Hakha Khuathar Sang ah SAC ralkap nih a tlawm bik minung 2 tlaih September 13| Hakha Khuathar Sang ah SAC ralkap nih 2:15 PM hrawng ah Nu pakhat le a naule an tlaih hna, tiah kan theih.Ram Thang te inn tang ah a um mi Nu pakhat le a naule an si. Minung zeizat dah an kalpi hna i zeiruang ah dah an tlaih hna ti kan fiang lo,” tiah khuami pakhat nih The Hakha Times ah a chim.SAC ralkap nih Hakha Khuathar Carson Biakinn hrawng hi 1:15PM khan an kulh cang i atu hi minung zong an tlaih hna tiah kan theih the hakha times.

Thawngdang Magway remthen, Gangaw peng, Gangaw le Kalay karlak ah a ummi Htay Hlaw khua cu Sept 12, tuzing suimilam 7 hrawngah ralhrang nih mei in an khangh tiah theih a si. Khuami pakhat nih cun “Tuzing suimilam paruk le cheu hrawngah uico ralhrang nih mei in an khangh. Kan inn mei an khangh lio cu a langin kan cuanh, zeihmanh kan ti khawhmi a um lo. Khuami vialte kan himnak dingah kan zam dih” tiah a chim.

Sagaing ramthen le Magway ramthen ramri ah nifatin in ralhrang le mipi vengtu ralkap kahdohnak a um peng. Ralhrang nih khuakhat hnu khuakhat in mei an khangh.Nai teah Gangaw-Kalay karlak ah a ummi Thar Lin, Min Thar, Namkha khua i inn 80 renglo hna cu ralhrang nih mei in an khangh i khuami 20 leng an thah cang hna.

Sept 12, tuzing ah Gangaw le Kalay karlak ah Kalay lei in zei bantuk mawtaw hmanh umkal lo dingin PDF Kalay nih cathanh an chuah. Ralhrang nih umkalnak ah mawtaw sawhsawh an hman tawn caah Gangaw le Kalay karlak ah a umkalmi mawtaw paoh cu kan kah cang lai tiah mipi sinah ralrin peknak cathanh an chuah hi a si. PDF Kalay nih cun an page ah a tanglei bantukin an tial.

“Kahdohnak ruangah Kalaymyo le Gangaw karlak ah mawtaw in umkal hlah u tiah PDF Kalay nih kan thanh lengmang cang. Tuzing in Gangaw peng Namkha le Htay Hlaw khua karlak ah PDF le ralhrang kahdohnak fak ngai in a um. Ralhrang nih umkalnak ah mawtaw sawhsawh an hman lengmang. Cucaah Kalaymyo in Gangaw lei ah zei bantuk mawtaw hmanh kal hlah u tiah ralrin kan in pek than hna. Mawtaw a kalmi cu zei bantuk an si zongah kan kah hna ko hna lai, ti kha hlankan in kan in theihter hna the chin post.