Salai Lungthli Tum Hi Chin Mino Ahcun Uar Um Bik Ko Ka Ti

Hmuhning

Salai Lung Thli Tum hi Chin mino ah cun uar umbik ko ka ti.
“”””””””””””””””””””””””””””””””””””””””””””””””””””””””””
A cung ka biatlang he pehtlaihin kan miphun mino te ah cun Salai Lungthli Tum hi a cawlcangh ning zohtikah kan miphun mino hna nih zohchun tlak taktak a si. Thil tuah aa tinhmi cungah teinak a hmu ning le a Sipuazi lei in thanchonak thluak le ruahnak a thiltuah mi tete zoh tikah kan miphun mi no ah cun uar a um bik i a konglam zong hi ceihbik a si fawn. Hawikawm cungah dawtnak a ngeihning miphun cungah dawtnak a ngeihning khua le ram caah le Sifak santlailo cungah dawtnak a ngeihning mi no thangthar hna caah fim cawnnak saduhthah le siahernak a ngeih ning. Kan miphun nih ramdang ah Sianginn tha an kai khawh nakhnga duhfah pi nak le fawrhfian nak caabia tete a rak tial ton mi vial te ka rel ton i ka uar kho tuk Bawipa nih kan miphun caah thinlung thawnnak le ruahnak tha tampi he umpi chin ko seh tiah thlaza ka cam piak pah ton kaa zohthla tuk hringhran. Politic kawng bel te ah hin ka uar ngai ko nain a ruahnak hi pical deuh seh ti ka duhpi ngai. A caa tial mi ah ka sia herhdeuh ngai mi cu (CNLD , hi Pu No Than Kap um hlah sehlaw 100% bakin ka ttanpi lai ti le Thantlang Hakha caah Tih a nung tukmi Pu No Than Kap) ti hi a si.

Hi zonah hin cun a patling deuh rih lo tiah ka ruat. Pu No Than Kap ttih ruangah CNLD ttanpi duh tuk ko buin , CNLD chungah um in riantuan ngamh loin um cu hi zonte ah hin cun Politic lei ah papuitling a si deuh rih lo a pa puino deuh rih ko tiah ka ruat. Mi Pakhat ttih ruang men ah a uar tuk mi le duh tuk ko mi Party kal takin dirkamh ngam lo lungput cu ngeih ti hlah sehlaw teinak ka kut ah a um ve ko ti ruahnak tu ngeih sehlaw a tha tuk hnga ka ti.
Cun Thantlang hakha vial te nih Pu No tih ruangah CNLD ttanhpi ngam lo ding tiangin caa a tial hi cu Politic lei in cun a mah tein tangah a thlak a si deuh sual lai maw ti khi ka phangpiak deuh ngai. A ruang cu Thlantlang Hakha lei le CNF zong nih No Than Kap an ttih lo i an ngamhtuk ko caah Chin party i fawnhdih dingin khuakhan nak an ngeih voithum tiang an rak ngeih hnu ah a si rua ka ti ka palh maw dik Pu No Than Kap zong nih i fonh ding hnatlak nakin a rak co hlang ve a si. Hi zawn ah hin mi tampi nih (Pu No cu a cuhnak thutdan thingah an duh ti lo caah Chin party CNLD ah a vun i thial tiah caa bia hman lo )an tial theu. Kan duh lomi tlaknak ding kan kawl tikah biahman lo hmang hi cu hrial i zuam u sih law tha. Mi kip nih tuanbia theih dih a si ko caah kan mah min i tlak bantuk a si ti kan ruah ding a biapi ngai tiah ka ruah.

Thantlang Hakha nih Pu No Than Kap Ttih ruang menah CNLD ah an luh ngam lo a si cun Ram hum Thimnak ah aa cuh dingah an i tlak lo ti nak khi a si hnga. Cucaah Kan dawt mi kan unau Salai Lung Thli Tum hi ramkhel lei kapin cun a no deuh rih tiah ka ti nak ccu a si. A ruang cu Pu No Than Kap hmanh kan Ttih ah cun, kan miphun pi a kan hrawkdih tu “kawl nu /kawl pa) teinak dingah i zuam cawh nakdingah kan ngamhnak ding lam a um ti lo tinak a si hnga. CNLD ah Pu Thang um hlah sehlaw 100% in ka dirpi lai a ti caah CNLD ah hin um a rak duh tuk ko ti cu a caabia nih a langter tiah ka ruah. Cu caah Pu No Thang Kap ttihnak hi cu pasal a si ah cun thlau i zuam sehlaw CNLD ah thildik ttanpiin Pu No nih Sualnak tuah ding mi tuahter kho loin a uar tuk mi CNLD tu lamdingah a kal khawh zungzalnak ding le a fekkhawh nakding rian tuanding hi a ngamh bak ding hi ka duh pi ngai.

Cu tin ka ti tikah kei mah nih a mah kha CNLD ah lut seh ti ka forh si loin a mah bia nih (PU No um hla sehlaw 100% in CNLD ka dirpi lai ) a ti mi hawih in, mahtluk CNLD kan miphun caah a tha tuk tiah an fiang tuk ko mi Pu No Than Kap ruangah CNLD chungah a dir ngam lo cu tiah ka sia a herh bia tu a si. Ziah pasal a si lo maw No Than Kap tuanbia dawh lo a ngeih mipa nih CNLD ka uar tuk mi lamping a zulh ter sual lai tiah a chungah um ning CNLD hi rawk hlah seh lut bakning ti ding a si deuh lo maw ? ti khin ka ruah piak ngai. Credit: Decenber Vandawtlian Hc

 

Leave a Reply