Nizan Demoso khua i kah doh nak ah, PDF lei in pakhat a nun nak a liam i pahnih hliamhma an ing.

Hmuhning

Nizan June 11 ni chunhnu nazi 2 pm hrawng ah uico rallokap pawl le mipi kilvengtu Demoso ဒီးမော့ဆို khuami PDF karlak ah kah doh nak a rak um i PDF lei in pakhat a nun nak a liam i pahnih hi fakngai in an i khawng tiah Demoso PDF lei in thawng an rak thenh Bingbir Par.

Thawngdang tete relchap ko uh Sadung Khua Pawng Meng 13 Ah Ralhrang Le KIA An I Kap Nihin June 11 zinglei suimilam 7;00AM ah Kachin ramkulh,Waimaw peng,Sadung khua pawng meng 13 ah ralhrang rallokp cu KIA nih an luhhnawh hna i,i kahnak a chuak tiah.

NBung Dat Kasa Kachin Multimedia nih a langhter.Tuzing suimilam 7:00AM hrawngah i kahnak a chuak,ralhrang thazaang 60 hrawng an si,KIA nih an luhhnawh hna i an kah hna,hliamtuar mi le thimi theih asi rih lo” tiah a tial.

Theitlei dang relchap ko Mizoram Buai Lio I MNF Bantuk Khan Cawlcangh Thiam Kan Herh Mizoram cu 1966 in 1986 tiang kha ,Pu Laldenga nih a dirh mi,MNF/A nih ,Independen an thanh caah India Cozah nih vanlong tiangin a Kah ve hna.Kha Lio ah khan MNF ralkap lutlai deih pawl kha raltuk an thiam,buabalo in ral an rak tu lo i Meithal zuun khat a puah ahcun India ralkap pakhat thi seh ti in ral an rak kap hna.

CM.Pu Zoramthanga a u,Punghaka nih a rak ka chimh mi cu,MNF pawl nih India ralkap pawl Kan rak bawh hna i Kan rak Kah hna ah khan MNF lei hi Kan thi theng bal lo,India ralkap tu hi vaate bu hlawm in Kan rak hlawm lengmang hna,a sullam cu,Kan bawmhnak hna khaan kha a Ttha taktak mi,Kan Kah hna i an Kan Kah ve tik zongah an Kan khen khawhlonak ding hmun deuh in Kan bawh hna.

Cun,miakpi a kengtu a Kaap ding tiangin Kan ithiah i Kan bawh hna i Kan Kah hna ah hin miakpi putu hi Kan Kah khawh lengmang hna caah hriamnam ngan mi an hmang manh Bal lo,a ti.Asinain ramlak lothlam hna i Kan riah i Hnangam te in Kan ih i Kan um lio tibantuk belte ah Kan i ralrin lo karah an Kan kulh i an kan Kah tawn caah hliam a tuar mi le a thi mi Kan rak um ve tawnnak bik cu a si e,a ti.Kha vial ah khan cun Kan fiangtuk Ko lai caah sarman lo Ko Ning awh!siaherhnak he.
Thawngdang relchap Kan theih dih cio cang bantuk in ralhrang phu,rallokap kan ti cang mi hna nih hnuamsam te in kan ralkap cu an veh ciahmah cang hna ti hi a fiang bak mi a si.A tu ah hin ,Falam peng,Hnahthial khua pawngte ah hin rallokap pawl hi an um cang ti a si i,cuka cun kan ralkap pawl an camp cu tikawr hmuam dai kal ceo khi a si.
Zahan ah khan le kan ralkap pawl an lampi a si mi,Sopum khua ah ralhrang 100 tluk thazaang an kal i motor nganpi khat in an thilri a phurh ti a sifawn.A pin deuh Lungler khua ah le ralhrang pawl nih sakhan an ngei i zeimawzat an um cia cang fawn tikah kan ralkap pawl kan ram chung i an chuah vahnak lam vialte cu an kham kanh dih cang hna tikhawh a si cang.

Cucaah,kan ralkap pawl hna,rul bang in zer ulaw hi khawchia ralkap pawl hi kan biak mi,Jehovah bawmhnak thawngin kan ram chung hin dawi dih dingin nan miphun nih kan biakmi,Jehovah Pathian sinah thlacamnak kan in ngeihpiak peng hna hih.Meithal puah kan duh aipet tiin maw buabalo hna khan meithal kha hmet men lai ucih,nan miphun aiawh in kan ralkap nan si bantuk in nanmah rawhnak le lohnak ding a si belte tu ahcun lungfiim te in nan cawlcangh cu a herh ko lai teh aw!

