Council ralkap pawl nih Taal khua ah Khrihfa biaknak serhsatnak he biakinn an thurhhnawmhnak kong ah Falam Christian Ministers Fellowship nih cathanh an chuah

Council Ralkap pawl nih Falam peng Taal khua Khrihfa Biakinn chung ah ningcang lo in umhmun an khuarnak, Khrihfa kan Bible le hla cauk an hlonhnak, biakinn an thurhhnawmhnak he pehtlai in Falam Christian Ministers Fellowship nih August 19 ah cathanh an chuah.

Kan biakinn thiang serhsatnak he nan thurhhnawmh mi le a thianghlim mi biaknak inn pawl raalkap nih nan hman mi nih hin, hmailei ah ramkheel buainak nakin a ngan deuh mi biaknak buainak a chuahpi khawh, ti in cathanh ah an langhter.A thianghlim mi kan biakinn limhaang thurhhnawh a tonnak kong ah thlacamnak zong kan tuah lai, ti zong cathanh ah an langhter the hakha post.

Thawngdang Thapawng peng ah Oxygen sehzung saknak caah ralhrang nih khuakomh pakhat ah sing 15 cio an hal hna Irrawaddy ramthen,Thapawng peng ah nawlngeihnak hramhram latu ralhrang hna nih Oxygen sehinn saknak caah khuakomh pakhat ah sing 15 cio an hal hna.

Vuanthok nih khuakomh cio i khuabawi hna he meeting an tuah i khuakomh pakhat ah sing 15 cio an hal hna hi a si tiah khuakomh khuabawi hna nih an chim.

Khuakomh khuabawi hna nih cun mah thangkaa hmuhnak ding ah lung 2,lung 3 daih hna le phaisa in lentecelhnak hmun hna kan hal hna tiah Thapawng peng pakhat nih a chim.

Khuabawi hna nih a kan fial chin mi a si .A cheukhat khuaomh hna cu khuakhat ah thong 50 in tong 60 cio an i then hna.Thapawng peng ummi ngandamnak lei bu hna zong ralhrang nih hramhram uknak a lak hnu in Covid first wave le second wave lio ah khan ngandamnak lei kan runveng kho ti lo tiah a chim.

Khuakomh 70 hrawng um mi ThaPawng peng ahhin a luancia ni zei maw hrawng ah khan Covid -19 zawtnak in a zaw mi minung 8 an um i minung 2 an nunnak a liam tiah ralhrang kuttang ngandamnak lei riantuan tu bu nih August 17 zaanlei ah an thanh the chin post.