Tuipuiral Ah A Ummi Ralzaam Hna Bawmhnak Pek An Si Kan ramchung i kahdohnak ruangah Mizoram, Tuipuiral area chungah a rak zaam mi ralzaam hna caah umnak, ei din le innsak nak caah an herhbau mi zong a si khawh chungin bawmh peng an si.

Ralzaam hna umnak caah Zawlsei khua ah umhmun an sak mi cu an dih deng cang i,atu hi minung 90 chiah an si cang i, Farkawn le Vaphai ah sak cuahmah lio a si.Vaphai ralzaam hmun sak lio cu nihin khan Biate khua YMA minung 70 leng nih tlangrian tuan in mau pum 2000 leng an pek hna.

Vaphai ah sak lio mi ralzaam umhmun caah Catholic sister bu pakhat MSHC hna zong nih inncung caah camphio budle 20 le tii chiah nak caah tiipung an bawmh hna pin ah Mission for Christ nih khiangthawng le tangka tamngai a bawmh ve hna tiah theih a si.Atu ah Champhai district chung Tuipuiral area chungah ralzaam a um lio mi hi 1,300 an si.

Tahwngdang Pathein ah ralhrang anmah le anmah an i kap Ayeyerwaddy ramthen,Pathein ah July 23 zan ah ralhrang rallokap bia an i al i anmah le anmah an i kap tiah theih a si.Zan suimilam 10 hrawngah umhmun an khuarnak ah pakhat le pakhat bia i al nak a chuak i meithal in i kahthah nak a chuak,khuami tu nih cun meithal thawng voihnih lawng an theih.

Thawngdang Kawlram Covid Mizaw bawmhnak Petu Volunteer phu Harnak an tong Covid a voithumnak tong in Kawlram chung mizaw hna caah Oxygen bau in nunnak a liammi ha ruak a ran deuh nak in khanghnak kong ah Volunteer mibawm tu pawl harnak an tong.

Covid in a dam lo mi hna caah Oxygen za lak in ngah nak ding caah tha a der ngai tiah Volunteer tuan mi hna nih an chim.Vlounteer mibawm tu tam bik an um nak Yangon ram then chung hmanh ah Oxygen zalak in ngah nak a har caah ,khua dang ah kal in Oxygen kan va rawn.

Atu Covid -19 a voithumnak kan ton ahhin Siizung hmanh ah Oxygen bu i khuh bu te he artlang dir in cu tiang dir hman cu kan caan phanh ah zawtnak runvennak caah a har ngai ngai.Tu kan dir hmun zong ah hin Oxygen za lak in a um lo caah kanmah kan um hrim ah hin cun nikhat ah nunnak liam mi hi 70 le 80 kar hi kan thiar. Inn ah an ruak a thut lo nak ding caah a si khawh chung bawmg kan i zuam hna .

Tu dir hmun ah hin Volunteer hna i bawm in mizaw caah oxygen herh mi kan tawlrel piak hna.Hmanhseh Yangon ramthen chung ah hin nifatin a thi mi 1000 hrawng an si tiah Volunteer riantuan tu hna nih an chim.Cu chung ahcun Covid lunghrinh mi hna hi Oxygen chambau ruang ah a nunnak a liam mi an tam tiah mi bawmchantu phu nih an chim.

Nikhat ah ruak hi a tamtuk caah mawtaw pakhat ah fonh in phorh a si .Cu kong he pehtlai in zeitin dah rian kan tuan lai tiah Volunteer pakhat nih a chim nak ahcun miruak hi nikhat hnu nikhat a tam chin lengmang caah thlanhmun kan phak bak hin khangh colh ding tha lo.Ruak phor mawtaw hi artlang in an dir cio.Thlanhmun phanh hnu hmanh ah suimilam 1/2 chung hngah a si.

Thlanhmun ah aa tlang in kan dir i cu hnu ah ruak cu kan khangh.Cu harnak cu kan tei khawh nak ding ah ruak khangh nak seh nih a tei ti lo.Thlanhmun a lawn nak ah hin khor thuk piin cawh in i pum sehlaw zawtnak zong hi a karh lo deuh hnga tiah Volunteer pakhat nih a chim.

Nikhat hnu nikhat in Covid zawtnak hi a karh chin lengmang.Ngandamnak zung le zaanglek zung nih nithum ni an langhter ning in cun zawtnak ngei mi 246000 leng a si i a thi mi 5800 leng an si cang.Zawtnak chawnhmi le a thi mi hna hi hi nak hin an tam deuh kho tiah ngamdamnak lei riantuantu le Volunteer chung tel hna nih an chim the chin post.