Kalay-Kangaw Lam Ah Ralhrang Le PDF An I Kap,Oxygen Phor Mawtaw An I Hreng Sagaing ramthen,Kalaymyo ah a kalmi mawtaw lam hmunhnih ah nihin July 11 zinglei thawk in ralhrang le PDF i kahnak a chuah caah Kalaymyo in Oxygen phor mawtaw hna cu pungtawng.

pungngian lei ah an i hreng tiah theih a si.I kahnak a chuahnak hmun hi Sagaing ramthen,Pale-Inlay lamcung le Pungtawng-pungngian pawng ah a si i,ralhrang lei in 20 leng an thi cang the chin post.

Thawngdang Ralhrang Nih Leng Chuah Khawhnak Card Cu Pakhat Ah MMK 500 In An Zuar Stay at Home an thanhmi Myangmya (မြောင်းမြမြို့) khua ah inn in leng chuah khawhnak card cu pakhat ah MMK 500 in an zuar tiah khuami nih an chim.Hi leng chuah khawhnak card lo cun ahohmanh leng nan chuak kho lo, nan chuah ahcun fak piin dan kan in tat hna lai tiah ralhrang nih cun an ti hna.

“Inn khat ah card pakhat lawng an kan pek. Zanga an kan hal. Asinain tangka tam deuh pek ahcun card zong an kan pek chap ko” tiah khuami pakhat nih a chim.NLD cozah chan ah Stay at Home an thanhmi khua/hmun ah leng chuah khawhnak card hi an rak tuah ve nain tangka in an zuar lo. A lak in pek an rak si the chin post.

Thawngdang Vaurawng Campaign tuahnak ah Dr.Sasa zong aa tel kho ve. Dr.Sasa nih bia tampi a chim. Mah a chimmi chungah uar a um tukmi bia pakhat achim. Cu cu zeidah asi tiah cun, Keimah ah hin zeihmanh a um ti lo, tuah khawhmi pakhat hmanh ka ngei ti lo. Nain, ka tuahmi thil vialte hna hi ka chungah a ummi Jesuh Khrih thawng lawnglawng asi.

Vawleicung ram US, Japan, France, Germany le a dangdang hmaiah bia ka chim khawhmi hna hi ka chungah a ummi Khrih thawng lawngte asi ko. Cu caah ka miphun Chinmi hna, zaangfah nawl kan duhmi hna cu, nikhat ah minutes 2 te hi keimah caah thlacamnak caan ah ka hman piak ko u. Nihin tiang ka kal khawhnak zong hi nanmah thlacamnak thawng asi caah thlacamnak in ka philh hrim hrim hlah u tiah a ti. Crd-Dr.Sasa

Myanmar Ah NUG Cozah Lawng A Um, NUG Lawng Hi Kan Bawmh Lai: Japan Hlutdaw Palai Hna. Myanmar ah 2020 thimnak kha vawleipi nih a cohlanmi a si bantukin Myanmar ram ah NUG cozah lawng a um, cozah dang an um lo tiah Japan Lower House (House of Representatives)palai, Myanmar-Japan Hlutdaw Palai Hna Hawikomhnak Bu Chairman le Myanmar Democracy tha a petu hlutdaw palai hna bu Vice Chairman a simi Mr. Ichiro Aisawa nih a chim.

July 6, 2021 i NUG Cozah Union Minister hna le Japan hlutdaw palai hna online tonnak ah a cunglei bantukin Mr. Ichiro Aisawa nih a chimmi a si. Cu lawng si loin 2020 thimnak ah a dik lomi a um tiin ralkap nih nawlngeihnak an lakmi cu cohlan khawh a si lo, November, 2020 thimnak cu a dik a hmaanmi i vawleipi nih a cohlanmi a si, thimnak i teinak a hmumi palai hna le tlangcungmi hruaitu hna fonh in dirhmi NUG cozah hi kan zumh i Myanmar ram ah cozah dang hrimhrim an um ti lo, tiah Mr. Ichiro Aisawa nih cun a chim chap.

Tutan tonnak ah Japan hlutdaw palai hna nih ralkap nih nawlngeihnak an lakmi cu an cohlan khawh hrimhrim lonak le Myanmar ram nih democracy tling a hmuh khawhnak dingah NUG cozah he naihniam tein riantuan an i timhnak kong an chim cio.

Tonnak ah Lower House palai Mr. Ichiro Aisawa (Japan-Myanmar Hlutdaw palai hna bu Chairman), Upper House palai Mr. Michihiro Ishibashi (Myanmar democracy thapetu hlutdaw palai hna bu chungtuan), Mr. Yutaka Nagasugi (Japan-Myanmar Friendship Association Vice Chairman, MYANMAR JAPON CO.,LTD CEO) le Mr. Toshio Tanabe (Journalist) hna an i tel. NUG lei in International Cooperation Vuanci Dr. Sasa le midang hna an i tel tiah theih a si laknak daily chin star news. Khit Thit Media, TCP