Phaang hrimhrim hlah uh, nan sinah candongh tiang kan umpi hna lai a kan ti tu,Jesuh khrih Thlarau nih an umpi ko hna caah,Israel ram a pawngkam ram 7 nih an rak bawmh i an rak tei khawhlo kha philh hlah uh,an biakmi,Jehovah Pathian sinah thlacamnak he an ral cu an doh caah,Bawipa nih an ral cu a tei piak hna.Cubantuk in hi zumlo tu pawl hi,Philitin mi pa Golotha ,Jehovah a serhsattu kha,Jehovah zumhnak ai bochan mi,Tukhal David nih a lungherh te in bawkthlup a cheih hnu ah a mah,Goliatha nam lila in a hngawng a tanter kho tu kha pei kan ngeih cu.

Gidion le a ralkap minung 300 nih pei,Jehovah Pathian bawmhnak in an ral nganpi an tei ko khaa.”Bawipa kan lei a ttan ahcun a ho nihdah a kan doh khawh lai.!Teinak cu,Bawipa ta a si bantuk in,Bawipa bochan bu in nan ralttha koselaw,teinak hmu ko uh.Amen catial tu saya Tin Duh Thang

Thawngdang relchap ko Laimi Kan Lungput Aherh lioah bia chim kan duh lo, a herh lio caan te thazang chuah kan duh lo. Midang kan hawi kom hna cu kawl ralkap kan teikhawhnak caah media in thazang peknak bia anu he pa he an chim an au. Training an kainak tiang an lanh ter i Kalwram mi mi tampi nih thazang an i lak an thazang thawnnak caah bia an hman.Kanmah laimi cu a thli thuk mipheng ai dupmi kan si hna. Mindat Senthang Hakha an cawlcangnak nih mi thinlung a thawn ter.

Peng le tlang ralchia kan tam tuk. Kawl ralkap hi a tuk cu chim lo a hro hmanh kan ngamh hna lo. Peng le tlang kong min kan chim sual hmanhah an tih an ther. Ai dawh deuh lailo ti phun an i la.Nihin cu pasaltha kan biartung i let ni a si. Ahodah kan tih, a ho ukdah kan duh ti , Naisai lo pasal kan tho ve dingmi a si. Mi ralchia kan si lo, kam lo kan ni ti ve tung.

Peng le tlang ralchia nih zeihmanh a tuah kho lailo. Kanmah le kan khua chungah ra in an duhpoah tuk le hrem uk cu naisai lo hnu ka tawn nemmam lailo.Lungkua thingkua kan um zongah kan ram ca.Nihin kan doh ve hna lo ah zeitik ahdah kan doh ve hna lai. Kan thih hnu ahmaw thlanlung cung long ahmaw kan doh hna lai. USA media hi zoh hnik usih. An Email tiang an phozar piak hna, an phone chung biathli thup an phuan dih Joseph Thawng Za Ting.

Thawngdang relchap ri Nizan June 7 zinglei ah Pakistan ram Sindh Province ah tlanglawng pahnih an inpah nakah mi 30 an thi, mi 50 an i hliam.Tlanglawng a pahmi hi Lahore in Karachi lei ah a kal mi Sir Syed Express le Sargodha in Lahore lei a panh mi Millat Express an si i, Dharkhi pawng ah a pahmi a si. Millat Express tlanglawng cu a let tiah theih a si.

Hliamhma a pu mi pawl hi Ghokti, Dharki, Obaro le Mirpur Mathelo sii-inn ah tlik pi an si, Sii-inn zong emergency thanh colh a si.Ghokti DC Usman Abdullah nih tlanglawng a pahnak ah a thi mi hi 30 nak tlawm lo an si lai, Mi 50 hrawng nih hliamhma an pu. Tlanglawng khan 13-14 hrawng cu a let. A khan 6 in 8 hrawng cu a rawk cikcek dih tiah a chim.

