Georgia vote an rel than hnuah Biden nih 12284 in a tei. Zeitlukin Trump caah thla na cam len zongah president cu a tling ti lo. Nangmah hlawhtlinnak le riantuan kawlholnak caah ruat loin Trump na dawt taktak a si ahcun a ton rih dingmi kong hi atulio thimnak vote kongah a buaimi nakin a lung re a thei deuhmi cu a si.

A ka nih a chim lo lawng. Cucu ngunkhuai pek lo (Tax fraud or tax evasion) a si i President a tuan hlan le a tuanhnu fonh kum 15 chung vilate tax a pe lo. US president a tuan balmi lakah amahlemah aa ngaihthiam ding or ka palh ko a ti ding cu amah lawng a si ko lai lo maw; a dang an um ti maw. The New York Times nih a tial ning ahcun president a tuan kum a kumkhatnak te lawng $750 a pek ti a si. Cucu a hlan Watergate prosecutor hrimhrim nih president office a chuahtak hnuah tazacuai aa huah te ding tiah a chim chungmi a si.

Democrats le republican election officials nih lih vote (voter fraud) a um/um lo State tampi a bikin key states a simi Arizona, Pennsylvania, Georgia, Nevada le Wisconsin hna an check cang i tette tha (substantial evidence) a um lo an ti cang. Americans mipi 100 ah 80 (80/100) zong nih Biden nih a tei a fiang tuk ko an ti ve.

A nupi le a fanu va pa nih na sung ko an ti zongah a duh lo i a fapa pahnih tu nih cun hruhhruhhranghrang in an pa Trump an tanh rih. Naite taktak tih ni ah Defence Secretary Mark Esper zong a rian in a chuah rih. A chuahnak a ruang zong aa dawh lo ngai. Minak George Floyd police nih an thah lio buainak daihter dingah ralkap fial a hnek ruangah Defence Secretary Mark Esper nih hi bantuk ah police hi an tha ko ralkap thazang tiangtiang a hau lo a ti ruangah rian in a chuah hi si.

Mark Esper zong hi a nek pah bantukin an chim. Mr. Esper cu yes a ti ding hi a rian a si tiah zomhtaih phunin “Yesper” tiah capo min tiang a pek rih rua. Trump hi Laimi tampi nih kan uar tuk nain a thluak a tling maw tling lo ti cu anmah Mirang nih an theih deuh men lai. Credit: Andrew Wilson Bawi Mang
← Covid-19 zawtnak USA ah a karh ngai tiin theih asi. Laimi chung zongah a vun karh than i kan kiangkam ah a zawmi zong an vun karhAa Thuimi State hna lawngah Siloin US Ram State Kip ah Mee Firnak a Um.