Tlangcung Miphun Damlonak,PDF CDF hi 600 ansi cang caah NUG nih lungpuam in aa lak ahcun apoi ngai lai.

Hmuhning

Zalonnak Ni He Aasem Ṭi MI Tlangcung Miphun Damlonak.NCA ee, PEACE TALK ee, 21st Panglong Conference ee, Zei ee, cu ee, Keimah pumpak in bia kan ruah hna lai ee, NUG Federal ee, NUG Charter ee, NUCC ee, ICNCC ee ti aherh lem lo. Panglong biakamnak tlinter ahcun adih ko. NUG nih Kawlram Sate (14) an thanh mi hi Panglong in apial ahcun apoi ngai fawn lai. Kawlram Zalonnak Ni Aa thawk Ni Panglong Biakamnak aathawk ri in, Tlangcung mi Damlo hram kan thawk ve. Tlangcung hriamtlai phu (EAOs) le Panglong cu faphir an si. Then awk a ṭha lomi cu Kawlram uktu Luban kip nih then an duh caah Ramkhel ah Kawlram athihnak hi asi. Kawlram Zalonnak Ni le Tlangcungmi ṭhen ah cun athih bak ding asi.

An ṭhen caah kum 70 leng Kawlram athih cang nak hi asi. Kawlram Damlonak cu Panglong biakamnak tlinter lo ruangah asi. Kum 10 hnu ah (1) A Zalon mi ram dirh khawh nak (2) Tlukruan Cikcek nak le Mah tein khuakhan Lairelnak asimi Federal Ramkomh dirh awk kha Panglong thinlung cu asi. Kawlram duhnak zulh, DASSK duhnak tlinter, NUG Chunmang le Charter ning in kal kha Panglong thinlung asilo. Panglong thinlung aduh mi vialte nih Panglong tlinter awk kha kan tuah lo caah Nihin dirhhmun kan phan. Panglong cu independent lak an duh caah asi tiah kawlte nih an ti caah, kum (70) leng ral I doh asi ve. Remdaihnak tiah Kum (70) leng rak tuah zungzal asi ko nain, a hlawhtlin bal ve lo. Tlangcung mi tam deuh cu Panglong biakam 1nk asimi Kum 10 hnu ah Zalonnak hmuh timi cu kan kal tak I, Federal in kan kal deuh cang. Ahram thawk ahcun EAOs hi phu 2-3 Lawng kan si nain, phu (17) leng ah kan karh cang.

Panglong biakamnak ah aatel ve lomi Tlangcung miphun hna zong nih Panglong ning in kalpi an duh dih ve. Cucaah Federal in kal ah, Kawlram hi adam bik lai, a lam atluangbik lai tiah Politicians kip nih tuak cio asi. Tlangcung mi phun le CHIN Miphun caah a ṭhabik mi le aarup bik mi asi lo kho men ko. Kawlram dam ve cangseh timi saduhthah nak lianpi he Zalonnak in Federal ah kan Ṭum hi asi ko. Cucu MAH le Ralhrang Rallokap telin, DASSK le NLD, NUG / CRPH / NUCC le PDF nih an hngalh tawn rua lo. An i hngalh ter, an I thih ter tawn kha asi.

Tamada Tin Sui le USDP cozah siseh, DASSK le NLD cozah siseh, Panglong tlinter ko awk cu NCA ee, 21st Panglong conference ee tiah, Panglong lonh in PEACE cu an kalpi. Meithal chiah dih hmasat hnu ah Ramkhel kong I ruah ding timi mumal in an kan kalpi caah eibar achuak lonak asi. DASSK le NLD leh bang nih cun Rallokap 25% kha ṭhawlh, Democracy in kal, cu hnu ah Democracy Federal in kal an ti. Democracy Federal cu Bahu (Center) ah nawl le power aum. Federal Democracy cu State ah full power aum. Cucaah, Tlukruan Cikceknak le Mah tein khuakhan Lairelnak asimi Federal kan ti tawn kha asi. Kawlte le NUG nih Sithmandaw Federal an ti. Hihi Mah tein khuakhan Lairelnak, Tlukruan cikcek nak, kan covo vialte apek khawh lai I Amakhan lai tihi chimh a har ngai. Phihlik tlangvelh phun in PEACE an tuah pi hna caah, Tlangcungmi tampi nih Kawlte uktu Luban cu an zumh ti hna lo. MAH te lawng hi an zumh lo asi lo. DASSK le NLD zong an zumh hna lo. DASSK chan ah NCA ah aatel lo mi, TNLA, MNDAA, SSPP, tbk hna cu MAH PEACE ah an I tel. KIO, le AA hi aatel ballo mi an si, NCA chungtel aa tel lo ding hi KNU, CNF hi ansi. Adang cu thazang derter ansi caah chim duhhlah ning. EAOs angan bik rual hi phu 17 ansi. Phu 10 cu MAH PEACE an tuah lai. Phu (7) cu tel an duh lo.

