Tuzan Lei Matupi Ah A Kal Mi Ralhrang Cu A Cung Lei In Lam Hmu Sak Tu An Ngei Caah Si

Hmuhning

Chin ram, Mindat khua in Matupi lei panh in ralhrang motor 90 hrawng cu nihin January 9, zinglei sang ah an i thawh. Hi motor 90 hrawng lak ah hin raltuknak tank pahnih aa tel. An lamthluan a him le him lo helicopter nih a zohpiak pah hna, tiah theih a si.

“Tuzing ah aa thawh mi ralhrang motor 90 hrawng ah tank pahnih aa tel. Mah hlan Matupi in an rak ṭum lio ah CDF nih an hnu hmai in an rak kah hna. A rak thi mi zong an rak tam. Mah caah atu tan hi helicopter nih lam a sialpiak hna a si lai,” tiah ralhrang cawlcanghnak zohtu pakhat nih a chim. A luancia November thla chung ah Matupi in a rak ṭum mi ralhrang motor pawl cu CDF-Mindat nih voi 12 an kah hna i ralkap 70 nak tlawmlo an rak thi i hliamhma pu mi zong an rak tam. Mindat-CDF in kum 73 a si cang mi pakhat a rak thi ve.

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.

Leave a Reply