Tlanglawng a let mi bawmchantu hna nih rian har tak tak mi a si. A taap mi pawl chanh dingah seh nganpi pi pawl hman a hauh caah caan tlawmpal cu kan rau pah men lai.Hliamhma a pu mi hna caah Medical camp zong kan dirh colh lai tiah an chim Tlanglawng khan a let mi cheukhat chungah minung a tap mi an um caah a thi mi zong mah nak in an tam deuh kho men tiah Ghokti SSP Umar Tufail nih a ti the chin post.

Thawngdang relchap ko Vanhnem Sung & Dawthlei Sung nih Myanmar ram i harsami mi lak ah harsa pawl caah Sunday School in Laksawng an mi vialte an rak hlu dih.An nu le an pa zong nih naite ah khan chungkhar pa khat sin in Laksawng an hmu mi vialte harsa pawl caah an rak hlu dih ve.

CBMM hi 2016 in Myanmar ram thlarau, thinlung le taksa damnak caah biatak tein Mission tuan mi phu kan si. Atu lio kan ton mi ruangah Myanmar ah ting 10 leng unau cu dornak ngei lo eidin ngei lo dirhmun ah an Phan cang. CBMM nih dornak ngei lo inn sak piak, Lazarus Eidin Bawmhnak, nipuan le sii le dang dang herh mi Bawmhnak kan pe cuahmah lio asi. A hlan zong ah bawmhnak kan pe i a tu zong kan pe lio asi i hmai le zong kan pe lai. Bawipa nih damnak le thazang kan pe hram ko seh.

A cung i langhter mi hlu tu unau le Chungkhar cungah Bawipa min in kan nih lawm tuk. Myanmar ram ah Nan um lo nain Nan phaisa a um Nan rawl a um Nan nipuan a um ii Nan sii a um. Thete ram ah ti lo le rawl lo um mi unau hna caah Bawipa sin in ra mi mana Nan si. Eidin Phaisa Nan pe lawng asi lo Jesuh dawtnak thawngtha Nan chim asi. Thazang Nan pe asi. Mithli nan hnawh asi. Myanmar ram mi ting 540 leng nih dawtnak leiba kan nih ngei. Bawipa nih thlachuah in pe zungzal ko hna seh Amen Amen Amen CBMM.

Suh Kyi kong zong hi relchap ko uh June 7, tuni ah rampi ruahnak petu Daw Aung San Suh Kyi cu biaceizung ah chuahpi a si. Biaceihnak thok hlanah a sihni hna he suimilam pakhat chung biaruahnak caan an pek hna.Amah tangka te a hman ko, zei bawmhnak hmanh a um lo. Thlakhat hnu thlakhat in. Hi kong he pehtlai in zeitindah kan tuah lai a ti. A rannak in a lam kawl dingah a kan cah” tiah Suh Kyi a sihni U Khin Maung Zaw nih a chim.

Daw Aung San Suh Kyi le a sinah a ummi chungkhar hna eidin, tirawl ca tangka zong a tlawm tuk cang. Sii zong a dih dengcang. Zarhnih ah voikhat ralhrang khawngsil nih kan in damh piak ko lai an ti. Asinain Pi Suh nih a duh lo” tiah sihni Daw Min Min Soe nih a chim ve.

Suh Kyi sinah a chungkhar dang minung 8 le a uico duhnungte pakhat an um ve. Khoida ciah ah dah an chiah hna ti theih a si lo. Bawhte pakhat a um ve i Suh Kyi nih cun a sihni hna sinah cawhnuk phut (milk powder) zong a cah hna.Suh Kyi le a sinah a ummi hna cash tangka sing 50, zarh hnih ah voikhat tirawl chanh ding le a din tawnmi sii damh piak dingin ralhrang khawngsil le Suh Kyi sihni pawl cu khuakhannak an ngei lai.

Tuni biaceihnak ah Suh Kyi cu mithmai chiatnak le lungrawhnak pakhat te hmanh a ngei lo, a mithmai a panh, a thekvak a tha, a ngan a dam tinak a si tiah a sihni hna nih an chim.Tuhnu cun zarh hnih voikhat biaceihzung ah chuahpi lengmang a si lai i sual an puhnak, taza an cuainak vialte cu a hnubik Jun 28 ah biaceih dih dingin an timh. Asinain zeitik ni le zei caan ah ti bel a fiang lo the chin post.