MAH te Ralhrang he PEACE Talk ah aatel ding mi DKBA, KNU / KNLA -PC, PNLO, NMSP, ALP, RCSS / SSA, LDU, NCA chungtello chung in UWSA, NDAA, SSPP/SSA an si. Aatel lo ding hna cu: KNU, ABSDF, CNF, NCA Chungtel lo in KIO, AA,TNLA, MNDAA, KNPP tbk hna ansi.EAOs nih an lungtlin tilo mi States (14) kha NUG nih an fek ter. Hihi Tlangcung mi Hnuchit asi kan ti ah nan thin hung lai nain, Tlangcung mi le EAOs zeirello cu asi hrim ko. EAOs nakin Ralkap le uknak ah kan thazang a ṭawn deuh ti phun in an lungpuam mi NUG asi ahcun apoi tak ko lai. NUG State ṭhen cheuh ning hi Kawlram damnak asi bal lai lo. Zawtnak rai achap tu asi khawh men ko dakaw. NUG nih EAOs hi zei a rel lo kho men. NUG kuttang PDF hi Ṭatzing (100) le PDF (257): Myone 250 ah cozah an dirh, Myone (330) aum mi ah, myone (80) lawng ah NUG cozah an drih rih lo. NUG kuttang alut lomi, PDF / CDF / LDF 400 an um rih. Ralhrang MAH adoh Cuahmah mi PDF / CDF / PDF hi 600 ansi cang caah NUG nih lungpuam in aa lak ahcun apoi ngai lai. Sate (14) an thanh ning ahcun, EAOs le Tlangcung mi zei te ah an kan rel lo ti usih law kan palh lailo. Si lo hramseh ti lawng ka thlacam nak asi ko.

CNF / CNA Dohkalh Rumro In Aalak Mi Hna Sin Cakuat.Tutan cu Raldohnak ah Chin Pasalṭha rual tampi nih an kan liam tak. Chinram khuaci a mui ko. Lungzong afim tilo. Molh le hrut kan I timh dih cang hna. Khrih le Thawngṭha ruang ah nunnak le thisen pek lawng ahngalh mi chin mi caah tuar an har khun ko. Cu lio ah CNA Dohkalh rumro in cathlah mi kan hmuh pah tawn. Kan thihloh mi hlah maw an I lawmhtuk ti awk in aum caah thin alinh hi celh bak asi lo. Vainam lawlaw in I samh dih hna ka duh tawn. Kan zemlo sa zong I can dih hmanh ka ngamh tawn. Khurkhua ka ruah deuh tikah, Pathian min in kaa hnemh ṭhan. Chin mi pumkhat sinak a hnursuan sual lai tiah kaa sum I ka kaa kaa cip. Ramthlo, Tlangzar raldohnak ah ram le miphun caah nunnak a pekchantu hna kong cu lunghmui ngai in le CNA santlaih lo asi tiah cathlah mi ka hmuh hi atam pah ko. Kan Unau LAIMI chung in kan si tikah ruah awk le atuar awk an har khun ko. Falam lei kan Unau Cheukhat CNA ahuat tu pawl ko hi nan zual.

