Tanintharyi ramtthen, Yiphyo peng chungah ummi Mawrawaddy timi ti lei ralkap (Mawrawadi Naval Base Headquarters) in ralkap pa 7 an zaam tiah hi a zaammi hna luatnak ding in bawmhnak petu pakhat nih a cim, an nih hi Marawadi ti lei ralkap tang, Maung Ma Kann Boke tikulh ah duty ciahmi an si.

A luan ciami September ni 15, kum 2021 ah khan an umnak hmun le ralkap sinak chuahtaak in an zaam hnu ah tu ah cun him le bawm tein an himnak hmun an phan cang. Uniform an i hruk lo, hriamnaam zong an i ken lo, mi sawsawh bantuk tein an rak zaam tiah an himnak ding hmun an phanh tiang bawmhnak petu pakhat nih cun a chim chap.

Tanintharyi ramtthen, Dawei district chung in Min Aung Hlaing le ralhraang pawl nih uknak an laak hnu ah ralhraang sinak chuahtaak in a zaammi ralkap 50 leng an um cang. Mawrawady ti lei ralkap in hin a phu phu in a zaammi ralkap 20 in 30 tiang an um cang i mah hna lak ah range sang pakhat zong aa tel ve.

Thawngdang Ral kan i sakhan ti bantuk kan lak ram tang ti bantuk ah kan i tuk hnu tuk ko hnu ah, hriam an chiah i CDM phun in nan cohlan hna ah cun kei cu Ral kai tu ti lai lo.Ka nau le zong an hna tla Ka nau le zong tha tein ka chimh cang hna.An nih vial nih an kan tlaih sawh sawh ko zong ah kan nunnak an lak. Tu ni tiang ah thi sen tampi a chuak cang nunnak tampi an pek cang.

Thin phang thla lau in heh ti ah thing tang le ramt ang ruah pi le cangvat lak ah har kan tuar ve. Cu hnu ah fawituk in CDM ah nan cohlan hna i a himnak le ram tha ah nan chiah hna an paw nan cawm ko ding hna ah cun Kan nih cu raltu ti loin daihnak in kan kal um lawlaw hi kan duh deuh ko cang Salai Phuntanh.

“NUG ai-awhtu nih UN Palai hmunhma hmuh khawh ding ruahchannak cu a um. Cun, UN ah Myanmar Palai hmunhma hi ahohmanh pe loin lanhtak khawh zong a si thiam ve. Ramchung ah a um lo mi cozah hna kha UN ah hmunhma an rak pek mi hna tuanbia ah a um bal ko.

A luancia 1990 kum ah Haiti (Country in the Caribbean) le Sierra Leone (Country in West Africa) ram ah hi bantuk in ramleng phan cozah pawl UN ah hmunhma an rak pek bal hna. Cun Palai a thimtu committee nih Palai thimnak kong ah biakhiahnak tuah thai loin an rak lantak mi zong a um. Cambodia le Afghanistan ram hna zong an rak lanhtak bal,” tiah Christina Finks nih a chim.

UN Palai thim ningcang kong ah, “Palai thim ding a zohfeltu Credential Committee an um i an mah nih biakhiahnak an tuah. Cun hi committee nih bia a khiah mi kha cohlan ding le hnon ding kong cu UN General Assembly ah biakhiahnak tuah than a si. Cucaah Palai thimnak ah hin dot hnih in a um tiah chim khawh a si,” tiah a chimchap.

Hi UN Palai thimnak kong he pehtlai in International Law ah fianghlang tein langhter mi a um maw, ti mi kong ah, “Fianghlang tein tial mi cu a um lo. Asinain atak ah an hman mi cu a um. Cozah pakhat nih ram kha a uk khawh asiloah khua pakhat kha ahmun ah um in a uk khawh ahcun Credential Committee le UN Assembly zong ah UN Palai ah cohlan a si tawn.

Hihi ca ah an tial lo nain tahfung pakhat a si. Aruang cu ramkip cozah hna nih vawlei cung ram vialte remdaihnak um seh ti an duh caah a si. Asinain, ram le khua an uk khawh zong ah uknak hramhram in a lak hnu ah cozah a si mi cu UN nih an rak cohlan lo mi tuanbia ah a um ve,” tiah a chim.

September 14 UN tonpumhnak ah Myanmar ai-awhtu thimnak hi phun thum in aphi a chuak kho. NUG thim mi kha an cohlan khawh, asiloah SAC thim mi kha an cohlan khawh, cun ahohmanh kha thim loin lanhtak khawh zong a si thiam. A si kho bik mi cu ahohmanh thim loin lanhtak khawh a si, tiah Christina Finks nih a hmuhning a chim.THT