Tulio ah a tlizam lomi cheukhat nih Lairam kan zamtak lailo” timi hla isak in a tlizammi hna kha khuaram dawt lo, ralchiat” phun dedeng in hmuh le chimrel kha capo zongin hrial hna usih. Cun a tlizammi zong nih tantakmi kan unau pawl an thlakaam ding le ningtih ding kha zawnruah thiampiak cikcek hna usih.

Asi khawh ahcun tlikzam lo khawh kha kan duh bikmi cu a si ko. Khua ah a taangmi hna cungah kan ilawm tuk. Asinain Kawl rallokap sahngar ttih ruangah khua chuahtak in himnak a kawlmi kha khua dawtlo le ralchiat puh hna hlah usih.

Khua le sang zamtak loin mipi nih hriamnam loin kan hngah i kan runven khawhmi a um pah kho men. Nain atulio ahcun CNF le CDF dah tilo nihcun, kanmah tein rallokap le sahngar-ar irunven ding cu a fawi lo tampi a um lem lo.
Cucaah “nan zamtakmi khua/sang le nan inn-lo vialte kan rak in humhim piak dih hna” ti awk a um lem tuk lo. Cucaah a tlizammi le khua ah a taangmi karlak ah cupi-khate iti le imawhchiat awk a um ding a si lo a um tinak zong cu a silo fawh.Itheithiam cikcek ko hna usih tii zut loin mipi ifuntom a herh bik lio can a si.

Thawngdang Ralhrangbu election commission nih ramkhel party pawl ngeihchiah chek dingin a timh bantukin NLD party chek ding cu nizan september 13 ah NLD party headquarters ah an pek hnuah Daw Aung San Suu Kyi sin ah pek a si.

Daw Aung San Suu Kyi nih UEC theihternak cu party central committee min in kuat mi a si caah party keimah pakhat lawng nih biachahnak ngei khawh a si lo. CEC nih kan ceih a hau mi a si tiin a cohlan duh lo tiah theih a si.

Hi kong he pehtlaihin Daw Aung San Suu Kyi sihni pakhat nih ‘UEC ca hi tuchun ah pek a si nain CEC sin ah kuat mi a si i, kan party thithruai ningin CEC nih ceih a hau mi a si caah ka cohlan kho lo tiah a chim.

NLD party central committee nihcun ralhrangbu hi phungning tein a kai mi cozah a si lo caah ralhrangbu nih a ser mi UEC thiltuah hi kan cohlan kho lo tiah media ah an chim.

UEC nih ramkhel party hna chawva lutchuak, party chawlehnak le an ngeihchiah vialte kan chek dih lai tiin August 13 ah cathanh an chuah mi a si.

Mah hi UEC nih kum 10 hnuah a voi 1 chek nak ding a si i, CRPH, NUG hna le ramkhel party hna pehtlaihnak, NLD party hrawh khawhnak lam a si tiah ramkhel kong zohfeltu hna nih an chim the chin post.