CNF / CNA hi um hna hlah sehlaw, Paucan Dohthlennak kan ngawl hi a sau tuk cang. CDF nih an mah lawng in ral an tuk bal theng lai ka zumh lo, kan tawn mi CDF ka hal hna tikah CNA telloin Ral antuk bal theng lo dakaw. Raldohnak afak deuhnak kip ah CNA nih raldohpi asi. Mindat le Thlanglei LAITLANG CDF khi CNA nih an kan dohpi lo ti bantuk in an chimh nain asilo. CNA Ralkap an um lo nak CHINRAM ah aum ti lo. Thawngpang hi hlat deuh ve uh law a ṭha lai. Chinram lawng ah asilo. Hlanchan CHINRAM asimi Kalay – Kabaw-Gangaw-Ṭhilin-Kyaukṭu tiang CNA hruainak in Ralhrang an doh. Vawleipi hngalh in ral an tei khi nan hngalh cio ko lai dah. Chindwin Tiva kian tiang an phan. Pale, Yinmabin le Pungduang Pungngia tiang CNA le an Minung CDF Ralkap hna an um dih ko. Bo Nagar, Bo Tanmani, YDF hna nih ral an TEINAK thilri vialte khi Vawlei kak mi in achuak mi asilo. CNA / CDF bawmhchanh nak asi ti hi tuak pah ve cang tuah u. An minung tampi an thlah hna. CNA lawng hlah, CDFs zong an thlah cio hna dakaw. Chinram himseh, Hlanchan chimram hi kan huhim lai, Federal ah zeimawtzat tal CHINRAM ah khun ṭhan ding tihi nan tuak cio ko lai dah. Bia hi adongh tiang chimh rai asi lo nain.

Bo Nagar, Pale PDF, YDF hna khi CNA / CDF um hna hlah sehlaw, khi tlukin teinak an hmuh lai lo. Kachin ramri ah KIA le PDF nih Rallokap an tei lengmang mi khi, CNA le CDF minung lawng te an si khi a hngalh lomi kan um rua. NUG nih meithal an kan bawmh lo caah, Hriamnam tiang hlawhchawm in nunnak pek in Raldoh mi CNA/ CDF kan si. AA Ralbawizik Ṭun Myat Naing Bia roling kha nan hngalh cio mi asi. Kachin ram in a kir mi CDF nih anrat nak lamthluan Rallokap sakhan tampi an lak mi khi teh? KIA nih an lak khawh lo mi Sakhan tiang an lak dih. KIA nih an lak cia mi Rallokap nih an chut ṭhan mi tiangin, CDFs nih an lak dih khah. Pinlebu, Kawlin velchum, Rallokap Sakhan Lak tu khi CDF kan si khi mu. CNA le CNDF cu CJDC member ve ve ansi. Falam peng ah ral an doh ṭi zungzal. Zeiruang ah dah Falam lei Cheuhkhat nih CNA thangchiat in ca nan thlah tawn ve ee. Ramthlo raldohnak ah an kan liam tak mi kan fadawt le rual cu an mual nan pho hna. Nan ti tuk cang I ralrin deuh cang uh.

Chin ah pumkhat sinak a hnursuan sual lai tiah Falam lei thil sining hi ṭial kan I sum bak dakaw. Hualngo ram ah nan va kal i thangthar nan va thlai. Hualngo nih an I thah mi hna kan theih ko dakaw, Social media ah kan ṭial bak lo. Kha can lio ah, Rallokap nih a nung in tlaih mi 4-5 zong kan hngalh ko hna, kan phuang duh lo. Zo Khuathar ah zam khawh lo ding in Assam Rifle nih an I bawh hna, kan Unau Mizo ZO Khuathar pawl nih an mit nih an hmuh ko nain an kan chanhkhawh lo caah an ṭap ruangmang ti zong kan theih ko, kan ṭial duh lo I asi. Falam, Thantlang, Hakha cu LAI asit ve ve kan si, LAILUN chuak ve ve kan ti si.

Falam Khualipi ṭhialnak kong ah buai duh ti hlah uh. Vawlei cung ah Khualipi an ṭhial mi relcawklo asi. Khualipi hlun ah an ṭhial ṭhan mi a un bal rihlo. Aum ballo khi asiko. Vawleipi ah aapalh mi Theory le Political Ideology kha nan I tlaih caah Nan Unau LAI bak nan kan huat hi asi awk asilo. Hakha in Khualipi aa ṭhial hmanh ah Falam ah asi lai lo. Adang tu ah asi te lai. Cucu Vawleipi tuanbia nih a kalpi mi asi ko. Laizo holh hi CHIN tlangholh duh ruang ah nan mah tein nan I cheu. LAIZO le Hakha holh cu American le England asi ko.