Thawngdang’June 7& 8,2021 Nihnih chung China Foreign Minister Wang Yi sawmnak in SINO-ASEAN 30’Anniversary of Relationship cu China ramthen Southwest i Chongqing Khuapi ah Meeting an tuah. Hi Meeting ah ASEAN ramin Indonesia Foreign Minister Ms.Mar Sudi le Brunei Deputy Foreign Minister Erywan Yusof hna hruainak in ASEAN ram 9 Foreign Ministers pawl he Kawl ram SAC Foreign Minister Wannah MaungLwin zong a tel ve.

June 6, 2021 ah khan China Ambassador to Myanmar Mr Chen Hai nih Min Aung Hliang cu Nyphidaw ah biaruahnak an nei cang i,Gen.Min Aung Hliang nih cun China hruainak tangah ASEAN timhlamhnak cu zulh kan i zuam lai ti ah biatiamnak a pek ti’ah AFP/Reuture/ Asian Times News Agency pawl nih an tial. June 4 i ASEAN Palai le Min Aung Hliang ton biaceih nak zongah khan ASEAN Secretary General Mr. Lim Jock Hoi nih Envoy ding hmin-List a pek dih hnu in.

Suukyi le President U.WinMyint ton khawhnak a nawl pinah Political thongtlami pawl chuah dingin an nawl ti’ah ASEAN Zungpi nih Tuchun ah Statement an chuah; na’in Min Aung Hliang nih zeitin a let hna timi belte an tial loh.
Asian Times le News Agencies nih an chim ningah cun, hmaikum ah Cambodia nih ASEAN Chair an tlaih cang lai ca’ah a tu i Brunei nih ASEAN Envoy ding chiah an timhmi Indonesia Ex-Foreign Minister Dr. Hassan Wirajuda hi a mah lawng silo in Mi Pahnih thum( Team) si seh ti’ah Thailand le Cambodia nih an duh i, Singapore, Malaysia le Indonesia nih Midang ( Ex- UN Chief Baankimon or SaSa Kawa) an duh ve fawn ti’ah theih asi. Tutan Meeting ah China Foreign Minister Mr. Wangyi cu Envoy kongah a hrocer len i Min Aung Hliang duhmi Thailand Ex-Deputy Prime Minister Prachut chiah an duh ti’ah thawngpang a leng.

June 5,2021ah khan ASEAN Palai hna nih UEC Chairman thar U Shoe Thein cu an hmuh i,UEC nih Election tuahthannak ding kong zong biatak te’in an hal ti’ah Asian Times nih a tial. Min Aung Hliang nih cun Ms. Suukyi cu Envoy pawl he tonnak a pek te kho men na’in NUG Cozah he cun, tonnak pek dawh asi loh.. MAH nih NUG cu Tapung Terrorist an si ti’ah ASEAN Pa lai pawl sinah a chim ti’ah an chim.

Asian Political Mithiam pawl nih cun, tutan China nih ASEAN pawl a sawmmi hna hi US le EU pawl el’teinak ca’ah hman a timh bikmi asi i, zeitlukin dah ASEAN cungah (Influence) Nawl ngeihnak ka tuah kho ti hi a hmuhsaknak asi ti ah an zumh. Kan hnu lei Zarhah khan US Cozah Deputy Secretary of State Mrs. Wendy Sherman cu Indonesia, Cambodia le Thailand ah a rak tlawng i, South China Sea kongah biatak te’in ttangti dingin a sawm hna.Mahbelte Cambodia Prime Minister Hunsan nih cun, China nih Sea- Port siampiak dingin a sawm. Ara laimi June 9, 2021 ah US President Joe Biden cu G-7 Leader Meeting kai dingah Europe a kal lai i, hi Meet ah hin ASEAN-Myanmar kong zongah biatak te’in ceihhmai nak an nei lai.

Cun, June 16,2021 ah Russia President Putin he zong Geneva ah a vawikhat nak hmaitonh te’in biaceih tti’nak an nei fawn lai.Cuca’ah July le August thla hrawng cun, Myanmar Politics um tuning hi a tha lei in maw, a chia lei in dek aa thleng cang lai ti’ah Political Journalists pawl an tuak ning asi. NLD Party an hrawh lai maw, asi lo’ah Min Aung Hliang tu hi Saddam Hussein le Muammar Gadhafi bantukin an tuah lai timi hngak cio ko hna usih MC Bik Lian.

Leave a Reply