Nupi le fa a ngei lo mi nih kan ram chuahtak in a zaam mi pawl cu.

Hmuhning

Keimah Telh In Ningzak Bak Nan Si Kan ram cu a buai chin lengmang,kan miphun chungin thihnak a tong mi le hliam a tuar mi an karh chin lengmang ve,Khuapi,khuate kiing dipdep tein a um cang i,Ar hmanh tthittha in an khuang ngam ti lo i,mituksum in uico an bo tawn ti a si.

Kan Miphun Kum a umpa cang mi,kum 30 in a cung lei nupi pasala ngei cang mi hna kha cu phundang deuh an si i ruahthiam cio an si ,,asinain,kum 16 in 40 kar a nungak ko mi le a tangval ko mi hna nih kan ram a buai ti i zaam ah a hnawh bak in kan van ihnawh ko hna hi cu kan ram hi a daw taktak mi an hei tlawm dah aw ti hi ka ruat.

Nupi pasal a ngei cang mi le te le fa he khua a sa cang mi,cun,tarnu tarpa hna cu himnak duh i an zaam zong ah theihthiam dih an si ko lai dah.Asinain,Nupi le tefa dawnkhan tu zong a ngei lo mi nih ke kiak hnik in zaam hi cu,Min Aung Hlaing le a nau le nih kan chuaktuk lai.

Kan ram le miphun kan luatnak ding kan caantha a si ti kan theih i,a zaam cang mi ngaknu tlangval hna nih miphun le ram caah va kan kiarpiak tthan ulaw,kan miphun le ram cu,Bawipa bochan bu in va chanhchuak hram dingin kan nawl hna.theiter nak Nupi le fa a ngei lo mi nih kan ram chuahtak in a zaam mi pawl cu,keimah telh in ningzak taktak kan si saya Tin Duh Thang.

Thawngdang Magway remthen, Gangaw peng, Gangaw le Kalay karlak ah a ummi Htay Hlaw khua cu Sept 12, tuzing suimilam 7 hrawngah ralhrang nih mei in an khangh tiah theih a si. Khuami pakhat nih cun “Tuzing suimilam paruk le cheu hrawngah uico ralhrang nih mei in an khangh. Kan inn mei an khangh lio cu a langin kan cuanh, zeihmanh kan ti khawhmi a um lo. Khuami vialte kan himnak dingah kan zam dih” tiah a chim.

Sagaing ramthen le Magway ramthen ramri ah nifatin in ralhrang le mipi vengtu ralkap kahdohnak a um peng. Ralhrang nih khuakhat hnu khuakhat in mei an khangh.Nai teah Gangaw-Kalay karlak ah a ummi Thar Lin, Min Thar, Namkha khua i inn 80 renglo hna cu ralhrang nih mei in an khangh i khuami 20 leng an thah cang hna.

Sept 12, tuzing ah Gangaw le Kalay karlak ah Kalay lei in zei bantuk mawtaw hmanh umkal lo dingin PDF Kalay nih cathanh an chuah. Ralhrang nih umkalnak ah mawtaw sawhsawh an hman tawn caah Gangaw le Kalay karlak ah a umkalmi mawtaw paoh cu kan kah cang lai tiah mipi sinah ralrin peknak cathanh an chuah hi a si. PDF Kalay nih cun an page ah a tanglei bantukin an tial.

“Kahdohnak ruangah Kalaymyo le Gangaw karlak ah mawtaw in umkal hlah u tiah PDF Kalay nih kan thanh lengmang cang. Tuzing in Gangaw peng Namkha le Htay Hlaw khua karlak ah PDF le ralhrang kahdohnak fak ngai in a um. Ralhrang nih umkalnak ah mawtaw sawhsawh an hman lengmang. Cucaah Kalaymyo in Gangaw lei ah zei bantuk mawtaw hmanh kal hlah u tiah ralrin kan in pek than hna. Mawtaw a kalmi cu zei bantuk an si zongah kan kah hna ko hna lai, ti kha hlankan in kan in theihter hna the chin post.

Leave a Reply