Hakha holh kha LAIZO asi I, LAIZO kha Hakha holh asi ko. Buai awk aum lo. Linguistic ah Family pakhat asi mi LAIZO le Hakha holh asi. LAIZO holh asi khawh lo ahcun English hi Tlang holh tiah mipi nan kan hlen rih. Mirang miphun kan si lo tihi nan hngalh fawn. Acheu nih MIZO holh tlang holh nan ti rih, Luanpar kai hlah uhcah. Nan tlau afak tuk cang. Falam CHIN hi Chin miphun ah Falai nan si rua. Falai chia lo lai chia tiah LAIZO phungthluk kha. ZOMI le Mara cu theihthiam an um rih. Hakha Thantlang I a unau asit asi ko mi Falam CHIN Mi nih nan kan doh zungzal mi hi cu, Israel le Palestine Bantukin chuak lan asi khawh caah ngawl cang uh tu bak in.

CNF hi Hakha Thantlang ta asi lo. Kawlram uktu Luban vialte nih siseh, EAOs nih siseh, Vawleipi nih siseh, NUG / CRPH nih siseh, UN nih siseh, CHIN ai awh in an chawnhbiak hna ti hi hngalh cnag uh law tiah caa kan kuat hna. CNDF, ZRA, MDF ah um ti loin, CDF Mindat le CDF Thlang lei Laitlang lawng in um ti loin, CNF ah a ran nak in I funtom dihhna uhsih. Cuti kan tuah khawh ahcun, Miphun dung tello in CHIN Mi lawng nih Ralhrang MAH cu arua hlan ah kan thluk hrim hrim lai. CNF upa hna hi an tar cang. Dr LHSK, Dr. Suikhar, Pu Zing Cung, Pu Htet Ni, Col Solomon, tbk vialte an tar cang. CNF ah I fonh dih uhlaw, arau hlan ah, kum tlawm pal ah CNF uktu le hruaitu cu, Falam, Zomi, Mara, Mindat, tbk ta pei asi cang lai cu. Nanmah umnak caah hmunhman le akhan an remh chunh piaktu CNF upa Luban ansi tihi zeitik hmanhah phil lo awk ah caa kan kuat hna.Zingtincuai Cinzah

Thawngdang relchap.kan mah duh ning lawng in thil hi tuah peng kan duh dih tawn.Pastor te pawl hmanh nih an mah duh nak lawng in krifabu an hruai tawn hna.an mah duhnak a do tu cu krifa upa zong ah an thim duh hna lo.Ralbawi bantuk in bia an chim tawn ve hna.a ho hmanh nih an bia an el ngam hna lo ca ah mizapi nih an kan duh dih rua ti in an i ruah sual ve tawn.cu bantuk in ralkap bawi zong hi a ho hmanh nih an bia kan el ngam hna lo i an kan duh ngai rua ti in an i ruah ve tawn.an duh lo ning in bia chim sual ah cun thongthlak bak si ko.Mipi kan zawn ruah nak pakhat hmanh an nei kho loh.kan sifah zong ah ,kan thih zong ah ,an zeipoi lo.mi zawn ruah nak pakhat hmanh an nei kho lo.an mah an i nuamh poh ah cun mipi kan harsat zong ah an zeipoi bak lo.

Cu ban tuk in kan lai ralkap kan neih mi hna zong hi laimi kan har sat ding zong an zeipoi ve lo.Thantlang an zam hlan ah Thantlang khua nu khuapa nih khuachung ah meithal nan puah ah cun kan khua a kaang dih lai i zaam dih kan hau lai.cu ca ah cun khuachung ah meithal kan puah piak hlah uh ti ah voihnih an nawl ko hna na in Thantlang mipi zawn an ruah duh lo ca ah a tu bantuk in Thantlang khua cu ai rawk dih tak ko.ralkap an kah hna poh ah ralkap nih inn an duah ve lai ti an theih ko bu ah an kah than lengmang ko hna.mah hi khuaingal bu kan sawh poh ah cun khuaingal nih an kan zuan hnawh ve lai ti hngalh ko na in khuaingal bu va sawh than lengmang ban tuk a si.

