zong a si tiin ka ruat lo. 2010 -2015 ah USDP nih Lam cawh le bawmhnak kong an thli vorh in an kan lem. USDP Party um Chin nu le Chin pa nih Chin miphun covo kong le nam neh kan tonnak kong an chim el maw? A kar lak ah an mah hmanh namneh an ton an i thei ko lai nain an chim lai lo.

2015-2020 ah NLD nih teinak an hmuh i voikhat cu kan lawmhpi cio ko hna. Thlen caan a si an ti i a thlengmi tak hmuh awk a um lo ti thiam a si. Thanchonak rian an tuan mi cu a um ve sawk. Lam le sul hi mizei cozah an kai zong ah an tuan ding an rian a si. Chin miphun kan tuar bik caan hi NLD chan ah a si bik. Ralzam kan tambik lio caan a si. Phunghram kan remh lai an ti dehkhat zong an remh kho lo. Nai tan ah Pi Suh nih NCA lam lawng hi phunghram remh khawhnak lam a si a fiang ve.

2020-2025 kar ah NCA lam in 2008 phunghram remh siseh law Chin miphun party nih teinak kan hmuh lo ah cun Chin kong a ho dah chim lai. NLD le USDP um Chin pawl cu an pu le mithmai an zoh hoi hna lai i zeibia hmanh an chim ngam lai lo, phuah an tih lai. Miphun pakhat le State pakhat a si ve ko mi Chin miohun NLD hna cu NLD Central committe ah pakhat hmanh telh an si rua lo. Cu zong cu miphun nehsawh a si. Paletwa peng Ral zam hna kong le Biaknak zalonnak kan ngeih lonak le miphun namneh kan tonnak kong hna raltha takin a kan chim piak tu ding ah Chin miphun nih cun CNLD lawng V0te pe cio ko uh law tiah kan forh duh ngai hna. Credit: Biak Cung

Leave a Reply