Thawngchia:Ralkap nih chungkhar pa2 an tlei hna.

Hmuhning

Zahan Inwa Bank pawng i kahnak a cangmi ruang ah a kingkap um chungkhar pahnih cu nihin zinglei sml. 8:30 hrawng ah palik nih sakhan ah an kalpi hna.Palik nih an kalpimi hna cu Pi Tial Sui le an inntang ah khua a sami Pu Pau No le a nupi an si.Palik nih an thlah tthan hna nakhnga pastorte nih sakhaan ah an tawlrelpi hna lio a si.The Chin Journal

Relchap a duh mi hna caah relchap khawh a si’Chin Ram Ah Raldoh A Vun I Thawk Pah Cang’Chin ram ah ziah ral nan doh ve lo tiah soiseltu tete tampi an rak um. Atu hi Hakha ah voihnih i kahnak a umtikah Chin ram Khualipi Hakha cu kingriangmang tein a um cang! Lampi hmanh ah minung hmuh ding an um ti lo titluk a si. Atu tan ral i dohnak hi caan tawi te lawng a si lai lo. Ralkap Uknak tei hlan lo poh cu meithal he raldoh peng a si cang lai. Cucaah kan mipi hna zong tampi an tuar ve hrimhrim lai. Cucu raldohnak nih a chuahpi mi a si.

Raldohnak a chuak tikah a bikin hriamtlai an thin a tawi te lai. Cu tikah Mipi ko nih kan tuar te lai. Chin mi hi a hlei in kan mirum pawl le Cozah riansang tuan pawl hi ralkap cozah he aa pehtlaimi minung an tam deuh! Cutikah ral a thawh taktak tikah cun Chin miphun chungin kan mirum le Cozah riansang tuan pawl hi an tuar deuh te lai.

AA ralkap nih cun ral an doh tikah hihi Kawl ralkap sinah thawngpang a pe tawntu a si tiah an theihmi cu an zuah hna lo. Cu ve bantuk in Chim ram ah raldohnak fak deuh a chuah tikah Kawl ralkap daalan pawl hi chin mi chungin zei mawzat an um ve caah hi pawl hi Lai ralkap nih tuanvo an lak tikah chungkhar le an hawikom caah tuar a har te lai.

Tutan ah Farrawn khuabawi an tlaih tiah online ah a honglar colh! Hi bantuk hi ral a thawh taktak ahcun a tamtuk te lai. Ral a dotu tahchunhnak ah CDF/CNA tibantuk nih minung an tlaih tik hna ah a ruang um loin an tlai hna lai lo. Caan tampi an zoh hnu hnu ah hihi cu a si ti lo tibank minung cu an tlaih duahmah te hna lai. Cucu raltuk nak nih a chuahpi mi theitlai pawl an si. Khi tikah a hohmanh nih au kanh ding a si te lai lo. (Na tuah hlan ah ruat hmasa timi phungthluk kha kan phan cang lai.)

Biadonghnak ah raldoh a van i thawk cang caah mipi zong ralrin deuh tein khuasak thiam a hau. Cun tutan ah CDM a lut duhlomi pawl ko caah ralrin ding a tam te lai. Luh caan ah lut lomi cu raldohnak nih a van nenh cang hna caah an tuh bantuk in an zun ve ko lai Tin Cung Lian.

Leave a Reply