khuaingalbu kha hreem colh ah cun an thi dih i an kan seh kho ti lo.Thantlang ralkap an kah tik hna ah an hawile nih an rak bomh hna lai ti a fian ko ca ah rak bawh peng ve ding si.cun inn an duah lai ti zong a fian ko ca ah inn duah i a ra mi zong kha rak kah ve ding si fawn.a tu cu ralkap pakhat an kah le an zam tak diam le inn duah ding i a ra mi ralhrang zong an kap ngam fawn hna lo.an kah ngam hna lo ding ah cun inn an duah lai ti a fian ko ca ah kah lo te in um hna sehlaw thantlang inn zong a kaang hnga lo.thantlang zong an chuah tak hnga lo.a tu cu ralkap kan kah hna lai i inn van duah than hna seh ti he ai lo.

zei ruang ah ti ah inn duah ding in a ra mi kha rak kap hna sehlaw an duah ngam ti hnga lo cu mu.a tu cu an kah hna i an zam colh tik ah inn an van duah colh lai ti a fiang tuk ko cang cu mu.mah cu a sullam cu kan kah hna lai i inn hi van duah rih hna seh ti he ai lo cang.mah hi kong hi CDF/CNF HRUAITU pawl nih nan i timh mi maw a si.NUG nih MINISTER pahnih an kan pek ruang ah dah Thantlang khua hi nan mah duhpoh in nan zuar.Thantlang khua minih an in nawl lengmang ko mi hna hi NUG sin ah nan mah nawl in nan zuar.miphun dang cu an mipi zawn an ruat tuk i NUG he biakam nak an tuah duh rih lo.

kan mah laimi hruaitu pawl hi mipi zawn zong a ruat duh lo mi le mah zawn lawng ai ruat mi ralkap uknak bantuk nan si.nanmah cu ramleng ah hna ngam tuk in nan nupi le nan fa le he nan um i ramchung um mi harsat le thih loh zong nan ruat duh lo.ralkap lungthin a keng ve kan si ti hi nan i thei rih rua lo.nanmah duh nak lawng in rian nan tuan.Ramchung um mi mino vialte ramleng chuah an i tim dih cang i nan mah nih ral doh a hau cang lai.nan fa le zong van thlah ve hna uh law Lai ram a daw tak mi an si kan in ti khawh hna lai cu.mi ca lawng ah bia chim thiam ngang i mah vial ramleng ah hnangam ngai i um hi lairam nih an kan fih tuk cang ti hi nan i thei rih rua loh.

kan lai hruaitu upa tamdeuh cu laimiphun ca ah ral kan doh nan ti le election lio ah LAIPARTY nak in NLD nan tanh deuh ruang ah lairam ah lai mi kan sung khah.Vice president Vanthio a si ruang ah Laimiphun nak in mahsahlawh in nan kal i NLD nan tanh deuh mi hi ruat uh.Laimiphun zawn nak in mah chungkhat nan tanh deuh.mah ban tuk cu miphun hruaitu ah an i tlak maw.an mah sahlawh ca ah pei an tuan ko cu.laimi phun ca ah a tuan ding an si lo ti hi lungfim hau cang.Kawlram cu an kan uk tu nih an duh poh in an kan uk ruang ah a tu bantuk in mipi nih kan tuar cang.mipi zawn an ruah duh lo ruang ah mipi kan celh ti hna lo.

Cu ve bantuk in kan laimi hruaitu cheukhat pawl zong hi an mah zawn lawng an i ruat ve i mipi nih kan celh ve lo caan a phan te lai.an mah cu ramleng ah nuam tak in an um diam ko i mipi zawn an ruat kho ve ti lo.ramchung um mi nih kan thil tuah mi hi an hna tla ti lo ti hi an i thei ve rih lo.Lairam le laihlum a daw tu taktak hruaitu kan neih hlan lo cu lairam hi a ngaihchia peng ko rih rua lai.Peter Mang

Panglong in kan thawk ahcun Kawlte he Remdaihnak kan rak tuah hi kum (74) asi cang. Dihduk U Bachu le Zokhua Ramukbawipa nih Chinram Ṭhilin ah Remdaihnak an rak tuah mi Lungbunh in tuak ahcun (75) kum leng asicang. Diamond Jubilee a phan cang. Kum (10) hnu (1958 Kum) ah Zalonnak (asiloah) Federal Democracy in kal ding timi Panglong Biakamnak cu U Nu nih ahrawk (Kum 64 arau cang). Ralhrang Ni Vung nih U Nu bia afek ternak 1962 kum in tuak ah cun Kum 60 leng tarpa asi cang. Remdaihnak cu akong ceih tilo in, Pension pek ding khi asi cang.

Uk Sang nih England sin in Kawlram Zalonnak ngah awk cu Tlangcungmi (SCOUHP) nih an cohlan lo. Kawlram he adang tein Zalonnak lak awk ah SCOUHP (Tlangcung mi) le England he rak duh mi asi. Chinram cu Mirang nih kum (10) umpi hnu ah Zalonnak pek awk ah thutiam asi. England SPH sinah Uk Sang Cu Tlangcungmi Kuzale asilo tiah SCOUHP nih thilri an tuk. Uk Sang cu likmalek an rak kir colh. Panglong khua ah PEACE TALK timi Remdaihnak atuah pi hna. Mirang nih Chin miphun a tiam mi thutiam Bantukin Uk Sang nih Tlangcung mi kan pa le cu bia a rak kam ve hna. Kum (10) hnu ah Zalonnak ram mah tein dirh khawh asi. Asilo ahcun Kawlram he I fonh in Mah tein khuakhan Lairelnak asimi Federal in ramkomh ah I peh khawh asi tihi asi.

Remdaihnak an ti, Kahdaihnak an ti, meithal chiahchung an ti I, cabuai cung ah bia I ruah lengmang asi nain, voikhat te hmanh a hlawhtlin ballo mi PEACE PROCESS le NCA asi. Rallokap nih hruaimi cu um rihseh, Mipi Cozah NLD nih PEACE an hruai chan zong ah ahlawhtlin thotho lo. Kanpi Suu pumpak hrim nih a hruai hna nain, zei pipa khi an chuah pi khawh lo. Tamada Tin Sui chan tu ah an hlawhtlin deuh bangin thil a kal. NLD kan si cu Kanpi Suu ruangah kan um bangin, Kanpi Suu nih Panglong biakamnak a tlin ter lai tiah 100 % kan zumh caah NLD ah aum mi kan um ve. Tcn; Dr. Lian Hmung Sakhong, Salai Bawi Lian Mang, Salai Khua Uk Lian tbk vialte nih NLD an si dih. CHIN Party an ṭanh lo caah NLD nih kan tei hna hi asi bik ko. CNF / CNA cu duh le duh lo zong ah CHIN PARTY ṭanh ding asi. Duhthimnak an ngei khawh lo.

Chuahpi mi covo bantuk asi. CNF / CNA le CHIN PARTY cu pum le thlarau bang pumkhat asi ko nain, An pa le cheukhat nih NLD he pum khat ansi. Kannih NLD fans caah cun a ṭha nain, tu bantuk in kan ram abuaibai nak zong hi CHIN Party nih TEINAK an hmuh lo (CNF nih an ṭanh pilo) mi hi Aruang bik ah aatel ve men lai tiah ka ruah (NLD ka si buin in mu), 8888 vialte hi federal phu an um lemlo. Prodemocracy phu kan tam. 8888 phu nih Kanpi Suu kha Kawlram Politic aphi ah an ruah. Pumpi ṭanh in an ṭanh. Palh ṭanh in an ṭanh ko. An miphun Party hmanh ṭanh awk a hngalh lomi CNF Dr te le Upa cheukhat an si caah, MAH le Kanpi Suu nih zei ah an rel theng hna lo nain an I theih ter lo. An sualnak cu a theihpar an zun cawlh. CNO /CNDF/ Midant CDF, ZRA / ZCD / ZFU, Mara Party le MDF nih CNF / CNA hnu an zulh duh ve tilo.

Remdaihnak lawngte tuah zungzal in Panglong kan tlin ter lo caah Nihin tiang kan ram le miphun a dam lo nak asi. Rallokap siseh, Mipi cozah NLD le Kanpi Suu siseh, Panglong kan tlin ter lai timi biakamnak an tuah khawh bakbak ve lo. Hi nih cancer in kan ram azawt ter.

MAH nih Keimah pumpak in ka tawn hna lai tiah a ti nain, panglong ka tlinter lai ati ngam lo. Federal kan pek hna lai ati ngam lo. Cucaah, Rakhine miphun nih Kanpi Suu te NLD le Rallokap te USDP cu Tlangcung mi hremhnak le Phihkarhnak ah an I khat, an lung aarual tuk an ti. Tlangcung mi phun le EAOs zong nih Zalonnak (kum 10 hnu Zalonnak ram dirhmi) timi mumal cu kan kaltak I Federal democracy kan I thimh cang. Kum 70 leng remdaihnak tuah lengmang mi eibar achuak lo caah, a man kan ṭhumh mi hna asi.

MAH pumpak in tawn hi a biapi mi asilo. Federal kan pek hna lai ti tu Abiapi mi asi. Rallokap nih Federal pek an ṭih tluk in NLD le Kanpi Suu nih an ṭih ve. NLD fa ei, NUG nih Federal biakamnak zong Panglong bangin an hrawk ve sual hnga maw tiah AA, KIA, te nih an zumh ti hna lo.

MAH nih tuah ding mi PEACE ah PNLO, KNU, NMSP, ALD, DKBA phu (5) cu kan kai lai tiah an ti cang. RCSS, SSPP, UWSA hna cu an I fian rih lo. KIA le CNF cu kan kai lailo an ti cang.

MAH nih Federal, mah tein khuakhan LAIRELNAK, Tlukruannak hi an kan pek lai ti hi zumh ngam cu asilo. Kan zumh I kan bochan tuk mi NLD le Kanpi Suu hmanh nih an pek ṭung hna lo tiah MAH phun in alung apuam. Knowledge age le Global Age timi IT chan ah raldohnak in I tei khawh ngaingai hi aum tilo. Cucaah Cabuai cung ah bia va ruah ve hi a herh ve ko. Kan duh kan ngah lailo ti duh hlah uh, nan duh cu nan ngah khe bal maw? Kanpi Suu le NLD chan hmanh ah kan duh mi kan ngah lo.

Ram nih zeidah an kan tuah piak timi nakin, Ram caah zeidah ka tuahpiak lai timi lawng hi Abiapi tiah, Kanpipi nih ati kha mu. John F. Kennedy Bia asi. Kanpi Suu bia asi lo. Kanpi nih Phihlik tlang a velh ter kha nancing cio ko lai dah. Aphete in, biasiphai thiam le sihnalh thiam Kanpi Suu an kan ti phah tawn, NLD fan rual nih, Kan Unau CHIN PARTY hmai kan khap lo tuk ah, CNF nih PEACE ah hin va kal ve ko uhlaw, CHINRAM caah kan herh mi an tuah duh lo, ankan pek duh lo ahcun I ngawl ah apoi nak aum maw? Um lai lo ka ti ko.

CNF le CHIN kan pa le nih, MAH te nih Federal, an kan pek lailo kan ti? NUG nih an kan pek hrim ko lai kan ti ngam ve maw. CNF cu NUG nih an cohlan Bantukin, ZCD / ZFU / PDF Zoland zong an cohlan ve. Mindat zong an cohlan ve. NUG Channel ah ZO holh le CHO holh in an chimh ter mi khi Aruang aum men lai. Zo miphun political party asimi ZCD le ZFU he I Hawikom in, ZCD te an Ralkap ZRA he ral I doh ti zong hi Sullam a ngeih baklo. Culio ah Mara (MDF) le Mindat zong aum rih. CNF le CDF nih MAH PEACE TALK ah a sin kal nan duh lo I, ZCD / ZFU/ ZRA le Mara (MDF) nih kal in CHIN STATE an hal sual ah teh? Mindat nih an kai sual ve ah tah? Dr. Lian Hmung Sakhong le Dr. Sa Sa cu NUG Bahu level ah rengsang bik an si.

CNF le NUG Senthuhnak ah CNA pakhat lawng CHINRAM army ah cohlan asi tiah Dr. LHSK nih ati. Chinram ah Ralkap pakhat lawng aum lai timi NUG he hnatlak nak kha? Ziah, ZRA, CNDF, MDF, Mindat hi zeidah an tuah kun. Kum 70 leng chung PEACE PROCESS kan zoh ah a hlawhtlin ballomi asi caah, CHINRAM ai awh in CNF dah tilo andang an kai lo nak hnga zong ralven aherh men lai, I ralrin aherh lai. Rakhine ah AA cu a kai lailo nain, ALD tu an kai te lai. NUG nih bochan bikmi Dr. Sa Sa te Mara nih CNF / CDF he aa fonh khawh lo mi hi tuak cikcek

Leave a Reply